ໄປເບິ່ງພາບງາມໆ  ຂອງແຂວງໄຊສົມບູນ ຄວາມງາມທີ່ລໍຖ້າທ່ານໄປສຳຜັດ ແຕ່ຕ້ອງທ່ຽວຢ່າງມີຄວາມຮັບຜິດຊອບນໍ

ໄປເບິ່ງພາບງາມໆ ຂອງແຂວງໄຊສົມບູນ ຄວາມງາມທີ່ລໍຖ້າທ່ານໄປສຳຜັດ ແຕ່ຕ້ອງທ່ຽວຢ່າງມີຄວາມຮັບຜິດຊອບນໍ

July 15, 2020 0 By admin

ແຂວງໄຊສົມບູນ ເປັນແຂວງໜຶ່ງ ທີ່ຂຶ້ນຊື່ລືຊາເລື່ອງຄວາມງົດງຂອງຂອງທໍຳມະຊາດ ໂດຍມີສາຍພູສະຫຼັບຊັບຊ້ອນ ແລະ ທຳມະຊາດທີ່ຍັງອຸດົມສົມບູນ ເຊິ່ງຈະກາຍເປັນທ່າແຮງສຳຄັນຂອງການພັດທະນາເສດຖະກິດ ສັງຄົມໃນອະນາຄົດ.

ປັດຈຸບັນເລີ່ມມີນັກທຸລະກິດ ເຂົ້າໄປສືກສາສຳຫຼວດເຖິງຄວາມເປັນໄປໄດ້ ໃນການພັດນາສະຖານທີ່ທ່ອງທ່ຽວ, ພັດທະນາກະສິກຳຫຼາຍຂຶ້ນ.

.

ຢ່າງໃດກໍຕາມມມື້ນີ້ແອັດມິນຂໍອະນາຍາດນຳເອົາບົດຄວາມແລະຮູບງາມງາມໆຈາກເພຈ Just Go Out ທ່ຽວໃສກະໄດ້ ເຊິ່ງເປັນອີກເພຈທີ່ນຳສະເໜີດ້ານການທ່ອງທ່ຽວເມືອງລາວ ທັງນີ້ກໍເພື່ອເປັນການສົ່ງເສີມລາວທ່ຽວລາວເພື່ອພັດທະນາເສດຖະກິດສັງຄົມ ໂດຍສະເພາະປະກອບສ່ວນໃນການພັດທະນາຂະແໜງທ່ອງທ່ຽວ ສ້າງລາຍຮັບໃຫ້ຊຸມຊົນ.

ໂດຍມີເນື້ອໃນໃຈຄວາມດັ່ງນີ້: ທຳມະຊາດທີ່ສຳຜັດໄດ້ດ້ວຍຕົວເຮົາເອງ! ລາວທ່ຽວລາວ, ທ່ຽວຢ່າງມີຄວາມຮັບຜິດຊອບ ດ້ວຍການຮັກສາສິ່ງແວດລ້ອມຊ່ວຍກັນເດີ້ທຸກຄົນ (ພູຫົວໂລ້ນ,ບ້ານ ພູຫົວຊ້າງ ເມືອງອານຸວົງ  ແຂວງໄຊສົມບູນ)

ການເດີນທາງຈາກນະຄອນຫຼວງວຽງຈັນ  ໄປໄຊສົມບູນ ໃຊ້ເວລາ4-5 ຊົ່ວໂມງດ້ວຍລົດສ່ວນຕົວ , ໄລຍະທາງ ປະມານ 225Km, ບ້ານພັກລາຄາ 80.000 – 120.000ກີບ, ແນະນຳຈອງກ່ອນໄປ ເພື່ອຫ້ອງເຕັມກ່ອນ.

.

ພູຫົວໂລ້ນແມ່ນຕິດແຄມທາງໃຫຍ່, ມີຫຼາຍທາງຂັ້ນ ແລ້ວແຕ່ຢາກເຮົາຢາກເລາະຖ່າຍຮູບມຸມໃດ໋ ກໍຊອກບ່ອນຈອດລົດ ແລ້ວຂຶ້ນໄດ້ເລີຍ. ລະວັງໂຕທາກກັນແດ່ເດີ້ທຸກຄົນຊ່ວງຝົນນະ, ເພາະແອັດຖືກສອຍມາແລ້ວ.

.

ທ່ຽວໃຫ້ມ່ວນ ທ່ຽວຢ່າງມີຄວາມຮັບຜິດຊອບ ທ່ຽວແບບມີວິໄນ. ໄປແລ້ວຢ່າຖິ້ມຂີ້ເຫຍຶ້ອສະຊາຍເດີ້, ເອົາຫຍັງຂຶ້ນໄປກິນກະເອົາລົງໄປຖິ້ມຢູ່ບ່ອນຖິ້ມຂີ້ເຫຍື້ອ.ok ເນາະ. ຂໍໃຫ້ທຸກຄົນທ່ຽວຢ່າງມີຄວາມສຸກ

.

.

ແຂວງໄຊສົມບູນ ມີທັງໝົດ 5 ເມືອງຄື: ເມືອງອະນຸວົງ, ເມືອງທ່າໂທມ, ເມືອງລ່ອງແຈ້ງ, ເມືອງລອງຊານ ແລະ ເມືອງຮົ່ມ