ແຂວງ ອັດຕະປື ຈັດພິທີປະກາດຄະນະນຳຂອງແຂວງ ອອກພັກການ-ຮັບບຳນານ 1 ສຫາຍ

ແຂວງ ອັດຕະປື ຈັດພິທີປະກາດຄະນະນຳຂອງແຂວງ ອອກພັກການ-ຮັບບຳນານ 1 ສຫາຍ

July 8, 2020 0 By admin

ພາຍຫຼັງ ທີ່ອົງການປົກຄອງແຂວງ ອັດຕປື ສຳເລັດກອງປະຊຸມຄົບຄະນະບໍລິຫານງານ ທາບທາມບຸກຄະລາກອນ ຮອບ II ກຽມສູ່ກອງປະຊຸມໃຫຍ່ອົົງຄະນະພັກແຂວງ ຄັ້ງທີXl ໃນວັນທີ 8 ກໍລະກົົດ 2020 ຄະນຈັດຕັ້ງແຂວງ ອັດຕປື ໄດ້ຈັດພິທີປະກາດພະນັກງານການນຳຂອງແຂວງ ຈຳນວນ 1 ສະຫາຍ ອອກພັກການ-ຮັບອຸດໜູນບຳນານ ຄື ສະຫາຍ ພອນສະໃໝ ມຽງລາວັນ ຮອງເລຂາພັກແຂວງ-ຮອງເຈົ້າແຂວງ ທີ່ພົ້ນກະສຽນ ຖຶກອອກພັກຜ່ອນ ເຂົ້າຮັບບຳນານຕາມລະບຽບການ ມີຄະນະນຳຂັ້ນແຂວງ ແລະ ຄະນະນຳກ່ຽວຂ້ອງເຂົ້າຮ່ວມ.


ສັງລວມໂດຍຫຍໍ້ວ່າ ຕະຫລອດໄລຍະຜ່ານມາ ສະຫາຍ ພອນສະໃໝ ມຽງລາວັນ ຮອງເລຂາພັກແຂວງ-ຮອງເຈົ້າແຂວງ ທີ່ພົ້ນກະສຽນນີ້ ໄດ້ປະຕິບັດໜ້າວຽກງານ ແລະ ໄດ້ທຸ້ມເທເຮື່ອແຮງ, ສະຕິປັນຍາຂອງຕົນ ເພື່ອພາລະກິດລວມຂອງຊາດ ກໍຄື ການປະກອບສ່ວນເຂົ້າໃນການຮັບໃຊ້ໜ້າທີ່ການເມືອງ ທີ່ພັກ-ລັດ ໄດ້ມອບໝາຍໃຫ້ນັ້ນ ໄດ້ມີການເຕີບໃຫຍ່ ຂະຫຍາຍຕົວເລື້ອຍໆມາ ດັ່ງນັ້ນ, ໃນພິທີດັ່ງກ່າວ ບັນດາຄະນະນຳຂອງແຂວງ ກໍ່ໄດ້ຕາງໜ້າໃຫ້ບັນດາສະຫາຍ ພະນັກງານ-ລັດຖະກອນ ກ່າວສະແດງຄວາມຮູ້ບຸນຄຸນຕໍ່ສະຫາຍທີ່ອອກພັກຜ່ອນເຂົ້າຮັບເບ້ຍບຳນານ ພ້ອມທັງມອບຊໍ່ດອກໄມ້ ແລະ ຂອງຂວັນໃຫ້ກັບ ໃຫ້ສະຫາຍຢ່າງສົມກຽດ.


ໂອກາດດຽວກັນ ສະຫາຍ ເລັດ ໄຊຍະພອນ ເລຂາພັກແຂວງ ເຈົ້າແຂວງ ອັດຕະປື ໄດ້ສະແດງເຖິງການຍ້ອງຍໍຕໍ່ສະຫາຍ ທີ່ໄດ້ປະກອບສ່ວນ ຕໍ່ພາລະກິດ ການປະຕິວັດ ແລະ ປົກປັກຮັກສາ-ສ້າງສາພັດທະນາປະເທດຊາດ ອັນເປັນສິ່ງເອກອ້າງທະນົງໃຈ ເຊື່ອໜັ້ນວ່າ ສະຫາຍໄດ້ພັກຜ່ອນການຮັບບຳນານໄປນັ້ນ ຈະສືບຕໍ່ເປັນກຳລັງແຮງສຶກສາອົບຮົມພະນັກງານຫລັກແຫລ່ງ, ລູກຫລານປະຊາຊົນທີ່ຕົນສັງກັດຢູ່ຮາກຖານທ້ອງຖິ່ນ ເຮັດໃຫ້ເຂົາເຈົ້າກາຍເປັນພະນັກງານສືບທອດປຽ່ນແທນ, ພະນັກງານຄຸ້ມຄອງ ແລະ ເປັນກຳລັງແຮງອັນສຳຄັນ ໃນການປະກອບສ່ວນເຂົ້າໃນພາລະກິດສ້າງສາພັດທະນາປະເທດຊາດໃນໄລຍະໃໝ່ດີຂຶ້ນເປັນກ້າວໆ.


ໂດຍ: ມາລາທິບ