ອຸຕຸແຈ້ງເຕືອນໄພ ຝົນຕົກໜັກ 2-4 ກໍລະກົດນີ້ ນັບແຕ່ແຂວງບໍລິຄຳໄຊ ຮອດແຂວງອັດຕະປື

ອຸຕຸແຈ້ງເຕືອນໄພ ຝົນຕົກໜັກ 2-4 ກໍລະກົດນີ້ ນັບແຕ່ແຂວງບໍລິຄຳໄຊ ຮອດແຂວງອັດຕະປື

July 2, 2020 0 By admin

ອຸຕຸແຈ້ງເຕືອນໄພ ຝົນຕົກໜັກລະຫວ່າງວັນທີ 2 ຫາ 4 ກໍລະກົດ2020  ເນື່ອງຈາກວ່າຄວາມກົດດັນຕ່ຳຂອງອາກາດມີກຳລັງປານກາງປົກຄຸມຢູ່ທົ່ວທຸກພາກຂອງປະເທດລາວພ້ອມດຽວກັນ ລົມມໍລະສຸມຕາເວັນຕົກສ່ຽງໃຕ້ມີກໍາລັງແຮງເພີ່ມຂຶ້ນພັດປົກຄຸມ.


ກົມອຸຕຸນິຍົມ ແລະ ອຸທົກກະສາດ, ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ອອກແຈ້ງເຕືອນໄພ ສະບັບເລກທີ 0857/ກອຕທ, ນະຄອນຫຼວງວຽງຈັນ, ລົງວັນທີ 2 ກໍລະກົດ 2020 ກ່ຽວກັບຝົນຕົກໜັກ ລະຫວ່າງວັນທີ 2 ຫາ 04 ກໍລະກົດນີ້ ເນື່ອງຈາກວ່າຄວາມກົດດັນຕ່ຳຂອງອາກາດມີກຳລັງປານກາງປົກຄຸມຢູ່ທົ່ວທຸກພາກຂອງປະເທດລາວ ພ້ອມດຽວກັນ ລົມມໍລະສຸມຕາເວັນຕົກສ່ຽງໃຕ້ມີກໍາລັງແຮງເພີ່ມຂຶ້ນພັດປົກຄຸມ ໃນວັນທີ2-3ກໍລະກົດ

ຊຶ່ງຈະເຮັດໃຫ້ມີຝົນຕົກໃນລະດັບຄ່ອຍ ຫາ ປານກາງ ເປັນບໍລິເວນກວ້າງ ແລະ ຕົກໜັກຢູ່ບາງທ້ອງຖິ່ນບັນດາ ແຂວງ ບໍລິຄຳໄຊ, ຄຳມ່ວນ, ສະຫວັນນະເຂດ, ສາລະວັນ, ຈຳປາສັກ, ເຊກອງ ແລະ ອັດຕະປື ພ້ອມມີລົມພັດແຮງເປັນບາງໂອກາດ. ດັ່ງນັ້ນ, ຈຶ່ງແຈ້ງເຕືອນເຖິງອົງການປົກຄອງທຸກພາກສ່ວນ ແລະ ປະຊາຊົນບັນດາເຜົ່າ ຈົ່ງມີສະຕິລະມັດລະວັງຕໍ່ສະພາບຝົນຕົກໜັກ ທີ່ຈະເຮັດໃຫ້ມີນ້ຳຖ້ວມອັ່ງຢູ່ບັນດາແຂວງດັ່ງກ່າວ ແລະ ຂໍໃຫ້ຕິດຕາມຂ່າວພະຍາກອນອາກາດ ໃນໄລຍະ 1 ຫາ 3 ວັນຕໍ່ໜ້າ.