ແນະນຳເຄັດລັບຈືນອາຫານ  ບໍ່ໃຫ້ຕິດໝໍ້ ແຖມຍັງບໍ່ອົມນໍ້າມັນ

ແນະນຳເຄັດລັບຈືນອາຫານ ບໍ່ໃຫ້ຕິດໝໍ້ ແຖມຍັງບໍ່ອົມນໍ້າມັນ

June 29, 2020 0 By admin

ສຳລັບອາຫານເມນູຈືນຕ່າງໆ ຫຼາຍໆຄົນມັກຈະຢ້ານນໍ້າມັນສະສົມຢູ່ໃນອາຫານຫຼາຍເກີນໄປ, ຫາກຮັບປະທານສະສົມເຂົ້າໄປໃນປະລິມານທີ່ຫຼາຍ ກໍອາດຈະມີຄວາມສ່ຽງເປັນພະຍາດຕ່າງໆໄດ້ງ່າຍຂຶ້ນ. ສຳລັບ ມື້ນີ້ ໃຜທີ່ມັກຮັບປະທານອາຫານປະເພດຈືນບໍ່ຕ້ອງກົງວົນອີກຕໍ່ໄປ ເພາະວ່າແອັດມິນ ມີວິທີຈືນງ່າຍໆ ເຄັບລັບທີ່ເຮັດໃຫ້ອາຫານບໍ່ຕິດໝໍ້ ແລະ ບໍ່ອົມນໍ້າມັນມາຝາກ ເຊິ່ງຈະມີແນວໃດໄປເບິ່ງເລີຍ!!

ຂັ້ນຕອນທີ1: ໃຫ້ຕັ້ງໝໍ້ຂາງໃສ່ເຕົາໄຟປົກກະຕິ, ຈາກນັ້ນ ໃຫ້ໃສ່ນໍ້າສົ້ມສາຍຊູປະມານ 1 ບ່ວງ ຫຼັງຈາກນັ້ນ, ໃຊ້ບ່ວງ ຫຼື ຈອງເຂ່ຍນໍ້າສົ້ມສາຍຊູໃຫ້ທົ່ວໝໍ້ຂາງ ຈາກນັ້ນລໍຖ້າໃຫ້ນໍ້າສົ້ມສາຍຊູຟົດຈົນລະເຫີຍອາຍອອກໄປ ແລ້ວໃສ່ນໍ້າມັນສຳລັບຈືນລົງໄປ ແລ້ວປັບໄຟໃຫ້ແຮງຂຶ້ນ.

ຂັ້ນຕອນທີ 2 ລໍຖ້າໃຫ້ນໍ້າມັນຮ້ອນໄດ້ທີ່ ໃຫ້ນຳເອົາອາຫານທີ່ກຽມຈືນລົງໄປຈືນຕາມປົກກະຕິ ເມື່ອຈືນສຳເລັດແລ້ວ ໃຫ້ນຳມາອາຫານມາວາງໃສ່ຕະແກັງ ຫຼື ຈະໃຊ້ທິບຊູຊັບມັນ ກໍໄດ້ ແລ້ວ ນໍາໄປຮັບປະທານປົກກະຕິ.

ເຄັບລັບການຈືນອາຫານບໍ່ໃຫ້ອົມນໍ້າມັນ: ບໍ່ວ່າຈະເປັນການຈືນອາຫານຊະນິດໃດກໍ່ຕາມແຕ່ ສິ່ງສໍາຄັນທໍາອິດຄືຕ້ອງລໍຖ້າໃຫ້ນໍ້າມັນມີຄວາມຮ້ອນເສຍກ່ອນ ຈຶ່ງນຳເອົາອາຫານທີ່ຈະຈືນລົງໄປ, ຖ້ານໍ້າມັນຮ້ອນໄດ້ທີ່ ອາຫານຈະບໍ່ອົມນໍ້າມັນ ແລະ ພະຍາຍາມຢ່າພິກອາຫານເລື້ອຍໆໃນເວລາຈືນເພາະຈະເຮັດໃຫ້ ອາຫານຂອງເຮົາເລະ ຫຼື ມີໜ້າຕາບໍ່ໜ້າຮັບປະທານນັ້ນເອງ.