ຄຳເຕືອນຈາກອຸຕຸ! ວັນທີ 1 ຫາ 5 ກໍລະກົດ ຈະມີຝົນຕົກຫຼາຍຂຶ້ນ ໃຫ້ລະວັງນ້ໍາຖ້ວມຊຸ ແລະ ດິນເຈື່ອນ

ຄຳເຕືອນຈາກອຸຕຸ! ວັນທີ 1 ຫາ 5 ກໍລະກົດ ຈະມີຝົນຕົກຫຼາຍຂຶ້ນ ໃຫ້ລະວັງນ້ໍາຖ້ວມຊຸ ແລະ ດິນເຈື່ອນ

June 29, 2020 0 By admin

ອຸຕຸເຕືອນ ໃນໄລຍະວັນທີ 01 ຫາ 05 ກໍລະກົດ 2020 ຄວາມກົດດັນອາກາດຕໍ່າຂອງອາກາດຮ້ອນຈະເພີ່ມກໍາລັງແຮງຂື້ນປົກຄຸມ ຢູ່ພາກເຫນືອດ້ານຕາເວັນຕົກ ລົງຫາພາກກາງ ແລະ ພາກໃຕ້, ຊຶ່ງຈະເຮັດໃຫ້ເກີດມີ ຝົນຕົກຟ້າຮ້ອງຟ້າເຫຼື້ອມໃນລະດັບຄ່ອຍເປັນ ບໍລິເວນກວ້າງ ແລະ ຕົກປານກາງ ຫາ ຕົກຫນັກ, ພ້ອມມີລົມພັດແຮງຢູ່ບາງທ້ອງຖິ່ນໃນແຕ່ລະພາກ, ດັ່ງນັ້ນ, ຈຶ່ງແຈ້ງເຕືອນເຖິງ ປະຊາຊົນບັນດາເຜົ່າ ແລະ ອົງການປົກຄອງທຸກພາກສ່ວນ ຈົ່ງມີສະຕິ ຕໍ່ສະພາບຝົນຕົກຫນັກ ແລະ ຈະມີລົມພັດແຮງ ທີ່ອາດຈະ ເກີດມີນໍ້າຖ້ວມຊຸ ແລະ ດິນເຈື່ອນຢູ່ບາງທ້ອງຖິ່ນໃນແຕ່ລະພາກ.

ກົມອຸຕຸນິຍົມ ແລະ ອຸທົກກະສາດ ໄດ້ພະຍາກອນອາກາດໃນໄລຍະວັນທີ 29 ຫາ 30 ມິຖຸນາ 2020 ຄວາມກົດດັນອາກາດຕໍ່າຂອງອາກາດຮ້ອນຈະມີກໍາລັງປານກາງປົກຄຸມ ຢູ່ທົ່ວທຸກພາກຂອງປະເທດລາວ ສົມທົບກັບລົມມໍລະສູມຕາເວັນຕົກສ່ຽງໃຕ້ພັດປົກຄຸມເປັນສ່ວນໃຫຍ່, ຊຶ່ງຈະເຮັດອາກາດ ຮ້ອນ ແລະ ຈະມີຝົນຕົກຟ້າຮ້ອງຟ້າເຫຼື້ອມໃນລະດັບຄ່ອຍຢູ່ເກືອບທົ່ວໄປ ແລະ ມີລົມພັດແຮງຢູ່ບາງທ້ອງຖິ່ນໃນແຕ່ລະ ພາກ.

ຈາກນັ້ນ ວັນທີ 01 ຫາ 05 ກໍລະກົດ 2020 ຄວາມກົດດັນອາກາດຕໍ່າຂອງອາກາດຮ້ອນຈະເພີ່ມກໍາລັງແຮງຂຶ້ນປົກ ຄຸມຢູ່ພາກເຫນືອດ້ານຕາເວັນຕົກລົງຫາພາກກາງ ແລະ ພາກໃຕ້, ຊຶ່ງຈະເຮັດໃຫ້ມີຝົນຕົກຟ້າຮ້ອງຟ້າເຫຼື້ອມໃນລະດັບຄ່ອຍ ເປັນບໍລິເວນກວ້າງໃນແຕ່ລະພາກ ແລະ ປານກາງຫາຕົກຫນັກ ພ້ອມຈະມີລົມພັດແຮງຢູ່ບາງທ້ອງຖິ່ນແຂວງພາກເຫນືອ ຫາ ພາກກາງ.

ຄໍາເຕືອນ: ໃນໄລຍະວັນທີ 01 ຫາ 05 ກໍລະກົດ 2020 ຄວາມກົດດັນອາກາດຕໍ່າຂອງອາກາດຮ້ອນຈະເພີ່ມກໍາລັງແຮງຂື້ນປົກຄຸມ ຢູ່ພາກເຫນືອດ້ານຕາເວັນຕົກ ລົງຫາພາກກາງ ແລະ ພາກໃຕ້, ຊຶ່ງຈະເຮັດໃຫ້ເກີດມີ ຝົນຕົກຟ້າຮ້ອງຟ້າເຫຼື້ອມໃນລະດັບຄ່ອຍເປັນ ບໍລິເວນກວ້າງ ແລະ ຕົກປານກາງ ຫາ ຕົກຫນັກ, ພ້ອມມີລົມພັດແຮງຢູ່ບາງທ້ອງຖິ່ນໃນແຕ່ລະພາກ, ດັ່ງນັ້ນ, ຈຶ່ງແຈ້ງເຕືອນເຖິງ ປະຊາຊົນບັນດາເຜົ່າ ແລະ ອົງການປົກຄອງທຸກພາກສ່ວນ ຈົ່ງມີສະຕິ ຕໍ່ສະພາບຝົນຕົກຫນັກ ແລະ ຈະມີລົມພັດແຮງ ທີ່ອາດຈະ ເກີດມີນໍ້າຖ້ວມຊຸ ແລະ ດິນເຈື່ອນຢູ່ບາງທ້ອງຖິ່ນໃນແຕ່ລະພາກ.

.

.