ເອກອັກຄະລັດຖະທູດ ສ. ເກົາຫຼີ ປະຈໍາ ສປປ ລາວ ເຄື່ອນໄຫວວຽກທີ່ແຂວງຈຳປາສັກ ເພື່ອຊຸກຍູ້ການລົງທຶນແລະ ການຊ່ວຍເຫລືອຕ່າງໆ

ເອກອັກຄະລັດຖະທູດ ສ. ເກົາຫຼີ ປະຈໍາ ສປປ ລາວ ເຄື່ອນໄຫວວຽກທີ່ແຂວງຈຳປາສັກ ເພື່ອຊຸກຍູ້ການລົງທຶນແລະ ການຊ່ວຍເຫລືອຕ່າງໆ

July 2, 2020 0 By admin

ໃນວັນທີ 30 ມີຖຸນາ ທີ່ຫ້ອງວ່າການແຂວງຈໍາປາສັກ, ທ່ານ ວິໄລວົງ ບຸດດາຄໍາ ເຈົ້າແຂວງໆຈໍາປາສັກ ພ້ອມດ້ວຍຄະນະ ໄດ້ໃຫ້ການຕ້ອນຮັບ ທ່ານ ຊິນ ຊອງ ຊຸນ ເອກອັກຄະລັດຖະທູດ ສ. ເກົາຫຼີ ປະຈໍາ ສປປ ລາວ ພ້ອມພັນລະຍາ ໃນໂອກາດທີ່ມາເຄື່ອນໄຫວ ວຽກງານ ຢູ່ແຂວງຈາປາສັກ ໃນລະຫວ່າງ ວັນທີ 29 ມີຖຸນາ – 02 ກໍລະກົດ 2020.

ໂອກາດນີ້, ທ່ານ ປອ. ວິໄລວົງ ບຸດດາຄໍາ ເຈົ້າແຂວງໆຈໍາປາສັກ ກໍໄດ້ກ່າວສະແດງຄວາມຍິນດີຕ້ອນຮັບ ແລະໄດ້ຕີລາຄາສູງຕໍ່ການເດີນທາງມາເຮັດວຽກຂອງທ່ານ ຊິນ ຊອງ ຊຸນ ເອກອັກຄະລັດຖະທູດ ສ. ເກົາຫຼີ ປະຈໍາ ສປປ ລາວ ໃນເທື່ອນີ້ ພ້ອມທັງໄດ້ລາຍງານໃຫ້ຮູ້ເຖິງສະພາບເສດຖະກິດ-ສັງຄົມຂອງແຂວງ ພາຍຫຼັງຮັບຜົນກະທົບຈາກພະຍາດລະບາດ ໂຄວິດ19 ແລະໄດ້ຍົກໃຫ້ເຫັນການຮ່ວມມືການລົງທຶນ ແລະການຊ່ວຍເຫຼືອ, ຄວາມສາມັກຄີແບບພິເສດ ຂອງ ສປປ ລາວ ແລະ ສ ເກົາຫຼີ ເວົ້າສະເພາະກໍຄື ກັບແຂວງຈໍາປາສັກ ທີ່ທາງລັດຖະບານ ສ ເກົາຫຼີ ໄດໃຫ້ການຊ່ວຍເຫຼືອ ໃນການພັດທະນາແຂວງຈໍາປາສັກ ຜ່ານມາ, ການພັດທະນາເສດຖະກິດ-ສັງຄົນຂອງແຂວງໄດ້ຮັບກນຊ່ວຍເຫຼືອ ຊຸກຍູ້ຈາກລັດຖະບານ ສ ເກົາຫຼີ ກໍຄື ປະຊາຊົນ ສ ເກົາຫຼີ ສໍາລັບປະເທດລາວ ພິເສດກໍແມ່ນແຂວງຈໍາປາສັກ ເປັນການ ຊ່ວຍເຫຼືອຈໍານວນຫຼວງຫຼາຍ ເຊິ່ງເປັນກໍາລັງແຮງໃນການພັດທະນາແຂວງຈໍາປາສັກ.


