ແມນຊິຕີ້ ແຊ້ມເກົ່າບຸກຊະນະ ນິວຄາສເຊິນ ເຂົ້າຮອບ 4 ທີມສຸດທ້າຍ ເອຟເອຄັບ ລະດູການນີ້!!

ແມນຊິຕີ້ ແຊ້ມເກົ່າບຸກຊະນະ ນິວຄາສເຊິນ ເຂົ້າຮອບ 4 ທີມສຸດທ້າຍ ເອຟເອຄັບ ລະດູການນີ້!!

June 29, 2020 0 By admin

ການແຂ່ງຂັນເຕະບານ ເອຟເອຄັບ ອັງກິດ ລະດູການ 2019-20 ຮອບ 8 ທີມສຸດທ້າຍຄືນຜ່ານມາ 3 ຄູ່, ແມນເຊັສເຕີ ຊິຕີ້ ແຊ້ມເກົ່າ ບຸກຊະນະ ນິວຄາສເຊິນ ຢູໄນເຕັດ 2-0 ໄດ້ປະຕູຈາກ: ການສັງຫານຈຸດໂທດຂອງ ເຄວິນ ເດີບຣອຍ ນາທີ 37′ ແລະ ຣາຮີມ ສະເຕີລິ້ງ ນາທີ 68′ ແມນຊິຕີ້ ຊະນະ 10 ນັດລວດໃນ ເອຟເອຄັບ ຍິງ 37 ປະຕູ ເສຍພຽງ 4 ປະຕູ, ເປັນທີມທີ 3 ທີ່ເຮັດໄດ້ໃນສະຕະວັດທີ 20 ຕໍ່ຈາກ ແອັສຕັນ ວິນລ້າ ໃນລະຫວ່າງປີ 1913-1914 ແລະ ເຊວຊີ ຊະນະ 13 ນັດລວດ ລະຫວ່າງປີ 2009-2011.

ຂະນະທີ່ ອາຣເຊນໍລ ແຊ້ມສູງສຸດ 13 ສະໄໝ ບຸກຊະນະ ເຊຟຟິວ ຢູໄນເຕັດ 2-1 ເດີກັນເນີ້ ນຳກ່ອນຈາກການສັງຫານຈຸດໂທດຂອງ ນິໂຄລາສ ເປເປ້ ນາທີ 25′ ຈາກນັ້ນ ດາວິດ ແມັກໂກດຣິກ ຍິງປະຕູຕີສະເໝີໃຫ້ເຈົ້າບ້ານ ນາທີ 87′ ແຕ່ໄລຍະຕໍ່ເວລາບາດເຈັບນາທີທຳອິດ ດານ້ຽວ ເຊບາຢັອສ ມາຍິງປະຕູໄຊໃຫ້ ອາຣເຊນໍລ ຊະນະ ເຊຟຟິວ ວຸດວິດ 2-1. ອາຣເຊນໍລ ເຂົ້າຮອບ ທີມສຸດທ້າຍ ເອຟເອຄັບ ຄັ້ງທີ 30 ສູງສຸດເທົ່າກັບ ແມນເຊັສເຕີ ຢູໄນເຕັດ. ສ່ວນ ເຊວຊີ ບຸກຊະນະ ເລັສເຕີ ຊິຕີ້ ວຸດວິດ 1-0 ຈາກ ຣັອສ ບ໊າກລີ້ ນາທີ 63′.

ສຳລັບການຈັບສະຫລາກ ຮອບ 4 ທີມສຸດທ້າຍ: ແມນຢູ ແຊ້ມ 12 ສະໄໝ ພົບກັບ ເຊວຊີ ແຊ້ມ 8 ສະໄໝ ແລະ ແມນຊິຕີ້ ແຊ້ມເກົ່າ ລວມ 6 ສະໄໝ ພົບ ອາຣເຊນໍລ ແຊ້ມສູງສຸດ 13 ສະໄໝ ໂດຍຈະແຂ່ງຂັນໃນວັນທີ 18 ແລະ 19 ເດືອນກໍລະກົດທີ່ຈະມາເຖິງນີ້ທີ່ສະໜາມເວັມບລີ້ ແລະ ຮອບຊິງຈະມີຂຶ້ນໃນວັນທີ 1 ສິງຫານີ້.

ໄຮໄລ້ການແຂ່ງຂັນຕາມລິ້ງລຸ່ມນີ້:

Photo: The Emirates FA Cup, Newcastle United FC