ແຕ່ງຕັ້ງທ່ານ ວິໄລພອນ ນໍທິລາດ  ແລະ ທ່ານ ສີສຸວັນ ເພັດຊົມພູ  ເປັນຮອງປະທານສານເຂດ III ແຂວງສະຫວັນນະເຂດ

ແຕ່ງຕັ້ງທ່ານ ວິໄລພອນ ນໍທິລາດ  ແລະ ທ່ານ ສີສຸວັນ ເພັດຊົມພູ  ເປັນຮອງປະທານສານເຂດ III ແຂວງສະຫວັນນະເຂດ

July 7, 2020 0 By admin

ຕອນເຊົ້າວັນທີ 06 ກໍລະກົດ 2020 ຢູ່ສະໂມສອນຫ້ອງວ່າການເມືອງເຊໂປນ ແຂວງສະຫວັນນະເຂດໄດ້ຈັດພິທີປະກາດການຈັດຕັ້ງຮອງປະທານສານປະຊາຊົນເຂດ III ແຂວງສະຫວັນນະເຂດໂດຍການໃຫ້ກຽດເປັນປະທານ ທ່ານ ຄຳພັນ ບຸນພາຄົມ ຮອງປະທານສານປະຊາຊົນສູງສຸດ,ມີບັນດາທ່ານປະທານສານປະຊາຊົນ ແຂວງສະຫວັນນະເຂດ,ກຳມະການປະຈຳພັກເມືອງ,ກຳມະການປະຈຳພັກເມືອງ,ປະທານສານປະຊາຊົນເຂດ 01, ເຂດ 02, ເຂດ 03,ເຂດ 04ແຂວງສະຫວັນນະເຂດ,ອົງການໄອຍະການປະຊາຊົນເຂດ III,ຫົວໜ້າ,ຄະນະຫ້ອງການ,ປກສ,ປກຊ ພ້ອມດ້ວຍອໍານາດການປົກຄອງບ້ານເຂົ້າຮ່ວມ.

ໃນກອງປະຊຸມທ່ານ ບົວພັນ ສີລາດວງໃຈ ປະທານສານປະຊາຊົນເຂດ III ຂື້ນລາຍງານສະພາບການເຄື່ອນໄຫວໜ້າທີ່ວຽກງານໂດຍຫຍໍ້,ຈາກນັ້ນຕາງໜ້າຫົວໜ້າພະແນກ ບໍລິຫານ ນະໂຍບາຍຂອງກົມຈັດຕັ້ງພະນັກງານຂື້ນຜ່ານມະຕິຕົກລົງຂອງຄະນະປະຈໍາສະພາແຫ່ງຊາດ.

ໂດຍໄດ້ແຕ່ງຕັ້ງທ່ານ ວິໄລພອນ ນໍທິລາດ ຜູ່ພິພາກສາຊັ້ນໜຶ່ງ ຂອງສານປະຊາຊົນ ແຂວງສະຫວັນນະເຂດ ເປັນຮອງປະທານສານປະຊາຊົນເຂດ III ,ທ່ານ ສີສຸວັນ ເພັດຊົມພູ ຜູ່ພິພາກສາຊັ້ນສອງ ປະຈຳຢູ່ປະຊາຊົນເຂດ II ແຂວງສະຫວັນນະເຂດ ເປັນຮອງປະທານສານເຂດ III ແຂວງສະຫວັນນະເຂດ ແລະ ໄດ້ມີການປະດັບຊັ້ນໃຫ້ຖືກຜູ້ແຕ່ງຕັ້ງ,ໂດຍການໃຫ້ກຽດປະດັບຊັ້ນ ທ່ານ ຄຳພັນ ບຸນພາຄົມ.


ຈາກນັ້ນທ່ານ ຄຳພັນ ບຸນພາຄົມ ກໍ່ໄດ້ໃຫ້ກຽດມີຄຳເຫັນຕໍ່ພິທີດັ່ງກ່າວກ່ອນອື່ນທ່ານກໍ່ຍິນດີນຳທັງສອງທ່ານທີ່ໄດ້ຮັບແຕ່ງຕັ້ງໃນຄັ້ງນີ້ ແລະ ທ່ານ ຍັງໄດ້ເນັ້ນກ່ຽວກັບຄວາມຮັບຜິດຊອບໃນໜ້າທີ່ວຽກງານ,ຄວາມສື່ຕົງ,ຢຶດໝັ້ນໃນຈັນຍາບັນ.ຈັນຍາທຳໃນອາຊີບຂອງຕົນ,ມີຄວາມຊັດຊື່ບໍລິສຸດ,ຄວາມທ່ຽງທຳ ແລະະ ວຽກງານແນວຄິດ,ການເມືອງ,ສິນທຳປະຕິວັດ,ມີແບບແຜນວິທີເຮັດວຽກ,ມີຄວາມສາມັກຄີພາຍໃນຫ້ອງການຂອງຕົນ ພ້ອມກັນຈັດຕັ້ງປະຕິບັດໃນໜ້າທີ່ວຽກງານຂອງຕົນໃຫ້ໄດ້ຮັບຜົນສຳເລັດເປັນກ້າວໆ.