ເມືອງເຊໂປນ ປະກາດຈົບຊັ້ນມັດທະຍົມຕອນຕົ້ນບໍາລຸງທົ່ວເມືອງ

ເມືອງເຊໂປນ ປະກາດຈົບຊັ້ນມັດທະຍົມຕອນຕົ້ນບໍາລຸງທົ່ວເມືອງ

July 6, 2020 0 By admin

ພິທີປະກາດຈົບຊັ້ນມັດທະຍົມຕອນຕົ້ນບໍາລຸງສໍາລັບປະຊາຊົນ ທົ່ວເມືອງ ໄດ້ຈັດຂຶ້ນໃນວັນທີ 30 ມິຖຸນາ 2020 ຜ່ານມານີ້ ຢູ່ທີ່ສະໂມສອນເມືອງເຊໂປນໂດຍການເຂົ້າຮ່ວມເປັນປະທານ ຂອງທ່ານ ນາງ ຂັນທະລີ ສີລິພົງພັນ ຮອງລັດຖະມົນຕີກະຊວງສຶກສາ,ມີທ່ານ ທ່ານ ວົງສະຫວັນ ວຽງມະນີ ເລຂາຄະນະບໍລິຫານງານພັກເມືອງ ເຈົ້າເມືອງເຊໂປນ ທ່ານ ນາງ ຫຼິງທອງ ແສງຕາວັນ ຫົວຫນ້າພະແນກ ສຶກສາທິການແລະກິລາແຂວງ,ມີບັນດາທ່ານໃນຄະນະປະຈໍາພັກເມືອງ,ກໍາມະການພັກເມືອງຫົວຫນ້າຫ້ອງການ, ແລະ ບັນດາເມືອງອ້ອມເຂົ້າຮ່ວມຢ່າງພ້ອມພຽງ.


ໃນພິທີ ທ່ານ ຄໍາເພັດ ໄຊຍະເທບ ຫົວຫນ້າຫ້ອງການສຶກສາທິການແລະກິລາເມືອງກໍ່ໄດ້ຂື້ນຜ່ານບົດລາຍງານການເຄື່ອນໄຫວ: ເມືອງເຊໂປນເປັນເມືອງໜຶ່ງໃນ 14 ເມືອງຂອງແຂວງສະຫວັນນະເຂດ ເປັນເຂດພູດອຍ ທີ່ຕັ້ງຢູ່ຫ່າງຈາກເທດສະບານແຂວງສະຫວັນນະເຂດ 200 ກິໂລແມັດ,ມີປະຊາກ່ອນທັງໝົດ 62,586 ຄົນ ຍິງ30,997 ຄົນ ປະກອບດ້ວຍເຜົ່າຜູ້ໄທ,ເຜົ່າລາວແລະເຜົ່າບຣູ ກວມເອົາ 69 %,ທົ່ວເມືອງມີໂຮງຮຽນທັງໝົດ 109 ແຫ່ງ,ປະຖົມສົມບູນມີ 93 ແຫ່ງ ,ຫ້ອງຮຽນຊັ້ນປະຖົມມີ 306 ຫ້ອງ ໃນນັ້ນມີຫ້ອງຄວບ 173ຫ້ອງ ກວມເອົາ56,53% ອັດຕາເຂົ້າຮຽນໃຫມ່ສຸດທິຂອງເດັກ 6ປີປະຕິບັດໄດ້ 98,04%,ຍິງ 97,54% ຄາດຫມາຍ98,02%,ອັດຕາເຂົ້າຮຽນສຸດທິຊັ້ນປະຖົມປະຕິບັດໄດ້ 98,84%ຍິງ98,28%ຄາດຫມາຍ99%ເມືອງເຊໂປນໄດ້ປະກາດຈົບຊັ້ນປະຖົມບໍາລຸງໃຫ້ແກ່ປະຊາຊົນໃນເກນອາຍຸ 15-40ປີໃນຄັ້ງວັນທີ 04/03/2014.

ຜ່ານມາໄດ້ສໍາເລັດການປະກາດຈົບຊັ້ນບໍາລຸງແລ້ວທາງຫ້ອງການສຶກສາທິການແລະກິລາເມືອງກໍ່ໄດ້ສືບຕໍ່ປະຕິບັດຕາມແຜນຍຸດທະສາດປະຕິຮູບລະບົບການສຶກສາແຫ່ງຊາດໂດຍຂະຫຍາຍຕານ່າງການສຶກສາທາງໃນໂຮງຮຽນແລະນອກໂຮງຮຽນໄປພ້ອມໆກັນໂດຍອີງໃສ່ມະຕິກອງປະຊຸມໃຫຍ່ຄັ້ງທີ X ຂອງອົງຄະນະພັກເມືອງເຊໂປນແລະປະຕິບັດຕາມແຈ້ງການຂອງພະແນກສຶກສາແລະກິລາແຂວງສະບັບເລກທີ 1426/ສສຂ.ສຂ ລົງວັນທີ 19/2/2014 ວ່າດ້ວຍການສືບຕໍ່ຈັດຕັ້ງການຮຽນ-ການສອນມໍຕົ້ນບໍາລຸງໃຫ້ປະຊາຊົນໃນເກນອາຍຸ 15-40ປີໃຫ້ຜູ້ທີບໍ່ທັນຈົບມຕົ້ນເພື່ອເຮັດໃຫ້ທິດຊີ້ນໍາແລະຄາດໝາຍສູ້ຊົນຂອງອົງຄະນະພັກເມືອງເຊໂປນໃຫ້ປະກົດຜົນເປັນຈິງທີໄດ້ວາງຄາດຫມາຍໃຫ້ເມືອງເຊໂປນສູ້ຊົນຈັດຕັ້ງປະຕິບັດການຍົກລະດັບການສຶກສາຈົບຊັ້ນມັດທະຍົມຕອນຕົ້ນບໍາລຸງໃຫ້ປະຊາຊົນທົ່ວເມືອງທີ່ມີຜົນງານແລະສາມາດຈັດຕັ້ງປະຕິບັດໄດ້ຈົນມີຜົນສໍາເລັດ.


ຈາກນັ້ນກໍ່ໄດ້ມີການຜ່ານຂໍ້ຕົກລົງວ່າດ້ວຍການຍ້ອງຍໍ ບຸກຄົນດີເດັ່ນ ຂອງທ່ານລັດຖະມົນຕີກະຊວງສຶກສາທິການແລະກິລາ,ທ່ານເຈົ້າແຂວງ,ທ່ານເຈົ້າເມືອງ ແລະມອບໃບຢັ້ງຢືນຈົບຊັ້ນມັດທະຍົມຕອນຕົ້ນບໍາລຸງທົ່ວເມືອງ