ຣຽວ ມາດຣິດ ບຸກຊະນະ ເອັສປັນຢໍລ ວຸດວິດ! ແຊງ ບາຣຊ້າ ເປັນທີມນຳ ລາລີກ້າ ອີກຄັ້ງ!!

ຣຽວ ມາດຣິດ ບຸກຊະນະ ເອັສປັນຢໍລ ວຸດວິດ! ແຊງ ບາຣຊ້າ ເປັນທີມນຳ ລາລີກ້າ ອີກຄັ້ງ!!

June 29, 2020 0 By admin

ການແຂ່ງຂັນເຕະບານ ລາລີກ້າ ແອັສປາຍ ລະດູການ 2019-20 ນັດທີ 32 ຄືນຜ່ານມາ (28 ມິຖຸນາ 2020) ຣຽວ ມາດຣິດ ແຊ້ມສູງສຸດ 33 ສະໄໝ ຜົນງານດີຕໍ່ເນື່ອງ ບຸກຊະນະ ເອັສປັນຢໍລ ທີມອັນດັບສຸດທ້າຍທີ່ສູ້ເພື່ອໜີຕົກຊັ້ນ ແບບວຸດວິດ 1-0 ຈາກປະຕູໄຊຂອງ ຄາເຊມີໂຣ້ ນາທີ 45′ ມາດຣິດ ຊະນະ 5 ນັດລວດ ໃນໄລຍະ ໂຄວິດ-19 ແຊງ ບາຣຊ້າ ຂຶ້ນເປັນທີມນຳ ລາລີກ້າ ອີກຄັ້ງ ມີ 71 ຄະແນນ ນຳ ບາຣຊ້າ ແຊ້ມເກົ່າ 2 ຄະແນນ. ຂະນະທີ່ ເອັສປັນຢໍລ ມີ 24 ຄະແນນ ຢູ່ອັນດັບສຸດທ້າຍເໝືອນເດີມ ໜີຕົກຊັ້ນຕໍ່ໄປ ຫ່າງຈາກພື້ນທີ່ປອດໄພ 10 ຄະແນນ ເຫລືອອີກ 6 ນັດໃນລະດູການນີ້.

ນັດຕໍ່ໄປ ມາດຣິດ ຈະເປີດບ້ານພົບກັບ ເກຕາເຟ່ ໃນຄືນວັນທີ 2 ກໍລະກົດນີ້ ເວລາ 03:00 ແລະ ເອັສປັນຢໍລ ຈະໄປຢາມ ຣຽວ ໂຊເຊຍແດັດ ໃນວັນດຽວກັນ ເວລາ 00:30.

ຜົນອີກ 3 ຄູ່ໃນມື້ວານນີ້ (28 ມິຖຸນາ 2020) ເລບັນເຕ້ ຊະນະ ຣຽວ ເບຕິສ 4-2, ບີຢາຣິວ ຊະນະ ບາເລັນເຊຍ 2-0 ແລະ ກຣານາດ້າ ເສຍໃຫ້ ເອບ້າ 1-2. ສຳລັບຄືນນີ້ມີແຂ່ງ 1 ຄູ່: ເກຕາເຟ່ ພົບ ຣຽວ ໂຊເຊຍແດັດ ເວລາ 03:00.

ໄຮໄລ້ການແຂ່ງຂັນຕາມລິ້ງລຸ່ມນີ້:

Photo: Real Madrid C.F.