ພັນເອກ ສົມໝາຍ ພົມມະຈັນ ໄດ້ຮັບເລືອກເປັນເລຂາຄະນະພັກ ກອງບັນຊາການປກສ ແຂວງສະຫວັນນະເຂດ

ພັນເອກ ສົມໝາຍ ພົມມະຈັນ ໄດ້ຮັບເລືອກເປັນເລຂາຄະນະພັກ ກອງບັນຊາການປກສ ແຂວງສະຫວັນນະເຂດ

July 15, 2020 0 By admin

ວິທະຍຸກະຈາຍສຽງ ສະຫວັນນະເຂດ, ກອງປະຊຸມໃຫ່ຍຜູ້ແທນຄະນະພັກກອງບັນຊາການ ປກສ ແຂວງສະຫວັນນະເຂດຄັ້ງທີ 3ໄດ້ໄຂຂຶ້ນຢ່າງເປັນທາງການໃນຕອນເຊົ້າວັນທີ 10ກໍລະກົດ2020ນີ້ ພິທີດັ່ງກ່າວໄດ້ຈັດຂຶ້ນທີ່ສະໂມສອນຫ້ອງວ່າການປົກຄອງແຂວງ .

ເປັນກຽດເຂົ້າຮ່ວມມີສະຫາຍ ສັນຕິພາບ ພົມວິຫານ ກຳມະການສູນກາງພັກ ເລຂາພັກແຂວງ ເຈົ້າແຂວງສະຫວັນນະເຂດ, ໂດຍເປັນປະທານຂອງສະຫາຍ ພັອ ສົມໝາຍພົມມະຈັນ ຮັກສາການເລຂາ ຫົວໜ້າກອງບັນຊາການປກສແຂວງ,ມີຫົວໜ້າຈັດຕັ້ງແຂວງ,ກວດກາແຂວງ, ຮາກຖານພັກ, ໜ່ວຍພັກ, ກອງບັນຊາການປກສເມືອງສະມາຊິກພັກສົມບູນ ແລະ ແຂກຖືກເຊີນເຂົ້າຮ່ວມ.


ໃນພິທີສະຫາຍ ພັອ ສົມໝາຍ ພົມມະຈັນ ຮັກສາການເລຂາຄະນະພັກ ຫົວໜ້າກອງບັນຊາການ ປກສ ແຂວງ ໄດ້ຂຶ້ນຜ່ານບົດລາຍງານການເມືອງຂອງອົງຄະນະພັກກອງບັນຊາການປກສແຂວງຄັ້ງທີ 2ໃນໄລຍະ 05ປີຜ່ານມາໂດຍສັງເຂບ ເຊິ່ງໄດ້ຕີລາຄາດ້ານດີຜົນງານ, ດ້ານອ່ອນຂໍ້ຄົງຄ້າງແລະບາງບົດຮຽນທີ່ຖອດຖອນໄດ້ ຢູ່ໃນບັນດາ ວຽກງານການເມືອງແນວຄິດ,ວຽກງານກໍ່ສ້າງພັກ-ພັກນັກງານ,ແລະບນດາວຽກງານທີ່ສຳຄັນອີກຈຳນວນໜຶ່ງ ຈາກນັ້ນຄະນະຜູ້ແທນເຂົ້າຮ່ວມກອງປະຊຸມກໍ່ໄດ້ຜັດປ່ຽນກັນຂຶ້ນປະກອບຄຳຄິດຄຳເຫັນໃສ່ບົດລາຍງານການເມືອງ,ເປັນຕົ້ນແມ່ນ ວຽກງານກໍ່ສ້າງພັກກໍ່ສ້າງພະນັກງານ,ວຽກງານປົກປັກຮັກຄວາມສະຫງົບສຸກຄວາມເປັນລະບຽບຮຽບຮ້ອຍໃນສັງຄົມແລະວຽກງານອົງການຈັດຕັ້ງມະຫາຊົນ.

