ມາເກີດດຸແທ້! ມື້ດຽວເກີດແຜນດິນໄຫວ 2 ຄັ້ງ ຢູ່ແຂວງໄຊສົມບູນ ແລະ ໄຊຍະບູລີ

ມາເກີດດຸແທ້! ມື້ດຽວເກີດແຜນດິນໄຫວ 2 ຄັ້ງ ຢູ່ແຂວງໄຊສົມບູນ ແລະ ໄຊຍະບູລີ

July 3, 2020 0 By admin

ອີງຕາມການລາຍງານຂອງກົມອຸຕຸນິຍົມ ແລະ ອຸທົກກະສາດ, ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ລາຍງານສະພາບການເກີດແຜ່ນດິນໄຫວ ໃນຄັ້ງວັນທີ 2 ກໍລະກົດ 2020 ເວລາ 18:51 ໂມງ ລາຍງານການເກີດແຜ່ນດິນໄຫວຈາກສູນຂໍ້ມູນຂ່າວສານແຜ່ນດິນໄຫວແຫ່ງຊາດລາວໃນຂອບເຂດທົ່ວປະເທດ ເຊິ່ງໄດ້ພົບສັນຍານການເກີດແຜ່ນດິນໄຫວພາຍໃນປະເທດລາວ ຈໍານວນ 2 ຄັ້ງ, ໃນບໍລິເວນເຂດ ບ້ານ ປາກລອງ ເມືອງ ໄຊສະຖານ ແຂວງ ໄຊຍະບູລີ ແລະ ບໍລິເວນເຂດ ແກ້ງນ້ອຍ, ເມືອງ ລ້ອງຊານ , ແຂວງໄຊສົມບູນ.


ສະພາບຂອງການເກີດແຜ່ນດິນໄຫວໃນຄັ້ງນີ້ມີຂະໜາດນ້ອຍຄືຄັ້ງທີ 1 ເກີດຂຶ້ນໃນເວລາ 18:04:39 ຂອງໂມງທ້ອງຖິ່ນ ຈຸດສູນກາງ ເສັ້ນຂະໜານທີ 18.689°N ແລະ ເສັ້ນແວງທີ 102.766°E ຄວາມແຮງສັ່ນສະເທືອນວັດແທກໄດ້ 2,6 ຣິກເຕີ ເຊີ່ງມີຄວາມເລີກຈາກເທິງໜ້າດິນປະມານ 1 ກິໂລແມັດ.

ຈຸດສູງກາງເກີດແຜ່ນດິນໄຫວແມ່ນໄກຈາກເທດສະບານ ເມືອງ ລ້ອງຊານ,ແຂວງໄຊສົມບູນ ປະມານ 32 ກິໂລແມັດ ແລະ ຄັ້ງທີ 2 ເກີດຂຶ້ນໃນເວລາ 18:51:09 ຂອງໂມງທ້ອງຖິ່ນ ຈຸດສູນກາງ ເສັ້ນຂະໜານທີ 19.363°N ແລະ ເສັ້ນແວງທີ 101.463°E ຄວາມແຮງສັ່ນສະເທືອນວັດແທກໄດ້ 3,1 ຣິກເຕີ ເຊິ່ງມີຄວາມເລີກຈາກເທິງໜ້າດິນປະມານ 3 ກິໂລແມັດ ຈຸດສູງກາງເກີດແຜ່ນດິນໄຫວແມ່ນໄກຈາກເທດສະບານເມືອງ ໄຊສະຖານ ປະມານ 14 ກິໂລແມັດ ແລະ ເຫດການແຜ່ນດິນໄຫວໃນເບື້ອງຕົ້ນຍັງບໍ່ມີລາຍງານຜົນເສຍຫາຍ.