ບາເຢິນ ມິວນິກ ປາບ ເລເວີຄູເຊັນ ພິຊິດແຊ້ມ ເດເອຟເບ ໂພຄາວ ເປັນລາຍການທີ 2 ໃນປີນີ້!!

ບາເຢິນ ມິວນິກ ປາບ ເລເວີຄູເຊັນ ພິຊິດແຊ້ມ ເດເອຟເບ ໂພຄາວ ເປັນລາຍການທີ 2 ໃນປີນີ້!!

July 5, 2020 0 By admin

ການແຂ່ງຂັນເຕະບານ ເດເອຟເບ ໂພຄາວ (DFB Pokal) ເຢຍລະມັນ ລະດູການ 2019-20 ຮອບຊິງຊະນະເລີດ ຄືນຜ່ານມາ (4 ກໍລະກົດ 2020) ທີ່ສະໜາມໂອລິມເປຍສະຕາດີອົງ ໃນນະຄອນຫລວງເບີລິນ (ແບກແລັງ) ປະເທດເຢຍລະມັນ ບາເຢິນ ມິວນິກ ແຊ້ມເກົ່າ ທັງເປັນແຊ້ມສູງສຸດ 19 ສະໄໝ ພົບກັບ ໄບເອີ ເລເວີຄູເຊັນ ແຊ້ມ 1 ສະໄໝ.

ຜົນປະກົດວ່າ: ແຊ້ມເກົ່າ ເສືອໃຕ້ ບາເຢິນ ມິວນິກ ສືບຕໍ່ສ້າງຜົນງານດີຕໍ່ເນື່ອງ ເອົາຊະນະ ໄບເອີ ເລເວີຄູເຊັນ 4-2 ບາເຢິນ ນຳກ່ອນ 3-0 ຈາກ: ດາບິດ ອາລາບ້າ ນາທີ 16′ ເຊີກ ຫງ່າບີ້ ນາທີ 24′ ເລວານດັອຟສະກີ້ ນາທີ 59′ ຈາກນັ້ນ ເລເວີຄູເຊັນ ຍິງໄລ່ມາ 1-3 ຈາກ: ສະເວັນ ເບັນເດີ ນາທີ 63′ ບາເຢິນ ໜີຫ່າງເປັນ 4-1 ຈາກ: ເລວານດັອຟສະກີ້ ອີກຄັ້ງ ນາທີ 89′ ໄລຍະຕໍ່ເວລາບາດເຈັບ ເລເວີຄູເຊັນ ໄດ້ເພີ່ມອີກໜຶ່ງປະຕູຈາກການສັງຫານຈຸດໂທດຂອງ ຄາຍ ຮາວເວັດ ນາທີ 90+5′ ຈົບເກມ ບາເຢິນ ຊະນະ ເລເວີຄູເຊັນ 4-2 ປ້ອງກັນແຊ້ມໄດ້ສຳເລັດ ແລະ ສ້າງສະຖິຕິຄວ້າແຊ້ມ DFB Pokal ສະໄໝທີ 20.

+ ໂຣເບີດ ເລວານດັອຟສະກີ້ ກອງໜ້າທີມຊາດໂປໂລຍ ເພີ່ມສະຖິຕິໃຫມ່ໃຫ້ຕົນເອງ ຍິງປະຕູທີ 51 ຈາກ 44 ນັດ ດີສຸດຕະຫລອດອາຊີບຂອງກອງໜ້າໄວ 31 ປີ.

+ ບາເຢິນ ມິວນິກ ສ້າງສະຖິຕິຊະນະ 17 ນັດລວດ ລວມທຸກລາຍການ ແລະ ບໍ່ເສຍ 26 ນັດຕິດຕໍ່ກັນ ໃນນີ້ ຊະນະ 25 ສະເໝີ 1 ຍິງ 68 ປະຕູ ເສຍ 16 ປະຕູ.

+ ຂະນະທີ່ ເລເວີຄູເຊັນ ເຂົ້າຊິງ 4 ຄັ້ງ ໄດ້ແຊ້ມຄັ້ງດຽວໃນປີ 1993.

ບາເຍິນ ຄວ້າແຊ້ມລາຍການທີສອງໃນລະດູການນີ້ ຕໍ່ຈາກແຊ້ມລີກ ບຸນເດັສລີກ້າ ແລະ ຍັງມີໂອກາດລຸ້ນອີກໜຶ່ງແຊ້ມຄື: ຢູຟ້າ ແຊ້ມປ້ຽນລີກ ປະຈຸບັນ ຮອບ 16 ທີມສຸດທ້າຍ ນັດທີ 1 ບຸກຊະນະ ເຊວຊີ ມາກ່ອນ 3-0. ນັດທີ 2 ຈະພົບກັບ ເຊວຊີ ໃນວັນທີ 7 ສິງຫາທີ່ຈະມາເຖິງນີ້.

ໄຮໄລ້ການແຂ່ງຂັນຕາມລິ້ງລຸ່ມນີ້:

https://www.youtube.com/watch?v=d0tSr24oUYU

Photo: FC Bayern München