ເລວານດັອຟສະກີ້ ຄອງດາວຍິງສຸງສຸດ ບຸນເດັສລີກ້າ ສະໄໝທີ 5

ເລວານດັອຟສະກີ້ ຄອງດາວຍິງສຸງສຸດ ບຸນເດັສລີກ້າ ສະໄໝທີ 5

June 29, 2020 0 By admin

ໂຣເບີດ ເລວານດັອຟສະກີ້  ກອງໜ້າສາລະພັດປະໂຫຍດຂອງສະໂມສອນ ບາເຢິນ ມິວນິກ ຊາວໂປໂລຍ ໄວ 31 ປີ ຄວ້າລາງວັນດາວຍິງປະຕູສູງສຸດໃນ ບຸນເດັສລີກ້າ ເຢຍລະມັນ ລະດູການນີ້, ດ້ວຍຈຳນວນ 34 ປະຕູຈາກ 31 ນັດ, ເປັນການຍິງຫລາຍສຸດຕໍ່ລະດູການ ໃນບຸນເດັສລີກ້າ ນັບຕັ້ງແຕ່ຍ້າຍມາໃນປີ 2010 ແລະ ໄດ້ລາງວັນນັກເຕະດີເດັ່ນຂອງລະດູການນີ້ມາຄອງເປັນຄັ້ງທີ 2 ຕໍ່ຈາກລະດູການ 2016–17.

ເລວານດັອຟສະກີ້ ໄດ້ຮັບລາງວັນນີ້ເປັນສະໄໝທີ 5 ຕໍ່ຈາກລະດູການ 2013/14 ຍິງໄດ້ 20 ປະຕູ, 2015/16: 30 ປະຕູ, 2017/18: 29 ປະຕູ, 2018/19: 22 ປະຕູ, ພິເສດເປັນສະໄໝທີ 3 ຕິດຕໍ່ກັນ ເປັນຄົນທີ 2 ທີ່ເຮັດໄດ້ຕໍ່ຈາກ ແກັດ ມຸນເລີ້ ອະດີດສູນໜ້າຂອງ ບາເຍິນ ໃນລະດູການ 1971–72-1973–74 ແລະ ເປັນຜູ້ຄອງສະຖິຕິຍິງຫລາຍສຸດຕໍ່ລະການ ລວມ ປະຕູໃນລະດູການ 1971–72 ທັງເປັນດາວຍິງສູງສຸດຕະຫລອດການຂອງ ບຸນເດັສລີກ້າ ລວມ 365 ປະຕູ, ເລວານດັອຟສະກີ້ ຢູ່ອັນດັບ 3 ລວມ 236 ປະຕູ.

ລະດູການນີ້ ຖ້າລວມທຸກລາຍການ ເລວານດັອຟສະກີ້ ຍິງໄປແລ້ວ 49 ປະຕູ ຈາກ 42 ນັດ, ເປັນຜົນງານດີສຸດນັບຕັ້ງແຕ່ຍຶດອາຊີບນີ້ມາແຕ່ປີ 1997 ແລະ ຍັງມີໂອກາດຍິງຕື່ມອີກ ເພາະຍັງມີຮອບຊິງ ເດເອຟເບ ໂພຄາວ ກັບ ເລເວີຄູເຊັນ ໃນວັນທີ 4 ກໍລະກົດນີ້ ລວມທັງ ຢູຟ້າ ແຊ້ມປ້ຽນລີກ ກັບ ເຊວຊີ ຮອບ 16 ທີມສຸດທ້າຍ ນັດທີ 2 ນັດທີ 1 ບາເຍິນ ບຸກຊະນະມາກ່ອນ 3-0.

Photo: Bundesliga, Bayern Munich