ສີສັນມົນສະເໜ ດິນແດນຖໍ້າກອງລໍ ເມືອງຄູນຄຳ ແຂວງຄຳມ່ວນ ມີຫຼາຍຈຸດໜ້າທ່ຽວ

ສີສັນມົນສະເໜ ດິນແດນຖໍ້າກອງລໍ ເມືອງຄູນຄຳ ແຂວງຄຳມ່ວນ ມີຫຼາຍຈຸດໜ້າທ່ຽວ

June 28, 2020 0 By admin

ເມືອງຄູນຄຳ ເປັນເມືອງໃໝ່ຂອງແຂວງຄຳມ່ວນ ສ້າງຕັ້ງຂຶ້ນໃນປີ2011. ສຳນັກງານປົກຄອງເມືອງຕັ້ງຢູ່ບ້ານນາຫີນ ລະຫວ່າງ 3 ແຍກທາງໄປຖ້ຳກອງລໍ ເສັ້ນທາງເລກ 8A ຫ່າງຈາກເທດສະບາແຂວງປະມານ 140 ກິໂລແມັດ.

ເມືອງຄູນຄຳ ມີສະຖານທີ່ທ່ອງທ່ຽວຫຼາກຫຼາຍແຫ່ງ ແລະ ຂຶ້ນຊື່ລືຊາເລື່ອງຄວາມງົດງາມຂອງພູຜາ ທີ່ເບິ່ງແລ້ວຈັບອົກຈັບໃຈ ເຮັດໃຫ້ຜູ້ທີ່ຍາຍາມຢ້ຽມອອນຊອນ ແລະ ຫຼົງໄຫຼ.

ຖໍ້າກອງລໍ ເປັນແຫຼ່ງທ່ອງທ່ຽວທາງທໍາມະຊາດ ທີ່ມີຊື່ສຽງລະດັບແນວໜ້າຂອງໂລກ ຍ້ອນວ່າເປັນຖໍ້າທີ່ມີສາຍນໍ້າຫີນບູນ ໄຫຼຜ່ານອຸໂມງຂອງພູຫີນບູນເຂົ້າໄປ ແລ້ວ ປ່ອງໃສ່ແມ່ນໍ້າຂອງ. ຖໍ້າກອງລໍຕັ້ງຢູ່ລະຫວ່າງບ້ານນາຕານ ແລະ ບ້ານກອງລໍ ເມືອງຄູນຄຳ ເຊິ່ງຫ່າງຈາກເມືອງ 46 ກິໂລແມັດ. ​ບັນດານັກ ທ່ອງທ່ຽວ ສາມາດ ເດີນທາງຈາກ ເສັ້ນທາງເລກທີ 13 ເຂົ້າໄປຕາມ ເສັ້ນທາງເລກ 8 ອາດຈະຮອດບ້ານຄູນຄຳ ເຊິ່ງຫ່າງຈາກ ຖ້ຳກອງລໍ 40 ກິໂລແມັດ. ສຳລັບທາງເລືອກອື່ນ ທີ່ເໝາະສົມກັບຜູ້ ມັກການປະຈົນໄພ ແມ່ນ ຂີ່ເຮືອຈັກຫາງຍາວ ລ່ອງໄປຕາມ ສາຍນ້ຳຫີນບູນຈາກບ້ານນາ.

ຖໍ້າກອງລໍ ມີຄວາມຍາວປະມານ 7.500 ແມັດ, ເຊິ່ງມີຄວາມກວ້າງປະມານ 30 ແມັດ ແລະ ສູງນັບແຕ່ 20 ແມັດຫາ 100 ແມັດ. ຖໍ້າກອງລໍ ເປັນ ຖໍ້າທີ່ສວຍງາມ ແລະ ມີສະເໜ່ດຶງດູດທີ່ສຸດ ເພາະທາງໃນຖໍ້າ ມີແກ້ງ, ຫີນຍ້ອຍ, ຫາດຊາຍ ທີ່ສວຍງາມຈຳນວນ 20 ກວ່າຈຸດ ເພື່ອໃຫ້ນັກທ່ອງທ່ຽວໄດ້ຊົມ. ບັນດານັກທ່ອງທ່ຽວສາມາດຂີ່ເຮືອລອດຜ່ານເຂົ້າໄປໃນຖ້ຳ ໄດ້ຕະຫຼອດ.

