ສະເປີ ປາບ ເອຟເວີຕັນ 1-0 ມູຣິນໂຢ້ ຄຸມທີມຊະນະນັດທີ 200 ໃນພຣີເມ່ຍລີກ!!

ສະເປີ ປາບ ເອຟເວີຕັນ 1-0 ມູຣິນໂຢ້ ຄຸມທີມຊະນະນັດທີ 200 ໃນພຣີເມ່ຍລີກ!!

July 7, 2020 0 By admin

ການແຂ່ງຂັນເຕະບານ ພຣີເມ່ຍລີກ ອັງກິດ ລະດູການ 2019-20 ນັດທີ 33 ຄືນຜ່ານມາ, ທ໋ອດແນ່ມ ຮັອດສະເປີ ເປີດບ້ານຊະນະ ເອຟເວີຕັນ ແບບວຸດວິດ 1-0 ຈາກການຍິງຂອງ ໂຈວານີ້ ໂລເຊໂຊ້ ໄປຕຳ ໄມເຄິນ ຄີນ ເຂົ້າປະຕູຕົນເອງໃນນາທີ 24′ ຫລັງຈົບເຄິ່ງເວລາທີໜຶ່ງ ຫົວໜ້າທີມ ຮີວໂກ້ ຢໍລິສ ແລະ ຊອນເຮືອງມິນ ສອງນັກເຕະຂອງ ສະເປີ ປະທະຄາລົມກັນ ຢໍລິສ ບໍ່ພໍໃຈທີ່ ຊອນເຮືອງມິນ ຖືເບົາບໍ່ໄລ່ຈັບ ຣິຊາລີສັນ ເກືອບຖືກຍິງເສຍປະຕູ, ຢ່າງໃດກໍຕາມເຄິ່ງຫລັງທັງສອງກໍກັບມາເປັນປົກກະຕິຊ່ວຍທີມຈົນພິຊິດ 3 ຄະແນນຈາກ ເອຟເວີຕັນ.

+ ໂຈເຊ່ ມູຣິນໂຢ້ ກາຍເປັນຜູ້ຈັດການທີມຄົນທີ 5 ຄຸມທີມຊະນະນັດທີ 200 ໃນພຣີເມ່ຍລີກ.

+ ສະເປີ ບໍ່ເສຍໃຫ້ ເອຟເວີຕັນ ນັດຫລັງສຸດໃນ ພຣີເມ່ຍລີກ ໃນນີ້ ຊະນະ 8 ເປັນຜົນງານດີສຸດໃນການພົບກັບຄູ່ແຂ່ງທຸກທີມ.

ສະເປີ ບວກເພີ່ມເປັນ 48 ຄະແນນຈາກ 33 ນັດ ຫຍັບຂຶ້ນມາຢູ່ທີ 8 ຕາມຫລັງອັນດັບ 4 ໂຄຕ້າ ແຊ້ມປ້ຽນລີກ 9 ຄະແນນ ແລະ ຕາມຫລັງ ອາຣເຊນໍລ ອັນດັບ 7 ໂຄຕ້າ ຢູໂຣປ້າລີກ 1 ຄະແນນ. ຂະນະທີ່ ເອຟເວີຕັນ ຢູ່ອັນດັບທີ 11 ມີ 44 ຄະແນນ ລຸ້ນໂຄຕ້າ ຢູໂຣປ້າລີກ ຕໍ່ໄປໃນນັດທີ່ເຫລືອ. ນັດຕໍ່ໄປ ສະເປີ ຈະໄປຢາມ ບຣອນມັດ ໃນວັນທີ 10 ກໍລະກົດນີ້ ຂະນະທີ່ ເອຟເວີຕັນ ຈະເປີດບ້ານພົບກັບ ເຊົາແທ່ມຕັນ ໃນວັນດຽວກັນ.

ໄຮໄລ້ການແຂ່ງຂັນຕາມລິ້ງລຸ່ມນີ້:

Photo: Tottenham