ເຈີເກັນ ຄັອບ ຄຸມ ລີເວີພູລ ເສຍໃຫ້ ອາຣເຊນໍລ ຄັ້ງທຳອິດ!! ພຣີເມ່ຍລີກ ນັດທີ 36

ເຈີເກັນ ຄັອບ ຄຸມ ລີເວີພູລ ເສຍໃຫ້ ອາຣເຊນໍລ ຄັ້ງທຳອິດ!! ພຣີເມ່ຍລີກ ນັດທີ 36

July 16, 2020 0 By admin

ການແຂ່ງຂັນເຕະບານ ພຣີເມ່ຍລີກ ອັງກິດ ລະດູການ 2019-20 ນັດທີ 36 ຄືນຜ່ານມາ, ປືນໃຫຍ່ ອາຣເຊນໍລ ເປີດບ້ານພົບກັບ ລີເວີພູລ ທີມແຊ້ມລະດູການນີ້, ຫົງແດງຍິງນຳກ່ອນຈາກ ຊາດີໂອ ມາເນ່ ນາທີ 20′ ແຕ່ຖືກ ເດີກັນເນີ້ ຍິງແຊງສອງປະຕູ ຍ້ອນຄວາມຜິດພາດຂອງ ເວີຈິວ ຟານໄດ໋ ແລະ ອາລີຊົງ ເບັກເກີ້ ເສຍບານໜ້າເດີ່ນຕົນເອງ ຖືກ ອາເລັກຊານເດຣ ລາກາແຊັດ ແລະ ໄຣສ໌ ເນວສັນ ຊັດຜູ້ລະປະຕູ ນາທີ 32′ ແລະ ນາທີ 44′ ຈົບເກມ ອາຣເຊນໍລ ແຊງຊະນະ ລີເວີພູລ 2-1.

+ ອາຣເຊນໍລ ຊະນະ ລີເວີພູລ ຄັ້ງທຳອິດນັບຕັ້ງແຕ່ເດືອນເມສາ ປີ 2015 ແລະ ເຈີເກັນ ຄັອບ ຄຸມລີເວີພູລ ເສຍໃຫ້ ອາຣເຊນໍລ ນັດທຳອິດ ຜ່ານມາ ຊະນະ 5 ສະເໝີ 3 ແລະ ລີເວີພູລ ເສຍນັດທຳອິດ ໃນຮອບ 3 ປີປາຍ ເມື່ອນຳຄູ່ແຂ່ງກ່ອນ ຕໍ່ຈາກເດືອນເມສາ ປີ 2017.

+ ນັດນີ້ ລີເວີພູລ ຄອງບານຫລາຍກວ່າ 65% ມີໂອກາດຍິງຫລາຍກວ່າ ອາຣເຊນໍລ 6 ເທົ່າ ລວມໂອກາດຍິງ 24 ຄັ້ງ ແຕ່ຂາດຄວາມຄົມ. ລີເວີພູລ ອົດສ້າງສະຖິຕິຄວ້າແຊ້ມເກີນ 100 ຄະແນນທີ່ ແມນຊິຕີ້ ສ້າງໄວ້ ໃນສອງລະດູການຜ່ານມາ.

ຜົນອີກສາມຄູ່ວານນີ້ (15 ກໍລະກົດ 2020): ແມນເຊັສເຕີ ຊິຕີ້ ຊະນະ ບຣອນມັດ 2-1, ສະເປີ ບຸກຊະນະ ນິວຄາສເຊິນ 3-1 ແລະ ເບີນລີ້ ສະເໝີກັບ ວູຟແຮມຕັນ 1-1.

ລີເວີພູລ ມີ 93 ຄະແນນຈາກ 36 ນັດ ນຳ ແມນຊິຕີ້ 18 ຄະແນນ, ຂະນະທີ່ ອາຣເຊນໍລ ມີ 53 ຄະແນນ ຢູ່ອັນດັບ 9 ລຸ້ນໂຄຕ້າ ຢູໂຣປ້າລີກຕໍ່ໄປ.

ຄືນນີ້ (16 ກໍລະກົດ 2020) ມີແຂ່ງ 4 ຄູ່: ເອຟເວີຕັນ ພົບ ແອັສຕັນ ວິນລ້າ, ເລັສເຕີ ຊິຕີ້ ພົບ ເຊຟຟິວ ຢູໄນເຕັດ ເວລາ 00:00, ຄຣິສຕັນ ພາເລດ ພົບ ແມນຢູ ແລະ ເຊົາແທ່ມຕັນ ພົບ ໄບຣຕັນ ເວລາ 02:15.

ໄຮໄລ້ການແຂ່ງຂັນຕາມລິ້ງລຸ່ມນີ້:

Photo: Arsenal