ແຕ່ງຕັ້ງສະຫາຍ ນາງ ບົວກາ ແກ້ວມະນີ ເປັນເລຂາພັກເມືອງ, ເຈົ້າເມືອງໆນາກາຍ

ແຕ່ງຕັ້ງສະຫາຍ ນາງ ບົວກາ ແກ້ວມະນີ ເປັນເລຂາພັກເມືອງ, ເຈົ້າເມືອງໆນາກາຍ

June 27, 2020 0 By admin

ໃນວັນທີ 23 ມີຖຸນາ 2020 ຜ່ານມານີ້ຢູ່ທີ່ຫ້ອງປະຊຸມໃຫ່ຍຂອງເມືອງນາກາຍ ໄດ້ຈັດພິທີ ປະກາດການຈັດຕັ້ງ ແລະ ອົງການປົກຄອງເມືອງນາກາຍໂດຍການໃຫ້ກຽດເປັນປະທານຂອງ ສະຫາຍ ໂອໃດ ສຸດາພອນ ກຳມະການສູນກາງພັກ ເລຂາພັກແຂວງ ເຈົ້າແຂວງໆຄຳມ່ວນ, ເຂົ້າຮ່ວມໂດຍ ສະຫາຍ ສົມພົງ ວັນໄພທອງ ກຳມະການພັກແຂວງ ເຈົ້າເມືອງໆນາກາຍ, ຄະນະປະຈຳພັກເມືອງ, ກຳມະການພັກເມືອງ, ຕະຫຼອດຮອດພະນັກງານລັກແຫຼ່ງຂອງເມືອງເຂົ້າຮ່ວມ.


ໃນພິທີ ທ່ານ ນາງ ສຸມົນທາ ລັດຖະຈັກ ຮອງຫົວໜ້າຄະນະຈັດຕັ້ງແຂວງ ໄດ້ຂຶ້ນຜ່ານມະຕິຕົກລົງຂອງຄະນະປະຈຳພັກແຂວງ ວ່າດ້ວຍການຮັບຮອງເອົາຜົນການເລືອກຕັ້ງຄະນະບໍລິຫານງານພັກເມືອງ ຄະນະປະຈຳພັກເມືອງ, ເລຂາ ແລະ ຮອງເລຂາພັກເມືອງ, ປະທານ ແລະ ຮອງປະທານກວດກາພັກເມືອງນາກາຍ ສະໄໝທີ VI ແລະ ຂໍ້ຕົກລົງຂອງທ່ານເຈົ້າແຂວງ ຄຳມ່ວນ ວ່າດ້ວຍການແຕ່ງຕັ້ງ ຮັບຮອງເອົາເລຂາ ແລະ ຮອງເລຂາພັກເມືອງນາກາຍສະໄໝທີ VI ມີຄືດັ່ງນີ້ ແຕ່ງຕັ້ງສະຫາຍ ນາງ ບົວກາ ແກ້ວມະນີ ເປັນເລຂາພັກເມືອງ, ແຕ່ງຕັ້ງ ສະຫາຍ ບຸນມີ ທານຸວົງ ເປັນຮອງເລຂາພັກເມືອງ, ແລະ ແຕ່ງຕັ້ງ ສະຫາຍ ຄຳໝັ້ນ ອິນທະວົງ ເປັນຮອງເລຂາພັກເມືອງ.