ໃນລະດູແລ້ງ ເປັນໄລຍະ ເໝາະສົມທີ່ສຸດ ເພື່ອຊົມຮູບໂສມສີສັນຂອງຖ້ຳ ໂດຍການຂີ່ເຮືອເຂົ້າໄປພາຍໃນຖ້ຳ ແລ້ວກໍ່ສາມາດລົງຈາກເຮືອແວ່ທ່ຽວຊົມ ທິວທັດ ແລະ ຍ່າງເລາະຫຼິ້ນຕາມ ຫາດຊາຍຂາວ ດ້ວຍການສຳ ພັດກັບອາກາດທີ່ເຢັນ ສະບາຍ. ພາຍໃນຖ້ຳນັກທ່ອງທ່ຽວຈະມີຄວາມສຸກ ພາຍໃຕ້ບັນຍາກາດ “ພາຍໃຕ້ຄວາມ ສວຍງາມ”. ບົນເສັ້ນທາງພາຍໃນຖ້ຳມີຫີນ ຍ້ອຍ, ໂງ່ນຫີນ ແລະ ຫາດ ຊາຍຈຳນວນຫຼວງຫຼາຍອັນສວຍສົດງົດງາມເປັນທີ່ຈັບອົກຈັບໃຈທີ່ສຸດ.

ນອກຈາກຖໍ້າກອງລໍ ແລ້ວ ກໍຍັງມີສະຖານທີ່ທ່ອງທ່ຽວອື່ນໆອີກບໍ່ວ່າຈະເປັນຈຸດຊົມວິວພູຜາມ່ານ  ຕັ້ງຢູ່ທາງເລກ8 ເຊິ່ງປັດຈຸບັນໄດ້ກາຍເປັນສະຖານທີ່ທ່ອງທ່ຽວໃຫມ່ທີ່ກຳລັງໄດ້ຮັບຄວາມນິຍົມ ຫຼັງຈາກມີນັກທຸລະກິດເຂົ້າລົງທຶນພັດທະນາ.

.

ນອກນັ້ນກໍມີນໍ້າຕົກຕາດສະນາມ ນອນໃນເຂດປ່າສະຫງວນນໍ້າສະນາມ ບ້ານນາຫີນ ເມືອງຄູນຄໍາ ເມື່ອເຖິງຕົວເມືອງຄູນຄໍາຈະມີທາງເຂົ້າໄປອີກປະມານ 3 ກິໂລແມັດ ຢູ່ດ້ານຊ້າຍມືຕາມເສັ້ນທາງເລກ 8 ມຸ່ງຫນ້າສູ່ເມືອງຄໍາເກີດ.

ນ້ຳຕົກຕາດແຫ່ງນີ້ມີ 2 ສາຍທີ່ມີຄວາມສູງປະມານ70-100ແມັດ ເຊິ່ງເຮົາມາມາດເຂົ້າໄປເຖິງຈຸດນໍ້າຕົກເພື່ອຫລິ້ນນໍາຢ່າງຊຸມເຢັນ.ລະດູທີ່ເຫມາະສົມແກ່ການມາທ່ຽວນໍ້າຕົກຕາດສະນາມ ກໍຫນ້າຈະແມ່ນຕົ້ນລະດູຝົນ ແລະ ທ້າຍລະດູຝົນຈົນຮອດເດືອນພະຈິກ (ສ່ວນລະດູຝົນແທ້ ກໍອາດບໍ່ສະດວກປານໃດ ເພາະຫີນຕາມເສັ້ນທາງຂຶ້ນສູ່ຕາດຈະມື່ນແລະອັນຕະລາຍ ).

ນອກນັ້ນກໍຍັງມີກິດຈະກຳຂີ່ເຮືອກາຍັກ ລ່ອງນໍ້າຫີນບູນ ຊົມຄວາມງາມຂອງທຳມະຊາດ   ນ້ຳໃສເຢັນດີ.

.

ນອກນັ້ນຍັງທ່ຽວຊົມວີຖິຊີວິດຂອງຊາວບ້ານກອງລໍ ຕາມແຕ່ລະລະດູ ບໍ່ວ່າຈະເປັນຍາມເຮັດນາປີ ຫລື ກ່ຽວເຂົ້າ.

ຍາມໄກ້ກ່ຽວເຂົ້າຫາກ່ຽວເຂົ້ານາປີ ເປັນອີກໄລຍະໜຶ່ງທີ່ໜ້າທ່ຽວອາກາດເຢັນດີເພາະເປັນໄລຍະທ້າຍລະດູຝົນ ທົ່ງນາກຳລັງເຫລືອງອ່ອນ  ປະຊາຊົນລົງເກັບກ່ຽວຜົນຜະລິດ ເຊິ່ເປັນຕາອອນຊອນແທ້.

.

ຂອບໃຈຮູບງາມໆຈາກ:Just Go Out ທ່ຽວໃສກະໄດ້, ຄົນມັກທ່ຽວ – life is journey,Toui Noui OuilOui Dk,noy images