ຊົມເຊີຍ! ໄອ ສະປອດ ຜະລິດຕະພັນເຄື່ອງກິລາລາວ ຊຸກຍູ້ ເຄສວ ຢູໄນເຕັດ ລຸຍ ລາວລີກ 2 ປີນີ້!!

ຊົມເຊີຍ! ໄອ ສະປອດ ຜະລິດຕະພັນເຄື່ອງກິລາລາວ ຊຸກຍູ້ ເຄສວ ຢູໄນເຕັດ ລຸຍ ລາວລີກ 2 ປີນີ້!!

July 16, 2020 0 By admin

ໄອ ສະປອດ (AI SPORT) ຜູ້ຜະລິດເຄື່ອງກິລາສັນຊາດລາວ ນ້ອງໃຫມ່ ໄດ້ສືບຕໍ່ໃຫ້ການສະໜັບສະໜູນວົງການກິລາລາວ ຫລ້າສຸດໄດ້ເຊັນສັນຍາຊຸກຍູ້ ສະໂມສອນບານເຕະ ເຄວສ ຢູໄນເຕັດ ໃນການແຂ່ງຂັນເຕະບານ ລາວລີກ 2 ລີກອັນດັບສອງຂອງປະເທດລາວ ລຸ້ນພິຊິດເປົ້າໝາຍ 1 ໃນ 4 ລະດູການ 2020 ນີ້.

ຊຶ່ງການສະໜັບສະໜູນຄັ້ງນີ້ ໄອ ສະປອດ ໄດ້ເຊັນສັນຍາ 1 ປີ ລວມມີເສື້ອນັກເຕະ ແລະ ນັກຮັບ ມູນຄ່າເກືອບ 5 ລ້ານກີບ ຕາງໜ້າມອບໂດຍ: ທ່ານ ໂຄຕ້າ ໄຊຍະສານ ຕົວແທນຮ້ານ ໄອ ສະປອດ ແລະ ຮັບໂດຍ: ທ່ານ ນາງ ທິບພະຈັນ ວິຣະວົງສາ ປະທານສະໂມສອນ ເຄວສ ຢູໄນເຕັດ.

ທ່ານ ໄພລະຄອນ ບຸນວິຊຽນ ເຈົ້າຂອງຜະລິດຕະພັນເສື້ອກິລາ ແລະ ຖົງມືນັກຮັບ ໄອ ສະປອດ (AI SPORT) ກ່າວວ່າ: ໄອ ສະປອດ ຖືວ່າເປັນໜຶ່ງໃນແບຣນກິລາລາວນ້ອງໃຫມ່ ທີ່ຄວາມມຸ່ງຫວັງນຳຜະລິດຕະພັນຈາກແນວຄວາມຄິດຂອງຄົນລາວ ໃຫ້ມີບົດບາດຫລາຍຂຶ້ນໃນສັງຄົມ ແລະ ຊ່ວຍສົ່ງເສີມກິລາລາວໃຫ້ກ້າວໄກ, ໃນປີນີ້ທາງ ໄອ ສະປອດ ໄດ້ສະໜັບສະໜູນສະໂມສອນບານເຕະ ເປັນທີມທີສອງ ຕໍ່ຈາກ ວິທະຍາໄລ ລາວທັອບ ເອຟຊີ ອີກໜຶ່ງທີມໃນ ລາວລີກ 2 ແລະ ມີແຜນສະໜັບສະໜູນກິລາແລ່ນ-ລານ ແລະ ກິລາອື່ນໆໃນຕໍ່ໜ້າ.

Photo: AI SPORT