ເຕະບານຊາຍ ຊິງແຊ້ມທະວີບອາຟຣິກາ ເລື່ອນໄປຈັດໃນປີ 2022 ຍ້ອນຜົນກະທົບໂຄວິດ-19

ເຕະບານຊາຍ ຊິງແຊ້ມທະວີບອາຟຣິກາ ເລື່ອນໄປຈັດໃນປີ 2022 ຍ້ອນຜົນກະທົບໂຄວິດ-19

July 3, 2020 0 By admin

ການແຂ່ງຂັນເຕະບານຊາຍ ຊິງແຊ້ມທະວີບອາຟຣິກາ ຄັ້ງທີ 33 ຮອບສຸດທ້າຍ ຫລື Africa Cup of Nations ທີ່ປະເທດແຄມເມີຣູນ (ກາເມີຣູນ) ເປັນເຈົ້າພາບ ໃນປີ 2021 ໄດ້ເລື່ອນໄປຈັດໃນປີ 2022 ຍ້ອນຜົນກະທົບຂອງພະຍາດ ໂຄວິດ-19 ກຳນົດເດີມຈະແຂ່ງຂັນໃນລະຫວ່າງເດືອນມິຖຸນາ ຫາເດືອນກໍລະກົດ 2021 ເລື່ອນໄປຈັດໃນເດືອນມັງກອນ ຫາເດືອນກຸມພາ ປີ 2022 ເພື່ອຫລີກລ່ຽງການຕິດເຊື້ອ ໂຄວິດ-19. ສ່ວນເຕະບານຍິງ ຊິງແຊ້ມທະວີບອາຟຣິກາ ໃນປີ 2020 ໄດ້ປະກາດຍົກເລີກການແຂ່ງຂັນ.

ສຳລັບ ການແຂ່ງຂັນເຕະບານຊາຍ ຊິງແຊ້ມທະວີບອາຟຣິກາ ຄັ້ງທີ 33 ຮອບສຸດທ້າຍ ມີທັງໝົດ 24 ທີມທີ່ຜ່ານການຄັດເລືອກເຂົ້າມາຈາກທັງໝົດ 52 ທີມ. ແຊ້ມເກົ່າແມ່ນທີມຊາດ ເອວຈີເຣຍ (ອານເຊຣີ້) ສ່ວນທີມທີ່ປະສົບຜົນສຳເລັດສູງສຸດແມ່ນທີມຊາດເອຢິບ ແຊ້ມ 7 ສະໄໝ, ຮອງລົງມາ ແຄມເມີຣູນ 5 ສະໄໝ, ການ້າ 4 ສະໄໝ, ໄນຈີເຣຍ (ນິເຊຣີ້) 3 ສະໄໝ, ໄອໂວຣີໂຄ໊ດ (ກົດດີວົວ) 2 ສະໄໝເທົ່າກັບ ອານເຊຣີ້ ແລະ ສາທາລະນະລັດ ປະຊາທິປະໄຕ ກົງໂກ, ຕູນີຊີ້ 1 ສະໄໝເທົ່າກັບ ແຊມບີ້, ຊູດັງ, ເອທີໂອປີ້, ອາຟຣິກາໃຕ້, ສາທາລະນະລັດກົງໂກ ແລະ ໂມຣົກໂຄ.

Photo: Total Africa Cup of Nations