ປຶກສາຫາລືວຽກງານພັດທະນາການທ່ອງທ່ຽວຈຸດດອນຊາວ ເມືອງຕົ້ນເຜິ້ງ ແຂວງບໍ່ແກ້ວ

ປຶກສາຫາລືວຽກງານພັດທະນາການທ່ອງທ່ຽວຈຸດດອນຊາວ ເມືອງຕົ້ນເຜິ້ງ ແຂວງບໍ່ແກ້ວ

July 6, 2020 0 By admin

ທ້າຍອາທິດຜ່ານມານີ້ ຢູ່ທີ່ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງບໍ່ແກ້ວ ໄດ້ມີກອງປະຊຸມປຶກສາຫາລືວຽກງານທ່ອງທ່ຽວຈຸດດອນຊາວ ເມືອງຕົ້ນເຜິ້ງ ແຂວງບໍ່ແກ້ວ ໂດຍການເປັນປະທານຂອງທ່ານ ປອ ສົມຄິດ ວົງປັນຍາ ຫົວໜ້າພະແນກຖະແຫຼງວຂ່າວ,ວັດທະນະທຳ ແລະ ທ່ອງທ່ຽວແຂວງ, ມີບັນດາແຂວງຮັບເຊີນ ຈາກພະແນກຂະແໜງການທີ່ກ່ຽວຂ້ອງ ແລະ ພະນັກງານວິຊາການ, ຜູ້ປະກອບການ ເຂົ້າຮ່ວມ.


ທ່ານ ບຸນສະຫວັດ ແກ້ວດວງຕາ ຫົວໜ້າຂະແໜງທ່ອງທ່ຽວໃຫ້ຮູ້ວ່າ: ຜ່ານການລົງສໍາຫຼວດຕົວຈິງແຫຼ່ງທ່ອງທ່ຽວດອນຊາວ ເມືອງຕົ້ນເຜິ້ງ ເຫັນວ່າ ສະຖານທີ່ທ່ອງທ່ຽວໄດ້ຮັບການປັບປຸງເປັນຕົ້ນແມ່ນ ສະຖານທີ່ຖະນົນຫົນທາງ, ໄຟແສງສີ, ການປັບປຸງຈຸດພັກເຊົ້າຂອງນັກທ່ອງທ່ຽວ, ການປະດັບປະດາ, ເຮືອນຊົງລາວ, ການປັບປຸງເວທີກາງແຈ້ງ.


ກອງປະຊຸມຍັງໄດ້ປຶກສາຫາລືການໃຊ້ຊັບຊື້ສະຖານທີ່ແຫຼ່ງທ່ອງທ່ຽວເປັນຕົ້ນແມ່ນ ຊື່ເສັ້ນ ທາງ, ຊື່ແຫຼ່ງທ່ອງທ່ຽວ ເພື່ອຊອກຫາທາງອອກ ປັບປຸງໃຫ້ສອດຄ່ອງຕາມລະບຽບກົດໝາຍທີ່ທາງກະຊວງ ຖວທ ວາງອອກ.

.

.


ຂ່າວ-ພາບ: ບຸນເພັດ ໄຊຍະວົງ