ມ່ວນມັນ!! ເອຊີ ມິລານ ພິກແຊງຊະນະ ຢູເວັນຕຸສ! ເຊຣີອາ ອີຕາລີ ນັດທີ 31

ມ່ວນມັນ!! ເອຊີ ມິລານ ພິກແຊງຊະນະ ຢູເວັນຕຸສ! ເຊຣີອາ ອີຕາລີ ນັດທີ 31

July 8, 2020 0 By admin

ການແຂ່ງຂັນເຕະບານ ເຊຣີອາ ອີຕາລີ ລະດູການ 2019-20 ນັດທີ 31 ຄືນຜ່ານມາ, ສອງທີມຍັກໃຫຍ່: ຜີສາດແດງດຳ ເອຊີ ມິລານ ເປີດບ້ານຊານຊີໂຣ ພົບກັບ ມ້າລາຍ ຢູເວັນຕຸສ ແຊ້ມເກົ່າ ແຊ້ມເກົ່າອອກນຳກ່ອນ 2-0 ຈາກ: ອາດ້ຽນ ຣາບີໂອ ນາທີ 47′ ແລະ ຄຣິສເຕຍໂນ້ ໂຣນາວໂດ້ ນາທີ 53′ ແຕ່ເຈົ້າບ້ານຍິງແຊງ 4 ປະຕູລວດ ຈາກການສັງຫານຈຸດໂທດຂອງ ຊະລາຕັນ ອີບຣາຮີໂມວິກ ນາທີ 62′, ແຟັງ ເຄສຊີ້ ນາທີ 66′, ຣາຟາເອວ ເລເອົາ ນາທີ 67′ ແລະ ອັນເຕ້ ເຣບິກ ນາທີ 80′ ຈົບເກມ ເອຊີ ມິລານ ແຊງຊະນະ ຢູເວັນຕຸສ ສຸດມັນ 4-2.

ຂະນະທີ່ ລາຊີໂອ້ ທີມອັນດັບສອງ ທີ່ມີໂອກາດລຸ້ນແຊ້ມ ກໍພາດທ່າບຸກເສຍໃຫ້ ເລັກເຊ້ ທີມທ້າຍຕາຕະລາງ 1-2 ອິນຊີຟ້າຂາວ ລາຊີໂອ້ ນຳກ່ອນຈາກ: ເຟລິບເປ້ ໄຄເຊໂດ້ ນາທີ 23′ ແຕ່ຖືກ ເລັກເຊ້ ຍິງແຊງສອງປະຕູຈາກ ຄູມ້າ ບາບາກ້າ ນາທີ 30′ ແລະ ຟາບີໂອ ລີຊີໂອນີ້ ນາທີ 47′.

ຕາຕະລາງຄະແນນຂະນະນີ້ ຢູເວັນຕຸສ ແຂ່ງ 31 ນັດ ມີ 75 ຄະແນນ ນຳອັນດັບສອງ ລາຊີໂອ້ 7 ຄະແນນເໝືອນເດີມ, ສ່ວນ ມິລານ ມີ 49 ຄະແນນ ຢູ່ອັນດັບ 5 ພື້ນທີ່ຢູໂຣປ້າລີກ ຕາມຫລັງອັນດັບ 4 ອັດຕາລັນຕ້າ ພື້ນທີ່ແຊ້ມປ້ຽນລີກ 14 ຄະແນນ ແຕ່ມິລານ ແຂ່ງຫລາຍກວ່າ 1 ນັດ. ສ່ວນ ເລັກເຊ້ ໜີຈາກພື້ນທີ່ຕົກຊັ້ນ ມີ 28 ຄະແນນ ຫ່າງຈາກພື້ນທີ່ຕົກຊັ້ນ 1 ຄະແນນ ແຕ່ເລັກເຊ້ ແຂ່ງຫລາຍກວ່າ 1 ນັດ.

ໄຮໄລ້ການແຂ່ງຂັນຕາມລິ້ງລຸ່ມນີ້:

Photo: Juventus, AC Milan