ລີເວີພູລ ແຊ້ມໃຫມ່ ຖືກ ແມນຊິຕີ້ ແຊ້ມເກົ່າ ຖະຫລົ່ມ 4-0 ພຣີເມ່ຍລີກ ນັດທີ 32

ລີເວີພູລ ແຊ້ມໃຫມ່ ຖືກ ແມນຊິຕີ້ ແຊ້ມເກົ່າ ຖະຫລົ່ມ 4-0 ພຣີເມ່ຍລີກ ນັດທີ 32

July 3, 2020 0 By admin

ການແຂ່ງຂັນເຕະບານ ພຣີເມ່ຍລີກ ອັງກິດ ນັດທີ 32 ລະດູການ 2019-20 ຄືນຜ່ານມາ, ແມນເຊັສເຕີ ຊິຕີ້ ແຊ້ມເກົ່າ ເປີດບ້ານ ຊະນະ ລີເວີພູລ ແຊ້ມໃຫມ່ລະດູການນີ້ 4-0 ໄດ້ປະຕູຈາກການສັງຫານຈຸດໂທດຂອງ ເຄວິນ ເດີບຣອຍ ນາທີ 25′ ຣາຮີມ ສະເຕີລິ້ງ ນາທີ 35′, ຟິວ ໂຟເດັ້ນ ນາທີ 45′ ແລະ ການສະກັດເຂົ້າປະຕູຕົນເອງຂອງ ອາເລັກ ອັອກເລດ ແຊມເບີເລນ ນາທີ 66′.

+ ແມນຊິຕີ້ ຊະນະ 4 ລວດໃນບ້ານ ຍິງໄດ້ 14 ປະຕູ, ບໍ່ເສຍປະຕູ.

+ ຫົງແດງ ລີເວີພູລ ຍັງມີໂອກາດສ້າງສະຖິຕິເປັນແຊ້ມດ້ວຍຄະແນນຫລາຍສຸດ 104 ຄະແນນ ຖ້າຊະນະ 6 ນັດທີ່ເຫລືອ ຖ້າເຮັດໄດ້ຈະແຊງສະຖິຕິຂອງ ແມນຊິຕີ້ ທີ່ເກັບໄດ້ 100 ຄະແນນ ໃນລະດູການ 2017-18. ນອກຈາກນີ້ ກໍຫວັງເປັນແຊ້ມຊະນະອັນດັບສອງຂາດສຸດ ຫລາຍກວ່າ 19 ຄະແນນ ທີ່ແມນຊິຕີ້ສ້າງໄວ້ໃນລະດູການ 2017-18.

ປະຈຸບັນຜ່ານໄປ 32 ນັດ ລີເວີພູລ ມີ 86 ຄະແນນ ນຳ ແມນຊິຕີ້ ອັນດັບສອງ 20 ຄະແນນ, ນັດຕໍ່ໄປ ລີເວີພູລ ຈະເປີດບ້ານພົບກັບ ແອັສຕັນ ວິນລ້າ ໃນວັນທີ 5 ກໍລະກົດນີ້ ເວລາ 22:30 ຂະນະທີ່ ແມນຊິຕີ້ ຈະໄປຢາມ ເຊົາແທ່ມຕັນ ໃນຄືນວັນດຽວກັນ ເວລາ 01:00.

ຜົນອີກໜຶ່ງຄູ່: ເຊຟຟິວ ຢູໄນເຕັດ ເປີດບ້ານຊະນະ ສະເປີ 3-1 ເຈົ້າບ້ານໄດ້ສາມປະຕູຈາກ: ຊານເດີ ເບີກ ນາທີ 31′, ລີ ມູເຊ່ ນາທີ 69′ ແລະ ໂອລີເວີ ແມັກບູນີ້ ນາທີ 84′, ສະເປີ ໄດ້ໜຶ່ງປະຕູທ້າຍເກມຈາກ ແຮຣີ້ ເຄນ ນາທີ 90′.

+ ເຊຟຟິວ ບໍ່ເສຍໃຫ້ ສະເປີ ນັດຕິດຕໍ່ກັນ ໃນນີ້ ຊະນະ 4 ສະເໝີ 2.

ເຊຟຟິວ ແຊງ ສະເປີ ຂຶ້ນມາຢູ່ອັນດັບທີ 6 ມີ 47 ຄະແນນ ຕາມຫລັງ ເຊວຊີ ອັນດັບ 4 ພື້ນທີ່ແຊ້ມປ້ຽນລີກ 7 ຄະແນນ, ຂະນະທີ່ ສະເປີ ມີ 45 ຄະແນນ ຢູ່ອັນດັບທີ 9 ຫ່າງຈາກອັນດັບ 4: 9 ຄະແນນ.

ໄຮໄລ້ການແຂ່ງຂັນຕາມລິ້ງລຸ່ມນີ້:

Photo: Manchester City, Liverpool FC, Sheffield United