ບຣູໂນ້ ແລະ ກຣີນວູດ ຍິງປະຕູຊ່ວຍ ແມນຢູ ບຸກຊະນະ ໄບຣຕັ້ນ! ຕາມຫລັງ ອັນດັບ 4 ເຫລືອ 2 ຄະແນນ!!

ບຣູໂນ້ ແລະ ກຣີນວູດ ຍິງປະຕູຊ່ວຍ ແມນຢູ ບຸກຊະນະ ໄບຣຕັ້ນ! ຕາມຫລັງ ອັນດັບ 4 ເຫລືອ 2 ຄະແນນ!!

July 1, 2020 0 By admin

ການແຂ່ງຂັນເຕະບານ ພຣີເມ່ຍລີກ ອັງກິດ ນັດທີ 32 ລະດູການ 2019-20 ຄືນຜ່ານມາໜຶ່ງຄູ່, ແມນເຊັສເຕີ ຢູໄນເຕັດ ຜົນງານດີຕໍ່ເນື່ອງ ບຸກຊະນະ ໄບຣຕັ້ນ ແອນ ໂຮຟ ອາວບ້ຽນ ທີມໜີຕົກຊັ້ນ 3-0 ບຣູໂນ້ ແຟນັນເດຊ ຍິງສອງປະຕູນາທີ 29′, 50′ ອີກໜຶ່ງປະຕູໄດ້ຈາກ ເມສັນ ກຣີນວູດ ນາທີ 16′.

+ ແມນຢູ ບໍ່ເສຍມາ 15 ນັດຕິດຕໍ່ກັນລວມທຸກລາຍການ ໃນນີ້ ຊະນະ 11 ສະເໝີ 4 ແລະ ບໍ່ເສຍປະຕູເຖິງ 11 ນັດ.

ແມນຢູ ບວກເພີ່ມເປັນ 52 ຄະແນນ ແຊງ ວູຟແຮມຕັນ ມາຢູ່ອັນດັບ 5 ຕາມຫລັງ ເຊວຊີ ອັນດັບ 4 ພື້ນທີ່ແຊ້ມປ້ຽນລີກ 2 ຄະແນນ ແຕ່ແຂ່ງຫລາຍກວ່າໜຶ່ງນັດ, ຂະນະທີ່ ໄບຣຕັ້ນ ມີ 33 ຄະແນນ ຢູ່ອັນດັບທີ 15 ຫ່າງຈາກພື້ນທີ່ຕົກຊັ້ນ 6 ຄະແນນ. ນັດຕໍ່ໄປ ແມນຢູ ຈະເປີດບ້ານພົບກັບ ບຣອນມັດ ແລະ ໄບຣຕັ້ນ ຈະໄປຢາມ ນໍຣິກ ຊິຕີ້ ໃນວັນທີ 4 ກໍລະກົດນີ້.

ຄືນນີ້ ມີແຂ່ງຂັນ ຄູ່: ບຣອນມັດ ພົບ ນິວຄາສເຊິນ ເວລາ 00:00 ພ້ອມກັບ ອາຣເຊນໍລ ພົບ ນໍຣິກ ຊິຕີ້ ແລະ ເອຟເວີຕັນ ພົບ ເລັສເຕີ ຊິຕີ້, ເວັສແຮມ ພົບ ເຊວຊີ ເວລາ 03:00.

ໄຮໄລ້ການແຂ່ງຂັນຕາມລິ້ງລຸ່ມນີ້:

https://www.youtube.com/watch?v=ozgT-RXsw2k

Photo: Manchester UTD