ຝົນຕົກແຮງດິນເຈື່ອນ ເສົາໄຟຟ້າຫັກ ສົ່ງຜົນໃຫ້ເມືອງ ລ່ອງແຈ້ງ ບໍ່ມີໄຟໃຊ້

ຝົນຕົກແຮງດິນເຈື່ອນ ເສົາໄຟຟ້າຫັກ ສົ່ງຜົນໃຫ້ເມືອງ ລ່ອງແຈ້ງ ບໍ່ມີໄຟໃຊ້

July 10, 2020 0 By admin

ເວລາປະມານ 3:00ໂມງ ເຊົ້າ ຂອງ ວັນທີ 9 ກໍລະກົດ 2020 ຢູ່ ເຂດບ້ານ ນ້ຳຍອນ ເມືອງ ອະນຸວົງ ແຂວງໄຊສົມບູນ ໄດ້ມີຟ້າລົມ ຝົນຕົກແຮງ.

 

ຈຶ່ງເປັນສາເຫດໃຫ້ພູເຈື່ອນລົງໃສ່ເສົາໄຟລະບົບຈໍາໜ່າຍໄຟຟ້າແຮງດັນກາງ 22 ກິໂລໂວນ ເສົາໄຟຟ້າຍາວ 12 ແມັດຫັກ ຈໍານວນ 5 ຕົ້ນ, ເຮັດໃຫ້ສາຍໄຟຂາດ ສົ່ງຜົນໃຫ້ເມືອງ ລ່ອງແຈ້ງ ບໍ່ມີໄຟໃຊ້ ແລະ ເຂື່ອນໄຟຟ້ານໍ້າງື່ມ 3.

.

ພາຍຫຼັງ ໄດ້ຮັບແຈ້ງການ ລັດວິສາຫະກິດໄຟຟ້າລາວ ສາຂາ ແຂວງໄຊສົມບູນ ໄດ້ສົມທົບກັບ ພະແນກຄຸ້ມຄອງລະບົບສົ່ງ, ເຂື່ອນນໍ້າງື່ມສາມ ແລະ ສູນບໍລິການໄຟຟ້າເມືອງລອງແຈ້ງ.

ຈິ່ງໄດ້ລົງກວດກາ ແລະ ສ້ອມແປງຢ່າງຮີບດ່ວນ ເພື່ອເຮັດໃຫ້ລະບົບໄຟຟ້າໃຫ້ສາມາດມານໍາໃຊ້ໄດ້ເປັນປົກກະຕິ. ລັດວິສາຫະກິດໄຟຟ້າລາວສາຂາໄຊສົມບູນ ຈຶ່ງຂໍອະໄພໃນຄວາມບໍ່ສະດວກໃນການຊົມໃຊ້ໄຟຟ້າໃນຄັ້ງນີ້ດ້ວຍ


ພາບແລະຂ່າວໂດຍ:ລັດວິສາຫະກິດໄຟຟ້າລາວ ສາຂາແຂວງ ໄຊສົມບູນ