ໃນໂອກາດດຽວກັນຄະນະຜູ້ແທນສົມບູນຈໍ່ານວນ189ສະຫາຍກໍ່ໃຊ້ສິດຢ່າງເຕັມສ່ວນປ່ອນບັດຄັດເລືອກເອົາຄະນະພັກກອງບັນຊາການປກສແຂວງຊຸດໃໝ່ຈໍານວນ13ສະຫາຍເລືອກເອົາ 11ສະຫາຍແລະປ່ອນບັດຄັດເລືອກເອົາຜູ້ແທນສົມບູນໄປຮ່ວມກອງປະຊຸມຂອງອົງຄະນະພັກແຂວງ.

ຜ່ານການປ່ອນບັດຄັດເລືອກຄະນະພັກກອງບັນຊາການປກສແຂວງ ເຫັນດີ ຕົກລົງເອົາສະຫາຍ ພັອ ສົມໝາຍພົມມະຈັນເປັນເລຂາຄະນະພັກ,ສະຫາຍ ພັທ ສັງທອງ ສີປະເສີດ ເປັນຮອງເລຂາ,ສະຫາຍ ພັທ ບຸນເລີດຄະທຸມພົມເປັນປະທານກວດກາແລະອີກ08ສະຫາຍເປັນຄະນະແລະອີກ02ສະຫາຍເປັນຮອງປະທານກວດກາຄື: ສະຫາຍພັທ ດາວວອນຄົມທິລາດຮອງປະທານກວດກວດກາ,ສະຫາຍພັຕ ຄຳໂຮງພັດສາພົນ ຮອງ.

ຕອນທ້າຍເຈົ້າແຂວງສະຫວັນນະເຂດກໍ່ໃຫ້ກຽດໂອລົມ ເຊິ່ງກ່ອນອື່ນສະຫາຍກໍ່ໄດ້ສະແດງຄວາມຍ້ອງຍໍຊົມເຊີຍຕໍ່ບົດລາຍງານການເມືອງຂອງອົງຄະນະພັກກອງບັນຊາການປກສແຂວງຄັ້ງທີ 2 ເຫັນໄດ້ຜົນງານທີ່ພົ້ນເດັ່ນຫຼາຍດ້ານ,ຍ້ອຍຄວາມບຸກບືນຫ້າວຫັນຂອງກຳລັງປກສແລະຍ້ອງຍໍຊົມເຊີຍຜົນສຳເລັດກອງປະຊຸມໃຫ່ຍຄັ້ງນີ້ຢ່າງຈົມງາມ ພ້ອມນີ້ສະຫາຍຍັງໄດ້ມີຄຳເຫັນບາງດ້ານທີ່ຄວນເອົາໃຈໃສ່ເປັນຕົ້ນ ການກໍ່ອະຊະຍາກຳ,ການກໍ່ການຮ້າຍທາງຄອມພີວເຕີ້,ບັນຫາໄພພິບັດທຳມະຊາດ,ບັນຫາໂລກລະບາດອື່ນໆ ບັນຫາອິດທິກຳລັງປໍລະປັກສ້າງຄວາມປັ່ນປ່ວນ,ຫັນປ່ຽນໂດຍສັນຕິ ບັນຫາການແກ້ໄຂປະກົດການຫຍໍ້ທໍ້ໃນສັງຄົມ ຢາເສບຕິດ,ຄ້າຂາຍເຖື່ອນແລະບັນຫາປະກົດການຫຍໍ້ທໍ້ພາຍໃນກຳລັງແລະໃຫ້ພ້ອມກັນສຶບຕໍ່ເຮັວຽກງານການເມືອງແນວຄິດ,ສຶບຕໍ່ປັບປຸງກໍ່ສ້າງພັກໃຫ້ປອດໃສແລະເຂັ້ມແຂງ,ໜັກແໜ້ນ,ໃຫ້ເພີ່ມທະວີການກວດກາພາຍໃນການເຄືອນໄຫວຂອງພະນັກງານທີ່ບໍ່ຖືກຕ້ອງ,ວຽກງານຫັນລົງກໍ່ສ້າງຮາກຖານການເມືອງແລະສຶບຕໍ່ວຽກງານວິຊາສະເພາະໃຫ້ມີເຄື່ອງມືທັນສະໄໝ.
ຂ່າວ: ປກສ ແຂວງສະຫວັນນະເຂດ