ອັບເດດທາງພູເກົ້າຫຼັກ! ເວລາ 16 ໂມງ ວັນທີ 4 ກໍລະກົດ ສາມາດສັນຈອນໄດ້ແລ້ວ… ແຕ່ຫາກລົດບໍ່ມີໂຟນວິນແລະລົດຕໍ່າຄວນຫຼີກລຽງ

ອັບເດດທາງພູເກົ້າຫຼັກ! ເວລາ 16 ໂມງ ວັນທີ 4 ກໍລະກົດ ສາມາດສັນຈອນໄດ້ແລ້ວ… ແຕ່ຫາກລົດບໍ່ມີໂຟນວິນແລະລົດຕໍ່າຄວນຫຼີກລຽງ

July 4, 2020 0 By admin

ເວລາປະມານ 16 ໂມງປາຍ  ຂອງວັນທີ 4 ກໍລະກົດ 2020​ ເສັ້ນທາງກາສີ-ເມືອງນານ ພູເກົ້າຫຼັກ ສາມາດແກ້ໄຂ້ການສັນຈອນໄດ້ແລ້ວ ຫຼັງຈາກທີ່ຝົນຄົກແຮງເຮັດໃຫ້ເກີດດິນແລະຫີນເຈືອນ ກີດຂວາງການສັນຈອນ.


ຢ່າງໃດກໍຕາມລົດບໍ່ມີໂຟວິນ, ລົດຕໍ່າ ແລະ ລົດບັນທຸກໝັກຄວນຫຼີກລຽງເສັ້ນທາງນີ້

ກົມອຸຕຸນິຍົມ ແລະ ອຸທົກກະສາດ, ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ອອກແຈ້ງເຕືອນຝົນຕົກໜັກ ໃນລະຫວ່າງວັນທີ 3 ຫາ 5 ກໍລະກົດ 2020 ສະບັບທີ 2 ເນື່ອງຈາກຮ່ອງຄວາມກົດດັນອາກາດຕໍ່າ ໄດ້ພາດຜ່ານຢູ່ພາກເໜືອ ຫາ ພາກກາງ ຂອງ ສປປ ລາວ ພ້ອມດຽວກັນ ລົມມໍລະສົມຕາເວັນຕົກສ່ຽງໃຕ້ ຈະມີກໍາລັງແຮງເພີ່ມຂຶ້ນພັດປົກຄຸມຢູ່ທົ່ວທຸກພາກຂອງປະເທດລາວ ໃນລະຫວ່າງວັນທີ 3 ຫາ 5 ກໍລະກົດນີ້ ເຊິ່ງຈະເຮັດໃຫ້ມີຝົນຕົກ ຟ້າຮ້ອງຟ້າເຫຼື້ອມໃນລະດັບຄ່ອຍ ຫາ ປານກາງ ເປັນບໍລິເວນກວ້າງ ແລະ ຕົກໜັກ ພ້ອມທັງມີລົມແຮງເປັນບາງໂອກາດ.

ດັ່ງນັ້ນ, ຈຶ່ງເຕືອນມາຍັງປະຊາຊົນບັນດາເຜົ່າ ທີ່ອາໃສຢູ່ແຂວງ ຫຼວງພະບາງ, ໄຊຍະບູລີ, ໄຊສົມບູນ, ວຽງຈັນ, ນະຄອນຫຼວງວຽງຈັນ, ບໍລິຄໍາໄຊ, ຄໍາມ່ວນ, ສະຫວັນນະເຂດ, ສາລະວັນ, ຈໍາປະາສັກ, ເຊກອງ ແລະ ອັດຕະປື ໃຫ້ມີສະຕິລະມັດລະວັງຕໍ່ສະພາບຝົນຕົກໜັກ ແລະ ຝົນສະສົມ ທີ່ຈະເຮັດໃຫ້ມີດິນເຈື່ອນ, ນໍ້າຖ້ວມຊຸ ແລະ ນໍ້າຖ້ວມອັ່ງ ແລະ ໃຫ້ຕິດຕາມສະພາບອາກາດໃນໄລຍະ 1-2 ວັນຕໍ່ໜ້າ.

.

.

.

ລາຍງາຍໂດຍ: Phuvong Lastavong