ຄະນະສົງ 9 ອົງ ເດີນທຸດົງກັບວັດຢູ່ສະຫວັນນະເຂດ ຫຼັງສໍາເລັດຮ່ວມສົ່ງພຣະມະຫາງອນສູ່ສະຫວັນ

ຄະນະສົງ 9 ອົງ ເດີນທຸດົງກັບວັດຢູ່ສະຫວັນນະເຂດ ຫຼັງສໍາເລັດຮ່ວມສົ່ງພຣະມະຫາງອນສູ່ສະຫວັນ

June 29, 2020 0 By EP1

ເປັນພາບທີ່ສ້າງຄວາມປະທັບໃຈ ແລະ ເປັນບຸນຕາໃຫ້ກັບຜູ້ທີ່ໄດ້ຮູ້ເຫັນອີກຄັ້ງ ສໍາລັບຂະບວນການເດີນທຸດົງຂອງຄະນະສົງ 9ອົງ ທີ່ໄດ້ເດີນທາງມາຮ່ວມພິທີຖວາຍສັກກາຣະ ພຣະສະຣິຣະສັງຂານ (ຖວາຍພະເພີງ) ພຣະຍອດແກ້ວມະຫາງອນ ດໍາຣົງບຸນ ຈາກສະຫວັນນະເຂດ ແລະ ເມື່ອສໍາເລັດເປົ້າໝາຍແລ້ວກໍ່ໄດ້ເດີນທຸດົງກັບສະຫວັນະເຂດຄືນ ໃນມື້ນີ້ ວັນທີ 29 ມິຖຸນາ 2020.

ກ່ອນໜ້ານີ້, ຄະນະສົງ ທັງ 9ອົງ ແມ່ນໄດ້ເດີນທາງມາຈາກວັດອຳພາພອນ ບ້ານວັງໂຄນຄຳ ເມືອງ ຊົນນະບູລີ ແຂວງສະຫວັນນະເຂດ ເພື່ອເຂົ້າຮ່ວມ ພິທີຖວາຍສັກກາຣະ ພຣະສະຣິຣະສັງຂານ (ຖວາຍພະເພີງ) ພຣະຍອດແກ້ວມະຫາງອນ ດໍາຣົງບຸນ ໃນວັນທີ 26 ມິຖຸນາ ທີ່ຜ່ານມາ, ເຊິ່ງຫຼ້າສຸດພິທີການດັ່ງກ່າວສໍາເລັດແລ້ວ.

ດັ່ງນັ້ນ, ໃນມື້ນີ້ ຄະນະສົງທັງ 9 ອົງຈຶ່ງໄດ້ເດີນທຸດົງ(ຍ່າງດ້ວຍຕີນເປົ່າ) ກັບໄປຍັງວັດຈາກວັດອຳພາພອນ ບ້ານວັງໂຄນຄຳ ເມືອງ ຊົນນະບູລີ ແຂວງສະຫວັນນະເຂດ. ແນວໃດກໍ່ຕາມ ຄະນະສົງເຮັດໃຫ້ເຫັນໄດ້ວ່າ ເພິ່ນມາດ້ວຍໃຈ ແລະ ຄວາມຮັກ-ຄວາມເຄົາລົບຕໍ່ພໍ່ທ່ານໃຫຍ່ ມະຫາງອນ ດຳລົງບຸນ ແລະ ເພີ່ນກໍ່ພູມໃຈທີ່ໄດ້ສຳເລັດການທຸດົງມາດ້ວຍຄວາມຕັ້ງໃຈ ແລະ ຈິດອັນແຮງກ້າ ສາທຸ ສາທຸ ສາທຸ.