ບາຣຊ້າ-ຢູເວັນຕຸສ ແລກຕົວນັກເຕະ ອາຣຕູ ແລະ ປານິກ!! ມີຄ່າ 130 ກວ່າລ້ານເອີໂຣ!!

ບາຣຊ້າ-ຢູເວັນຕຸສ ແລກຕົວນັກເຕະ ອາຣຕູ ແລະ ປານິກ!! ມີຄ່າ 130 ກວ່າລ້ານເອີໂຣ!!

June 30, 2020 0 By admin

ບາຣເຊໂລນ້າ ແລະ ຢູເວັນຕຸສ ສອງສະໂມສອນບານເຕະຊັ້ນນຳໃນແອັສປາຍ ແລະ ອີຕາລີ ບັນລຸຂໍ້ຕົກລົງແລກຕົວນັກເຕະ ໂດຍ ບາຣຊ້າ ເອົາ ອາຣຕູ ເມໂລ້ ກອງກາງຊາວເບຣຊິນ ໄວ 23 ປີ ແລກກັບ ມິຣາເລັມ ປານິກ ກອງກາງຊາວບັອສເນຍ-ເຮີເຊໂກວີນ້າ (ບົດສະນີ້) ໄວ 30 ປີ. ຊຶ່ງຄ່າຕົວຂອງ ມິຣາເລັມ ປານິກ ແມ່ນ 60 ລ້ານເອີໂຣ ແລະ ຈະເພີ່ມອີກ 5 ເອີໂຣ ຫາກຜົນງານດີ, ຂະນະທີ່ ຄ່າຕົວຂອງ ອາຣຕູ ເມໂລ້ ໃນການຍ້າຍຄັ້ງນີ້ແມ່ນ 72 ລ້ານເອີໂຣ ແລະ ຈະເພີ່ມອີກ 10 ລ້ານເອີໂຣ ຖ້າຜົນງານດີ, ທັງສອງຈະຍ້າຍໄປສັງກັດໃຫມ່ຫລັງຈົບລະດູການນີ້.

ສຳລັບ  ອາຣຕູ ເມໂລ້ ຍ້າຍຈາກ ເກຣມີໂອ້ ໃນລີກສູງສຸດຂອງເບຣຊິນ ມາຮ່ວມທັບ ບຣາຊ້າ ໃນປີ 2018 ໂດຍຄ່າຕົວ 31 ລ້ານເອີໂຣ ເຊັນສັນຍາ 6 ປີ, ສ່ວນ ມິຣາເລັມ ປານິກ ຍ້າຍຈາກ ໂຣມ້າ ມາຢູ່ກັບ ຢູເວັນຕຸສ ໃນປີ 2016 ດ້ວຍຄ່າຕົວ 32 ລ້ານ 5 ປີ, ລະດູການນີ້ ປານິກ ລົງຫລິ້ນ 36 ນັດ ຍິງໄດ້ 3 ປະຕູລວມທຸກລາຍການ, ຂະນະທີ່ ອາຣຕູ ລົງຫລິ້ນ 28 ນັດ ຍິງໄດ້ 4 ປະຕູ.

Photo:  Juventus, FC Barcelona