7 ນັກເຕະບານທີ່ຍິງປະຕູຫຼັກ 700 ໜ່ວຍ! ເມັສຊີ້ ເປັນຄົນຫຼ້າສຸດ!!

7 ນັກເຕະບານທີ່ຍິງປະຕູຫຼັກ 700 ໜ່ວຍ! ເມັສຊີ້ ເປັນຄົນຫຼ້າສຸດ!!

July 1, 2020 0 By admin

ຕາມສະຖິຕິທີ່ວົງການບານເຕະນາໆຊາດໄດ້ບັນທຶກໄວ້ ໃນໂລກນີ້ ມີນັກເຕະສາມາດຍິງປະຕູຫລັກ 700 ໜ່ວຍຈຳນວນ 7 ຄົນ, ຊຶ່ງຄົນຫລ້າສຸດຄື: ລີໂອເນວ ເມັສຊີ້ ກອງໜ້າຊາວອາກຊັງຕິນຂອງສະໂມສອນ ບາຣເຊໂລນ້າ ໄວ 33 ປີ ຍິງໄດ້ໃນເກມລາລີກ້າ ນັດທີ່ຕົ້ນສັງກັດເປີດບ້ານສະເໝີກັບ ແອັດເລຕິໂກ ມາດຣິດ 2-2 ເມື່ອຄືນວັນທີວັນທີ 30 ມິຖຸນາຜ່ານມາ.

ສ່ວນອີກ 6 ຄົນ ປະກອບມີ: ໂຈເຊຟ ບີແຄນ ຊາວເຊັກເຊື້ອສາຍໂອຕຣິດ ຍິງໄດ້ 805 ປະຕູ ໃນປີ 1931 – 1955, ໂຣມາລີໂອ້ ຊາວເບຊິນ ຍິງໄດ້ 772​ ປະຕູ ໃນປີ 1985 – 2007, ເປເລ້ ຊາວເບຣຊິນ 767 ປະຕູ ໃນປີ 1957 – 1977, ເຟເລນ ປຸສກັສ ຊາວຮົງກາລີ 746 ປະຕູ ໃນປີ 1943-1966, ແກັດ ມູນເລີ ຊາວເຢຍລະມັນ 735 ປະຕູ ໃນປີ 1962- 1981 ແລະ ຄຣິສເຕຍໂນ້ ໂຣນາວໂດ້ ຍິງໄດ້ 726 ປະຕູ ໃນປີ 2000 ເຖິງປະຈຸບັນ.

ສໍາລັບ 700 ປະຕູຂອງເມັສຊີ້ ແບ່ງເປັນ 630 ປະຕູ ຈາກການລົງຫຼິ້ນໃຫ້ ບາຣເຊໂຣນ້າ 724 ນັດ ແລະ ອີກ 70 ປະຕູ ຈາກການຮັບໃຊ້ທີມຊາດອາກຊັງຕິນ 138 ນັດ ໂດຍສະໂມສອນ ເຊບີຢ້າ ເປັນທີມທີ່ ເມັສຊີ້ ຍິງປະຕູໄດ້ຫຼາຍສຸດລະດັບສະໂມສອນ ລວມ 37 ປະຕູ ສ່ວນ ສະໂມສອນ ອາຣເຊນໍລ ເປັນສະໂມສອນນອກປະເທດແອັສປາຍ ທີ່ເມັສຊີ້ ຍິງໄດ້ຫຼາຍສຸດລວມ 9 ປະຕູ, ຂະນະທີ່ ລະດັບທີມຊາດ ເມັສຊີ້ ຍິງໄດ້ຫຼາຍສຸດແມ່ນ ທີມຊາດເບຣຊິນ, ອູຣູໄກວ ແລະ ປາຣາໄກວ ທີມລະ 5 ປະຕູ, ນອກຈາກ 862 ນັດ ທີ່ເມັສຊີ້ ລົງຫຼິ້ນໃນລະດັບສະໂມສອນ ແລະ ທີມຊາດ ເມັສຊີ້ ສາມາດສົ່ງບານໃຫ້ເພື່ອນຍິງປະຕູເຖິງ 321 ຄັ້ງ ແລະ ຍິງແຮັດທຣິກໄດ້ 54 ​ຄັ້ງ.

Photo: Messi, FC Barcelona