ຂໍ້ຕົກລົງຂອງທ່ານເຈົ້າແຂວງ ຄຳມ່ວນ ວ່າດ້ວຍການແຕ່ງຕັ້ງ ເຈົ້າເມືອງ, ຮອງເຈົ້າເມືອງໆນາກາຍ ແຕ່ງຕັ້ງ ທ່ານ ນ. ບົວກາ ແກ້ວມະນີ ຄະນະປະຈຳພັກເມືອງ ຫົວໜ້າຄະນະຈັດຕັ້ງເມືອງ ຂຶ້ນເປັນ ເຈົ້າເມືອງໆ ນາກາຍ, ແຕ່ງຕັ້ງ ທ່ານ ແສງແກ້ວ ພະຄຸນທອງ ຄະນະປະຈຳພັກເມືອງ ຂື້ນເປັນຮອງເຈົ້າເມືອງໆນາກາຍ. ຍົກຍ້າຍທ່ານ ເນດ ຈັນທະລາດ ຄະນະປະຈຳພັກເມືອງ ຫົວໜ້າຫ້ອງການອຸດສະຫະກຳ ແລະ ການຄ້າເມືອງ ມາເປັນຫົວໜ້າຄະນະຈັດຕັ້ງເມືອງ, ແຕ່ງຕັ້ງ ທ່ານ ທ່ອນແກ້ວ ຈັນທະວົງ ເປັນຫົວໜ້າຫ້ອງການອຸດສະຫະກຳ ແລະ ການຄ້າເມືອງ, ຍົກຍ້າຍທ່ານ ແສງດາລາ ອ່ອນຕາວົງ ກຳມະການພັກເມືອງ ຫົວໜ້າຫ້ອງວ່າການປົກຄອງເມືອງ ມາເປັນຫົວໜ້າຫ້ອງການພະລັງ ແລະ ບໍ່ແຮ່ເມືອງ.

ຍົກຍ້າຍທ່ານ ບົວແຊງ ແກ່ນສະນີ ກຳມະການພັກເມືອງ ເລຂາຄະນະບໍລິຫານງານຊາວໜຸ່ມເມືອງ ມາເປັນຮອງປະທານກວດກາພັກ-ລັດເມືອງ, ຍົກຍ້າຍທ່ານ ຄຳຫວາງ ກິໄລວັນ ຫົວໜ້າຫ້ອງການພະລັງງານ ແລະ ບໍ່ແຮ່ເມືອງ ມາເປັນຫົວໜ້າຫ້ອງວ່າການເມືອງ, ຍົກຍ້າຍທ່ານ ລຳພອນ ພົນສຸລິ ຮອງຫົວໜ້າໂຄສະນາອົບຮົມເມືອງ ມາເປັນຮອງຫົວໜ້າຫ້ອງວ່າການເມືອງ, ຍົກຍ້າຍທ່ານ ຕຽງຄຳ ມູນໂນລາດ ຮອງຫົວໜ້າຫ້ອງວ່າການເມືອງ ມາເປັນຫົວໜ້າຫ້ອງການໂຍທາທິການ ແລະ ຂົນສົ່ງເມືອງ,

ແຕ່ງຕັ້ງທ່ານ ອິນທະຫວາ ແກ້ວບົວໃສ ຜູ້ຮັກສາການຫົວໜ້າຫ້ອງການພາຍໃນເມືອງ ຂື້ນເປັນຫົວໜ້າຫ້ອງການພາຍໃນເມືອງ, ຍົກຍ້າຍທ່ານ ນ. ຂັວນໃຈ ໂພທິນັນ ຮອງຫົວໜ້າຄະນະຈັດຕັ້ງເມືອງ ມາເປັນຮອງຫົວໜ້າຫ້ອງການພາຍໃນເມືອງ, ແຕ່ງຕັ້ງທ່ານ ນ.ສີສົມພອນ ພົມມະວົງ ຮອງເລຂາຄະນະບໍລິຫານງານຊາວໜຸ່ມເມືອງ ຂື້ນເປັນເລຂາຄະນະບໍລິຫານງານຊາວໜຸ່ມເມືອງ, ຍົກຍ້າຍທ່ານ ສຸວັນນະລາດ ຈັນທະວົງ ຫົວໜ້າໜ່ວຍງານເຕັກໂນໂລຊີ ຫ້ອງວ່າການເມືອງ ມາເປັນຮອງຫົວໜ້າຄະນະຈັດຕັ້ງເມືອງ, ຍົກຍ້າຍທ່ານ ວິລະວົງ ແພງອຸໄທຫົວໜ້າໜ່ວຍງານຄົ້ນຄວ້າສັງລວມຫ້ອງວ່າການມາເປັນ ຮອງຫົວໜ້າຄະນະໂຄສະນາອົບຮົມເມືອງ.