ລັດຖະບານຫວຽດນາມ ເລັ່ງແກ​້​ໄຂ​ຄວາມ​ຫຍຸ້ງຍາກ​ໃຫ້​ແກ່ສາຍການບິນ​ຫວຽດນາມ

ລັດຖະບານຫວຽດນາມ ເລັ່ງແກ​້​ໄຂ​ຄວາມ​ຫຍຸ້ງຍາກ​ໃຫ້​ແກ່ສາຍການບິນ​ຫວຽດນາມ

June 30, 2020 0 By admin

(VOVWORLD) ທ່ານນາຍົກລັດຖະມົນຕີຫວຽດນາມ ໄດ້ສະເໜີໃຫ້ບັນດາກະຊວງ, ຂະແໜງການ ຈົ່ງຮ່ວມແຮງຮ່ວມໃຈຍົກອອກບັນດາມາດຕະການຢ່າງຮີບດ່ວນຖືກຕ້ອງຕາມຂໍ້ກໍານົດກົດໝາຍ ເພື່ອໜູນຊ່ວຍຂະແໜງການບິນຫວຽດນາມ.

ຕອນບ່າຍວັນທີ 29 ມິຖຸນາ, ຢູ່ຮ່າໂນ້ຍ, ຄະນະຮັບຜິດຊອບວຽກງານພັກລັດຖະບານ ໄດ້ປະຊຸມປຶກສາຫາລືກ່ຽວກັບມາດຕະການແກ້ໄຂຄວາມຫຍຸ້ງຍາກໃຫ້ແກ່ບໍລິສັດໃຫຍ່ການບິນຫວຽດນາມ (Vietnam Airlines) ທີ່ຖືກຜົນສະທ້ອນຈາກການລະບາດຂອງພະຍາດໂຄວິດ – 19.

ໂດຍເນັ້ນໜັກເຖິງທີ່ຕັ້ງຂອງ Vietnam Airlines ສໍາລັບພື້ນຖານເສດຖະກິດ, ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ໄດ້ຕີລາຄາສູງຕໍ່ຄວາມມານະພະຍາຍາມຂອງ Vietnam Airlines ແລະ ບັນດາບໍລິສັດການບິນໃນໄລຍະຜ່ານມາ ເພື່ອມີລາຍໄດ້ໃນໄລຍະການລະບາດໂຄວິດ – 19 ມີການຜັນແປຢ່າງສັບສົນໃນທົ່ວໂລກ ແລະ ບໍ່ມີທ່າອ່ຽງຫຼຸດລົງເທື່ອ, ອັນໄດ້ສົ່ງຜົນສະທ້ອນຢ່າງໜັກໜ່ວງເຖິງຂະແໜງການບິນໂລກ.

ທ່ານນາຍົກລັດຖະມົນຕີສະເໜີໃຫ້ບັນດາກະຊວງ, ຂະແໜງການ ຈົ່ງຮ່ວມແຮງຮ່ວມໃຈຍົກບັນດາມາດຕະການຢ່າງຮີບດ່ວນຖືກຕ້ອງຕາມຂໍ້ກໍານົດກົດໝາຍ ເພື່ອໜູນຊ່ວຍຂະແໜງການບິນຫວຽດນາມ.