ເຊວຊີ ຊະນະ ແມນຊິຕີ້ ໜີແມນຢູ 5 ຄະແນນ! ສົ່ງຫົງແດງເປັນແຊ້ມລີກໃນຮອບ 30 ປີ!!

ເຊວຊີ ຊະນະ ແມນຊິຕີ້ ໜີແມນຢູ 5 ຄະແນນ! ສົ່ງຫົງແດງເປັນແຊ້ມລີກໃນຮອບ 30 ປີ!!

June 26, 2020 0 By admin

ການແຂ່ງຂັນເຕະບານ ພຣີເມ່ຍລີກ ອັງກິດ ລະດູການ 2019-20 ນັດທີ 31 ຄືນຜ່ານມາ (25 ມິຖຸນາ 2020) ສິງຟ້າ ເຊວຊີ ເປີດບ້ານ ຊະນະ ເຮືອໃບສີຟ້າ ແມນເຊັສເຕີ ຊິຕີ້ ແຊ້ມເກົ່າ 2-1 ເຊວຊີ ນຳກ່ອນຈາກ ຄຣິສຕຽນ ປູລີຊິກ ນາທີ 36′, ແຕ່ ເຄວິນ ເດີບຣອຍ ຊັດຟຣີຄລິກສຸດງາມ ນາທີ 55′ ຈາກນັ້ນ ແມນຊິຕີ້ ເຫລືອຜູ້ຫລິ້ນ 10 ຄົນ ເມື່ອຮອງຫົວໜ້າທີມ ແຟນັນດິນໂຢ້ ໄດ້ບັດແດງຈາກຈັງຫວະໃຊ້ມືປັດບານໃນເຂດໂທດ ແລະ ເສຍຈຸດໂທດ ນາທີ 77′, ວິນລ້ຽນ ຮັບໜ້າທີ່ສັງຫານ ເປັນປະຕູໄຊໃຫ້ ເຊວຊີ ຊະນະ ແມນຊິຕີ້ 2-1 ຄວ້າ 3 ຄະແນນ ເພີ່ມເປັນ 54 ຄະແນນ ຮັກສາພື້ນທີ່ແຊ້ມປ້ຽນລີກຢ່າງໜຽວແໜ້ນ ນຳອັນດັບ 5 ແມນຢູ 5 ຄະແນນ ແລະ ຕາມຫລັງ ເລັສເຕີ ຊິຕີ້ ອັນດັບ 3 ໜຶ່ງຄະແນນ.

ຂະນະທີ່ ແມນຊິຕີ້ ມີ 63 ຄະແນນ ຕາມຫລັງ ລີເວີພູລ 23 ຄະແນນ ເຫລືອ 7 ນັດ ນັ້ນໝາຍວ່າ: ລີເວີພູລ ເປັນແຊ້ມແນ່ນອນແລ້ວ. ສຳລັບ ຜົນອີກ 2 ຄູ່ ວານນີ້: ເບີນລີ້ ຊະນະ ວັດຟອດ 1-0 ແລະ ເຊົາແທ່ມຕັນ ເສຍໃຫ້ ອາຣເຊນໍລ 0-2.

ໄຮໄລ້ການແຂ່ງຕາມລິ້ງລຸ່ມນີ້:

Photo: Chelsea Football Club, Premier League