ປະກາດການຈັດຕັ້ງຄະນະຄຸ້ມຄອງ​ດ່ານຊາຍແດນສາກົນວັງເຕົ່າ ແຂວງຈໍາປາສັກ

ປະກາດການຈັດຕັ້ງຄະນະຄຸ້ມຄອງ​ດ່ານຊາຍແດນສາກົນວັງເຕົ່າ ແຂວງຈໍາປາສັກ

June 27, 2020 0 By admin

ພິທີປະກາດການຈັດຕັ້ງຄະນະຄຸ້ມຄອງດ່ານຊາຍແດນສາກົນວັງເຕົ່າ ຈັດຂຶ້ນໃນວັນທີ 24 ມິຖຸນາ 2020 ນີ້ໃຫ້ກຽດເຂົ້າຮ່ວມຂອງສະຫາຍ ສົມສີ ມະນີນິນ ກໍາມະການພັກແຂວງ, ມີພະແນກການກ່ຽວຂ້ອງ, ພະນັກງານພາຍໃນດ່ານສາກົນວັງເຕົ່າເຂົ້າຮ່ວມ.


ໃນພິທີໄດ້ຜ່ານມະຕິຕົກລົງຂອງຄະນະປະຈໍາພັກແຂວງ ວ່າດ້ວຍການອະນຸມັດບົ່ງຕົວແຕ່ງຕັ້ງເລຂາຄະນະພັກຮາກຖານ ດ່ານສາກົນວັງເຕົ່າສະໄໝ ທີ III ໂດຍອະນຸມັດບົ່ງຕົວແຕ່ງຕັ້ງສະຫາຍ ພັນເອກ ສຸກັນ ໄຕໄຊຍະວົງ ເປັນເລຂາ ຄະນະພັກຮາກຖານດ່ານສາກົນວັງເຕົ່າ,

ພ້ອມນີ້ກໍໄດ້ປະກາດການຈັດຕັ້ງຄະນະຄຸ້ມຄອງດ່ານຊາຍແດນສາກົນວັງເຕົ່າຕາມການຕົກລົງເຫັນດີຂອງຄະນະພັກຂັ້ນເທິງແຕ່ລະພາກສ່ວນ ຄື: ເຫັນດີແຕ່ງຕັ້ງສະຫາຍ ພັນເອກ ສຸກັນ ໄຕໄຊຍະວົງ ເປັນຫົວໜ້າຄະນະຄຸ້ມຄອງດ່ານຊາຍແດນສາກົນວັງເຕົ່າ, ສະຫາຍ ພັນໂທ ດໍາລົງ ບຸດສາຄອນ ເປັນຮອງຫົວໜ້າຄະນະຄຸ້ມຄອງດ່ານຊາຍແດນສາກົນວັງເຕົ່າ ທັງເປັນຫົວໜ້າຂະແໜງກວດກາຄົນເຂົ້າ-ອອກເມືອງປະຈໍາດ່ານ,

ສະຫາຍ ວິເລືອງ ວໍລະບຸດ ເປັນຮອງຫົວໜ້າຄະນະຄຸ້ມຄອງດ່ານຊາຍແດນສາກົນວັງເຕົ່າ ທັງເປັນຫົວໜ້າຂະແໜງພາສີດ່ານຊາຍແດນສາກົນວັງເຕົ່າ, ສະຫາຍ ສູນໃຈ ຊາຕະກຸນ ເປັນຮອງຫົວໜ້າຄະນະຄຸ້ມຄອງດ່ານຊາຍແດນສາກົນວັງເຕົ່າ ທັງເປັນຫົວໜ້າຫ້ອງການບໍລິຫານດ່ານຊາຍແດນສາກົນວັງເຕົ່າ, ສະຫາຍ ອິນທະຍາກອນ ສຸກຊະນະ ເປັນຫົວໜ້າຂະແໜງ ກັກກັນພືດ-ສັດ, ອາຫານ, ຢາ ແລະ ຄວບຄຸມພະຍາດຕິດຕໍ່, ສະຫາຍ ດວງປັນຍາ ດວງນວນໄຊ ເປັນຫົວໜ້າຂະແໜງພົວພັນຊາຍແດນ,

ສະຫາຍ ສຸກສັນ ເທບວົງສາ ເປັນຮອງຫົວໜ້າຫ້ອງການບໍລິຫານດ່ານຊາຍແດນສາກົນວັງເຕົ່າ, ສະຫາຍ ເດດອຸດົມ ສະຫວັດທະສິນ ເປັນຮອງຫົວໜ້າຫ້ອງການບໍລິຫານດ່ານຊາຍແດນສາກົນວັງເຕົ່າ