ໄປເບິິ່ງທາງດ່ວນວຽງຈັນ-ວັງວຽງ ຄືບໜ້າຫຼາຍແລ້ວ ທ້າຍປີນີ້ໄດ້ໃຊ້

ໄປເບິິ່ງທາງດ່ວນວຽງຈັນ-ວັງວຽງ ຄືບໜ້າຫຼາຍແລ້ວ ທ້າຍປີນີ້ໄດ້ໃຊ້

June 27, 2020 0 By admin

ໂຄງການກໍ່ສ້າງທາງດ່ວນແຕ່ເຂດນະຄອນຫລວງວຽງຈັນ ຫາ ເມືອງວັງວຽງ ແຂວງວຽງຈັນ ໄດ້ເລີ່ມລົງມືກໍ່ສ້າງໃນກາງເດືອນພະຈິກ 2018 ເຊິ່ງຈະເຮັດໃຫ້ການເດີນທາງຈາກນະຄອນຫຼວງວຽງຈັນສູ່ເມືອງທ່ອງທ່ຽວຍອດນິຍົມຫຼຸດລົງເຖິງ1 ຊົ່ວໂມງ.

ຫຼ້າສຸດມາຮອດກາງເດືອນມິຖຸນາ ການກໍ່ສ້າງຄືບໜ້າໄວຫຼາຍສໍາເລັດໄປຫຼາຍກວ່າ75% ເຊິ່ງ ຈະສາມາດເປີດນຳໃຊ້ໄດ້ໃນຕົ້ນເດືອນທັນວາປີ2020ນີ້.

ປະຈຸບັນ ໄດ້ສໍາເລັດການປູຢາງຫມາກຕອຍ ຊັ້ນທໍາອິດ ສໍາເລັດແລ້ວ ຫຼາຍກ່ວາ 50 ກມ ແລະ ການເຈາະອຸໂມງ ເຂດພູພະ ກໍ່ໄດ້ສໍາເລັດສົມບູນແລ້ວ. ອີກຫນຶ່ງໜ້າວຽກທີ່ດໍາເນີນການຢູ່ ຄືການຕິດຕັ້ງລະບົບໄຟຟ້າ ຕາມເສັ້ນທາງ ແລະ ໃນອຸໂມງ.

ໂຄງການກໍ່ສ້າງທາງດ່ວນ ນະຄອນຫລວງວຽງຈັນ-ວັງວຽງ ມີຄວາມຍາວທັງໝົດ 109,12 ກິໂລແມັດ; ໃນນັ້ນ ຜ່ານເມືອງນາຊາຍທອງນະຄອນຫລວງວຽງຈັນ; ເມືອງໂພນໂຮງ, ຫີນເຫີບ ແລະ ເມືອງວັງວຽງ ແຂວງວຽງຈັນ.

ທາງດ່ວນວຽງຈັນ-ວັງວຽງ ຖືກອອກແບບໃຫ້ມີຄວາມກວ້າງຂອງເສັ້ນທາງ 23 ແມັດ, ມີວົງວຽນຈຸດເຊື່ອມຕໍ່ເຂົ້າ-ອອກ 7 ຈຸດ, ມີອຸມຸງ 1 ແຫ່ງ (ເຂດພູພະນັງ), ມີຂົວຂ້າມທາງທັງໝົດ 31 ແຫ່ງ ໃນນີ້ມີຂົວຂ້າມທາງ 13 ເໜືອ 3 ຈຸດ, ຂ້າມທາງລົດໄຟ 4 ຈຸດ ແລະ ຂ້າມທາງເຂົ້າບ້ານທົ່ວໄປ 23 ຈຸດ ລວມມູນຄ່າການກໍ່ສ້າງ 1,2ຕື້ໂດລາສະຫະລັດ.

ລາຄາການບໍລິການໃຊ້ທາງດ່ວນ ແມ່ນ 550 ກີບຕໍ່ ກິໂລແມັດ ຫຼື ລວມທັງໝົດ 62.000 ກີບ ຈົນຮອດວັງວຽງ. ລົງທຶນໂດຍ ນັກລົງທຶນຈາກປະເທດຈີນ ມີອາຍຸ ສໍາປະທານທັງໝົດ 50 ປີ, ມີມູນຄ່າການກໍ່ສ້າງທັງໝົດ 1.2 ຕື້ ໂດລ້າສະຫະລັດ, ໂດຍມີລັດຖະບານລາວຖືຫຸ້ນນໍາ 5%.

ທາງດ່ວນວຽງຈັນ-ວັງວຽງ  ນອນໃນການພັດທະນາໂຄງການທາງດ່ວນ ຈາກນະຄອນຫລວງວຽງຈັນ ຫາຊາຍແດນ  ສປ ຈີນ. ໂຄງການກໍ່ສ້າງທາງດ່ວນ ມີແຜນການດຳເນີນປະຕິບັດ 4 ຂັ້ນຕອນ, ແບ່ງຕາມລຳດັບຄື: ນະຄອນຫລວງວຽງຈັນ ຫາ ວັງວຽງ, ວັງວຽງ ຫາ ແຂວງ ຫລວງພະບາງ,ແຂວງ ຫລວງພະບາງ ຫາ ແຂວງ ອຸດົມໄຊ ແລະ ແຂວງ ອຸດົມໄຊ ຫາ ດ່ານສາກົນ ບໍ່ເຕັນ-ບໍ່ຫານ.

ວີດີໂອ

ຂອບໃຈຮູບງາມໆຈາກ ຊຸບຊິບບັນເທີງ