ທ່ານສົມດີ ດວງດີ ລົງຊຸກຍູ້ ແລະ ກວດກາຄວາມຄືບໜ້າໂຄງການພັດທະນາເຂດເສດຖະກິດ ວັງເຕົ່າ-ໂພນທອງ

ທ່ານສົມດີ ດວງດີ ລົງຊຸກຍູ້ ແລະ ກວດກາຄວາມຄືບໜ້າໂຄງການພັດທະນາເຂດເສດຖະກິດ ວັງເຕົ່າ-ໂພນທອງ

July 8, 2020 0 By admin

ໃນບ່າຍວັນທີ 8ກໍລະກົດ 2020, ທ່ານ ສົມດີ ດວງດີ  ຮອງນາຍົກລັດຖະມົນຕີ ລັດຖະມົນຕີກະຊວງການເງິນ ພ້ອມຄະນະ ໄດ້ເຄື່ອນໄຫວຢ້ຽມຢາມ ແລະ ກວດກາຄວາມຄືບໜ້າໂຄງການພັດທະນາເຂດເສດຖະກິດ ວັງເຕົ່າ-ໂພນທອງ ແລະ ກວດກາເບິ່ງສະພາບອາຄານດ່ານສາກົນວັງເຕົ່າ ຕື່ມອີກ.


ໃຫ້ກຽດນຳໜ້າພາທາງໂດຍ ທ່ານ ມະໄລທອງ ກົມມະສິດ ຄະນະປະຈຳພັກແຂວງ ຮອງເຈົ້າແຂວງໆຈຳປາສັກ ຜູ້ຊີ້ນໍາວຽກງານເສດຖະກິດ ຂັ້ນແຂວງ ພ້ອມດ້ວຍການນໍາຂະແໜງການຕ່າງໆ ທີ່ກ່ຽວຂ້ອງ ເຂົ້າຮ່ວມ.

ໂຄງການກໍ່ສ້າງພັດທະນາເຂດເສດຖະກິດ ວັງເຕົ່າ – ໂພນທອງ ເມືອງໂພນທອງ ແຂວງຈໍາປາສັກ  ໄດ້ມີພິທີວາງສີລາລືກກໍ່ສ້າງຢ່າງເປັນທາງການໃນເດືອນກໍລະກົດປີ2019ຜ່ານມາ ດ້ວຍມູນຄ່າການລົງທຶນທັງໝົດປະມານ 250 ລ້ານໂດລາສະຫະລັດ ຫຼື ປະມານ 2.125 ຕື້ກີບ ໂດຍບໍລິສັດ ພັດທະນາເຂດເສດຖະກິດພິເສດ ວັງເຕົ່າ – ໂພນທອງ .

ກິດຈະກໍາຈັດຕັ້ງປະຕິບັດແບ່ງອອກເປັນ 3 ໄລຍະ ຄື: ໄລຍະທີ 1 ຮົ້ວອ້ອມເຂດແດນຂອງເຂດ, ປະຕູໂຂງ ແລະ ທາງເຂົ້າ – ອອກຂອງເຂດທີ່ໄດ້ມາດຕະຖານດີ; ສຳຫຼວດອອກແບບວາງແຜນຜັງກໍ່ສ້າງພື້ນຖານໂຄງລ່າງ; ກໍ່ສ້າງລະບົບພື້ນຖານໂຄງລ່າງ ແລະ ສາທາລະນູປະໂພກ; ກໍ່ສ້າງສູນບໍລິການລະບົບສາງພັກສິນຄ້າ, ກໍ່ສ້າງສະຖານີຂົນສົ່ງໂດຍສານ ແລະ ສະຖານທີ່ບໍລິການຈອດລົດ; ກໍ່ສ້າງອາຄານການຄ້າ ແລະ ຕະຫຼາດຊຸມຊົນ; ກໍ່ສ້າງຮ້ານຄ້າຍົກເວັ້ນພາສີ; ກໍ່ສ້າງສຳນັກງານຫ້ອງການຂອງໂຄງການ.

ໄລຍະທີ 2 ແມ່ນສືບຕໍ່ກໍ່ສ້າງພື້ນຖານໂຄງລ່າງ ແລະ ສາທາລະນູປະໂພກຂອງເຂດ, ກໍ່ສ້າງ ແລະ ນຳໃຊ້ສູນອາຫານ, ສູນການຄ້າ, ອະສັງຫາລິມະຊັບ ( ບ້ານຈັດສັນ, ຕຶກອາຄານການຄ້າ ແລະ ທີ່ພັກອາໄສ ), ສູນບໍລິການນ້ຳມັນເຊື້ອໄຟ, ທະນາຄານ – ສະຖາບັນການເງິນ, ກິດຈະການດ້ານການທ່ອງທ່ຽວ ( ໂຮງແຮມ, ເຂດສວນສະໜຸກ, ສວນນ້ຳ ), ສູນປະຊຸມ ແລະ ວາງສະແດງ;ໄລຍະທີ 3 ເຂດອຸດສາຫະກຳເພື່ອສົ່ງອອກ ( ອຸດສາຫະກຳປຸງແຕ່ງ, ໂຮງງານປະກອບເຄື່ອງເອເລັກໂຕຣນິກ ແລະ ເຕັກໂນໂລຊີ ).

ແຫຼງທີ່ມາ: Phommasoukha Thounthongchay