ໂອບາເມຢ໋ອງ ແລະ ວາຣດີ້ ຍິງຜູ້ລະປະຕູ! ອາຣເຊນໍລ ພົບ ເລັສເຕີ ຈົບດ້ວຍຜົນສະເໝີ! ພຣີເມ່ຍລີກ ນັດທີ 34

ໂອບາເມຢ໋ອງ ແລະ ວາຣດີ້ ຍິງຜູ້ລະປະຕູ! ອາຣເຊນໍລ ພົບ ເລັສເຕີ ຈົບດ້ວຍຜົນສະເໝີ! ພຣີເມ່ຍລີກ ນັດທີ 34

July 8, 2020 0 By admin

ການແຂ່ງຂັນເຕະບານ ພຣີເມ່ຍລີກ ອັງກິດ ລະດູການ 2019-20 ນັດທີ 31 ຄືນຜ່ານມາ, ປືນໃຫຍ່ ອາຣເຊນໍລ ເປີດບ້ານເອມີເຣສ ຕ້ອນຮັບ ຈິງຈອກສະຫຍາມ ເລັສເຕີ ຊິຕີ້ ສູກັນໄດ້ຢ່າງໃກ້ຄຽງສູສີ ໂດຍເປັນເຈົ້າບ້ານ ອາຣເຊນໍລ ສວຍໂອກາດຂຶ້ນນຳກ່ອນຈາກ ປີແອ ເອເມຣິກ ໂອບາເມຢ໋ອງ ນາທີ 21′ ມາເຄິ່ງຫລັງ ອາຣເຊນໍລ ເຫລືອຜູ້ຫລິ້ນ 10 ເມື່ອຕົວສຳຮອງ ແອັດດີ້ ເອັນເຄເຕຍ ລົງມານາທີ 71′ ແລະ ຫລິ້ນໄດ້ປະມານ 4′ ນາທີ ໄດ້ຮັບບັດແດງຈາກຈັງຫວະວາງດຸມໃສ່ ເຈມສ໌ ຈັສຕິນ ກອງຫລັງເລັສເຕີ, ຫລັງຈາກນັ້ນ ເລັສເຕີ ບຸກໜັກກວ່າເກົ່າ ແລະ ມາປະສົບຜົນສຳເລັດໄດ້ປະຕູຕີສະເໝີຈາກ ເຈມີ້ ວາຣດີ້ ນາທີ 84′ ເວລາທີເຫລືອບໍ່ມີປະຕູເພີ່ມ ຈົບເກມສະເໝີກັນ 1-1 ແບ່ງໄປທີມລະຄະແນນ.

+ ອາຣເຊນໍລ ບໍ່ເສຍໃນບ້ານໃຫ້ ເລັສເຕີ ໃນເກມ ພຣີເມ່ຍລີກ ເປັນນັດທີ 23 ຕິດຕໍ່ກັນ ໃນນີ້ ຊະນະ 19 ສະເໝີ 4.

+ ເລັສເຕີ ຊິຕີ້ ເປັນທີມທີຍິງປະຕູໃນ 15 ນາທີສຸດທ້າຍຫລາຍສຸດໃນ ພຣີເມ່ຍລີກ ລະດູການນີ້ ລວມ 18 ໜ່ວຍ.

ຂະນະນີ້ ອາຣເຊນໍລ ມີ 50 ຄະແນນຈາກ 31 ນັດ, ຢູ່ອັນດັບ 7 ຕາມຫລັງ ເລັສເຕີ ອັນດັບ 4 ພື້ນທີ່ແຊ້ມປ້ຽນລີກ 9 ຄະແນນ, ເຫລືອການແຂ່ງຂັນອີກ ນັດ ໂອກາດລຸ້ນຕິດ 1 ໃນ 4 ລຳບາກ. ນັດຕໍ່ໄປ ອາຣເຊນໍລ ຈະໄປຢາມ ສະເປີ ໃນວັນທີ 12 ກໍລະກົດນີ້ ສ່ວນ ເລັສເຕີ ຈະໄປຢາມ ບຣອນມັດ ໃນຄືນວັນດຽວກັນ.

ໄຮໄລ້ການແຂ່ງຂັນຕາມລິ້ງລຸ່ມນີ້:

Photo: Arsenal, Leicester City