ຫວຽດນາມ ປະກາດເສດຖະກິດ 6 ​ເດືອນ​ຕົ້ນ​ປີ 2020 ຂະຫຍາຍຕົວ1,81% ມີທ່າ​ດີ​ກວ່າ​ເມື່ອ​ທຽບ​ໃສ່​ສະພາບ​ການ​ລວມຂອງ​ໂລກ

ຫວຽດນາມ ປະກາດເສດຖະກິດ 6 ​ເດືອນ​ຕົ້ນ​ປີ 2020 ຂະຫຍາຍຕົວ1,81% ມີທ່າ​ດີ​ກວ່າ​ເມື່ອ​ທຽບ​ໃສ່​ສະພາບ​ການ​ລວມຂອງ​ໂລກ

June 30, 2020 0 By admin

ອີງຕາມຂ່າວຈາກຫວຍດນາມໃຫ້ຮູ້ວ່າ:  ຕອນເຊົ້າວັນທີ 29 ມິຖຸນາ, ກົມໃຫຍ່ສະຖິຕິ ກະຊວງແຜນການ ແລະການລົງທຶນຫວຽດນາມ ໄດ້ມີການພົບປະກັບສື່ມວນຊົນ ເພື່ອປະກາດສະພາບການເສດຖະກິດ – ສັງຄົມ ໃນໄຕມາດທີ 2 ແລະ 6 ເດືອນຕົ້ນປີ 2020.

ເສດຖະກິດ – ສັງຄົມ 6 ເດືອນຕົ້ນປີຖືກດໍາເນີນໃນສະພາບການໂຄວິດ – 19 ແຜ່ລະບາດຢ່າງຮ້າຍແຮງ, ບັນດາພື້ນຖານເສດຖະກິດໃຫຍ່ ລ້ວນແຕ່ຕ້ອງປະເຊີນໜ້າກັບສະພາບການເສດຖະກິດຊຸດໂຊມຢ່າງຮ້າຍແຮງ.

ເຖິງຢ່າງໃດກໍຕາມ, ເສດຖະກິດຫວຽດນາມ ຍັງສາມາດຮັກສາໄດ້ທ່າເຕີບໂຕ. ລວມຍອດຜະລິດຕະພັນພາຍໃນປະເທດໃນ 6 ເດືອນຕົ້ນປີ 2020 ຂອງຫວຽດນາມ ໄດ້ເພີ່ມຂຶ້ນ 1,81%  ເຊິ່ງເປັນລະດັບເພີ່ມຕໍ່າທີ່ສຸດໃນໄລຍະ 2011 – 2020, ແຕ່ນີ້ກໍແມ່ນສັນຍານຕັ້ງໜ້າໃນສະພາບການເສດຖະກິດທົ່ວໂລກພວມຖືກຊຸດໂຊມ.

ທ່ານ ເຢືອງແມ້ງຮຸ່ງ, ຫົວໜ້າກົມລະບົບບັນຊີເງິນຝາກແຫ່ງຊາດ, ກົມໃຫຍ່ສະຖິຕິ, ໃຫ້ຮູ້ວ່າ:“ບັນດາອົງການຈັດຕັ້ງສາກົນໃນໂລກໄດ້ຕີລາຄາວ່າ ວິກິດການເສດຖະກິດຄັ້ງນີ້ ຖືກດໍາເນີນເປັນວົງກວ້າງ, ແມ່ນວິກິດການຄັ້ງໃຫຍ່ສຸດໃນຮອບເວລາ 80 ປີ ຜ່ານມາ. ດັ່ງນັ້ນ, ລະດັບການເຕີບໂຕຂອງຫວຽດນາມ ເຖິງວ່າຕໍ່າທີ່ສຸດເມື່ອທຽບໃສ່ຮອບເວລາ 30 ປີຜ່ານມາກໍຕາມ ແຕ່ຍັງຄົງເຕີບໂຕບວກ, ແມ່ນແບບຢ່າງດີເດັ່ນເມື່ອທຽບໃສ່ລະດັບທົ່ວໂລກຄື ລົບ 4,9 %, ລົບ 6%, ລົບ 7%.”