ເຊວຊີ ບຸກເສຍໃຫ້ ເວັສແຮມ! ອາຣເຊນໍລ ແລະ ເອຟເວີຕັນ ມີໄຊ!! ພຣີເມ່ຍລີກ ນັດທີ 32

ເຊວຊີ ບຸກເສຍໃຫ້ ເວັສແຮມ! ອາຣເຊນໍລ ແລະ ເອຟເວີຕັນ ມີໄຊ!! ພຣີເມ່ຍລີກ ນັດທີ 32

July 2, 2020 0 By admin

ການແຂ່ງຂັນເຕະບານ ພຣີເມ່ຍລີກ ອັງກິດ ນັດທີ 32 ລະດູການ 2019-20 ຄືນຜ່ານມາ, ລອນດອນດາບີ້ແມັດ ເວັສແຮມ ຢູໄນເຕັດ ເປີດບ້ານຊະນະ ເຊວຊີ ສຸດມັນ 3-2 ເຊວຊີ ນຳກ່ອນຈາກການສັງຫານຈຸດໂທດຂອງ ວິນລ້ຽນ ນາທີ 42′ ເວັສແຮມ ຍິງແຊງ 2-1 ຈາກ ໂທມັສ ຊູເຊັກ ນາທີ 45+2′ ແລະ ອັນໂຕນີໂອ ນາທີ 51′ ແຕ່ເຊວຊີ ໄລ່ຕີສະເໝີຄືນຈາກ ວິນລ້ຽນ ນາທີ 72′ ທ້າຍເກມ ເວັສແຮມ ມາໄດ້ປະຕູໄຊຈາກຕົວສຳຮອງ ຢາໂມເລັນໂກ້ ນາທີ 89′ ຈົບເກມ ເວັສແຮມ ຊະນະ ເຊວຊີ 3-2.

ເວັສແຮມ ເກັບ 3 ຄະແນນສຳຄັນ ລວມມີ 30 ຄະແນນ ຈາກ 32 ນັດ ຫຍັບຂຶ້ນມາຢູ່ທີ 16 ຫ່າງຈາກພື້ນທີ່ຕົກຊັ້ນ 3 ຄະແນນ, ຂະນະທີ່ ເຊວຊີ ຈັ້ງຢູ່ອັນດັບ ມີ 54 ຄະແນນ ຫ່າງຈາກອັນດັບ 2 ຄະແນນ. ຜົນອີກໜຶ່ງຄູ່: ບຣອນມັດ ເສຍໃຫ້ ນິວຄາສເຊິນ 1-4 ບຣອນມັດ ຢູ່ອັນດັບທີ 19 ພື້ນທີ່ຕົກຊັ້ນ, ນິວຄາສເຊິນ ຢູ່ທີ 13.

ອາຣເຊນໍລ ເປີດບ້ານ ຊະນະ ນໍຣິກ ຊິຕີ້ ທີມອັນດັບສຸດທ້າຍ 4-0 ເອເມຣິກ ໂອບາເມຢ໋ອງ ຍິງສອງປະຕູນາທີ 33′, 67′ ອີກສອງປະຕູໄດ້ຈາກ ກຣານິດ ຊາກ້າ ນາທີ 37′ ແລະ ເຊດິກ ຊິວເຣຊ ນາທີ 81′.

ອາຣເຊນໍລ ບວກເພີ່ມເປັນ 46 ຄະແນນ ຢູ່ອັນດັບ 7 ຕາມຫລັງ ເຊວຊີ ອັນດັບ 4 ພື້ນທີ່ແຊ້ມປ້ຽນລີກ 8 ຄະແນນ , ຂະນະທີ່ ນໍຣິກ ມີ 21 ຄະແນນ ຢູ່ອັນດັບສຸດທ້າຍ ຫ່າງຈາກພື້ນທີ່ປອດໄພ 7 ຄະແນນ.

ສ່ວນ ເອຟເວີຕັນ ເປີດບ້ານຊະນະ ເລັສເຕີ ຊິຕີ້ ແບບວຸດວິດ 2-1 ນຳກ່ອນສອງໜ່ວຍຈາກ: ຣິຊາລີສັນ ນາທີ 10′ ແລະ ການສັງຫານຈຸດໂທດຂອງ ກິວຟີ້ ຊີກູດສັນ ນາທີ 16′ (ໄດ້ຈຸດໂທດຈາກຈັງຫວະ) ເລັສເຕີ ໄດ້ໜຶ່ງປະຕູໃນເຄິ່ງຫລັງຈາກ ອີເຮຍນາໂຊ້ ນາທີ 51′.

+ ເອຟເວີຕັນ ບໍ່ເສຍໃນບ້ານ 9 ນັດຕິດຕໍ່ກັນ ໃນນີ້ ຊະນະ 5 ສະເໝີ 4, ຂະນະທີ່ ເລັສເຕີ 4 ເກມຫລັງສຸດບໍ່ຊະນະເລີຍ ສະເໝີ 2 ເສຍ 2.

+ ຣິຊາລີສັນ ເປັນນັກເຕະຊາວເບຣຊິນ ຍິງປະຕູຫລາຍສຸດໃນ 5 ລີກຊັ້ນນຳຂອງເອີຣົບຕັ້ງແຕ່ລະດູການຜ່ານມາ ລວມ 24 ປະຕູ ເປັນຮອງ ເນມາຣ ກອງໜ້າ ປາຣີ ແຊັງແຊກແມັງ ທີ່ຍິງໄດ້ 28 ປະຕູ.

ເອຟເວີຕັນ ມີ 44 ຄະແນນ ຢູ່ອັນດັບ 11 ຕາມຫລັງ ເຊວຊີ ອັນດັບ 4 ພື້ນທີ່ແຊ້ມປ້ຽນລີກ 10 ຄະແນນ ຕາມຫລັງອັນດັບ ພື້ນທີ່ຢູໂຣປ້າລີກ 2 ຄະແນນ, ຂະນະທີ່ ເລັສເຕີ ມີ 55 ຄະແນນ ຢູ່ອັນດັບທີ 3 ເໝືອນເດີມຫ່າງຈາກອັນດັບ 4: 1 ຄະແນນ.

ຄືນນີ້ ມີແຂ່ງຂັນ 2 ຄູ່: ເຊຟຟິວ ຢູໄນເຕັດ ພົບ ສະເປີ ເວລາ 00:00 ແລະ ແມນຊິຕີ້ ພົບ ລີເວີພູລ ເວລາ 03:00.

Photo: Everton Football Club, West Ham United, Arsenal