ພາຍຫຼັງເຂົ້າຮ່ວມພົບປະ ແລ້ວ ທ່ານ ຊິນ ຊອງຊຸນ ເອກອັກຄະລັດຖະທູດ ສ. ເກົາຫຼີ ປະຈໍາ ສປປ ລາວຍັງໄດ້ຮ່ວມເຮັດວຽກແບບລວງເລິກ, ມີທ່ານ ເຈົ້າແຂວງ, ຮອງເຈົ້າແຂວງ ແລະບັນດາພະແນກການກ່ຽວຂ້ອງ ເຂົ້າຮ່ວມ.

ສອງຝ່າຍໄດ້ທົບທວນຄືນການຮ່ວມມືການລົງທຶນ ແລະການຊ່ວຍເຫຼືອ ພັດທະນາແຂວງຈໍາປາສັກ ທີ່ໄດ້ຮັບຈາກ ລັດຖະບານ ສ ເກົາຫຼີ ຜ່ານມາ ເປັນຕົ້ນແມ່ນ ໂຄງການເຄື່ອນໄຟຟ້າເຊປຽນ-ເຊນ້ໍານ້ອຍ ມູນຄ່າຕື້ກວ່າໂດລາ ໂຄງການສ້າງຕາຝັ່ງເຈື່ອນ ໄລຍະທີ 1 ທີ່ກໍາລັງປະຕິບັດຢູ່ມູນຄ່າ 53 ລ້ານກວ່າໂດລາ ປີ 2020 ດໍາເນີນໄດ້ 65,7% ເປັນໂຄງການຊ່ວຍປ້ອງກັນນ້ໍາຖ້ວມ ທັງເປັນ ໂຄງການ ຊຸກຍູ້ເສດຖະກິດຂອງແຂວງ.


ໂຄງການພັດທະນາລະບົບນໍ້າປະປາ ຄົບຊຸດໃຫ້ 7 ເມືອງ ແຂວງຈໍາປາສັກ ແລະສາລະວັນ ມີມູນຄ່າ 43 ລ້ານ 9 ແສນກວ່າ ໂດລາ ເປັນໂຄງການທີສອງທີ່ສໍາຄັນໃນການພັດທະນາເສດຖະກິດ ສັງຄົມ ເພື່ອປັບປຸງຊີວິດການເປັນຢູ່ໃຫ້ປະຊາຊົນ ແລະ ແຂວງຈໍາປາສັກໄດ້ການຊ່ວຍເຫຼືອຈາກ ອົງການກອຍກາ ແຫ່ງ ສ ເກົາຫຼີ ໃຫ້ແກ່ຂະແໜງກະສິກໍາ ທາງດ້ານວິຊາການ ໃນການຊຸກຍູ້ການສົ່ງເສີມການຜະລິດ ແລະຂະແໜງວັດທະນາທໍາ ສັງຄົມ.


ທ່ານເຈົ້າແຂວງຈໍາປາສັກສະເໜີໃຫ້ທ່ານທູດສືບຕໍ່ສະໜັບ ສະໜູນ ເພື່ອຍາດແຍ່ງທຶນ ປີ2021 ທີ່ແຂວງໄດ້ສະເໜີ ເຂົ້າ #ກອງທຶນຮ່ວມມືເພື່ອການພັດທະນາເສດຖະກິດ ດອກເບ້ຍຕໍ່າຫລື EDCF ເພື່ອສຶກສາຄວາມເປັນໄປໃດ້ໃນການກໍ່ສ້າງໂຮງໜໍທັນສະໄໝ ມູນຄ່າ 75 ລ້ານໂດລາ ເຊິ່ງໂຄງການດັ່ງກ່າວແມ່ນໄດ້ຮັບການເຫັນດີ ຈາກລັດຖະບານ ລາວແລ້ວ ເພື່ອຈະເຝຮອງຮັບການບໍລິການ ປິ່ນປົວ ປະຊາຊົນ 4 ແຂວງພາກໃຕ້ ແລະພາກພື້ນ.

ຂ່າວ: ທັດຊະນະ ນັກຂ່າວຫ້ອງວ່າການແຂວງ.