ຮອງຫົວໜ້າກົມສູ້ຮົບກົມໃຫຍ່ເສນາທິການກອງທັບເຄື່ອນໄຫວເຮັດວຽກຢູ່ກອງພົນທີ 4

ຮອງຫົວໜ້າກົມສູ້ຮົບກົມໃຫຍ່ເສນາທິການກອງທັບເຄື່ອນໄຫວເຮັດວຽກຢູ່ກອງພົນທີ 4

October 17, 2020 0 By admin

ໃນວັນທີ 13-14 ກັນຍາ 2020 ນີ້, ສະຫາຍ ພັນເອກ ພັນສາຍ ຂັນທະໄຊ ຮອງຫົວໜ້າກົມສູ້ຮົບ ກົມໃຫຍ່ເສນາທິການກອງທັບ ພ້ອມດ້ວຍຄະນະ ໄດ້ລົງເຄື່ອນໄຫວເຮັດວຽກຢູ່ກອງພົນທະຫານຮາບທີ 4 ເປັນກຽດຕ້ອນຮັບຂອງ ສະຫາຍ ພັນເອກ ຕ່າງຕາ ຕາດເວີນຄຳ ຮອງເລຂາຄະນະພັກກອງພົນ ຫົວໜ້າການທະຫານກອງພົນທີ 4, ມີຄະນະພັກ-ຄະນະບັນຊາກອງພົນ, ມີພະນັກງານຂັ້ນນຳພາ-ບັນຊາກອງພົນ, ພະນັກງານນຳພາ-ບັນຊາອົງການ 5 ຫ້ອງ ຕະຫຼອດຮອດພະນັກງານຫຼັກແຫຼ່ງທົ່ວກອງພົນທະຫານຮາບທີ 4 ເຂົ້າຮວມຢ່າງພ້ອມພຽງ.


ສະຫາຍ ພັນເອກ ຕ່າງຕາ ຕາດເວີນຄຳ ຫົວໜ້າການທະຫານກອງພົນທະຫານຮາບທີ 4 ໄດ້ໃຫ້ກຽດຂຶ້ນຜ່ານບົດລາຍງານໂດຍຫຍໍ້ໃນການຈັດຕັ້ງປະຕິບັດເຮັດສຳເລັດໜ້າທີ່ການເມືອງຂອງຕົນໃນໄລຍະຜ່ານມາ, ເປັນຕົ້ນຖືເອົາວຽກງານການເມືອງນຳພາແນວຄິດເປັນກົກສ້ອຍຫ້ອຍເຂົ້າໃນທຸກຂົງເຂດວຽກງານໜ້າທີ່ລວມຂອງກົມກອງສາມາດຮັບປະກັນອ້າຍນ້ອງພະນັກງານ-ນັກຮົບ ມີຄວາມອຸ່ນອ່ຽນທຸ່ນທຽງມີລະບຽບວິໄນຢ່າງເຂັ້ມງວດ.

ວຽກງານເຮັດໃຫ້ສະພາບມີຄວາມສະຫງົບ ຈັດຕັ້ງກອງປະຊຸມສ່ອງແສງຂອບເຂດກົມກອງຮັບຜິດ ໃນ 3 ແຂວງພາກກາງເປັນປົກະຕິ, ຈັດຕັ້ງໃຫ້ມີລະບົບປະຈຳການ, ສິດປະຈຳການ, ກຳລັງປະຈຳການ ຢ່າງຄົບຖ້ວນສົມທົບກັບກຳລັງທ້ອງຖິ່ນແຂວງ, ກຳລັງ ປກສ ແຂວງ ເພື່ອຕິດຕາມເກັບກຳສະພາບການການເຄື່ອນໄຫວຂອງກຸ່ມຄົນທີ່ບໍ່ຫວັງດີ, ບັນຫາສາສະໜາ, ການພົວພັນສິ່ງເສບຕິດ, ຄ້າຂາຍຂອງເຖື່ອນ, ປະກົດການຫຍໍ້ທໍ້ໃນສັງຄົມ ແລະ ອື່ນນໆ…ຈັດຕັ້ງແນກນຳ,ພະແນການທີ່ກ່ຽວຂ້ອງສ້າງແຜນການອົບຮົມ-ຫັດແອບປະຈຳປີ, ປະຈຳໄຕມາດ ກວດກາເບີ່ງພາຫະນະ, ອາວຸດ-ລູກກະສູນໃຫ້ຢູ່ໃນທ່າເຮັດໜ້າທີ່ເຄື່ອນໄຫວໄດ້100%.


ໂອກາດນີ້ ສະຫາຍ ພັນເອກ ພັນສາຍ ຂັນທະໄຊ ຮອງຫົວໜ້າກົມສູ້ຮົບ ກົມໃຫຍ່ເສນາທິການກອງທັບ ພ້ອມດ້ວຍຄະນະໄດ້ລົງກວດກາໂຄງປະກອບການກຽມພ້ອມສູ້ຮົບຕົວຈິງຂອງ ກອງພັນທະຫານຮາບທີ 7 ກອງພົນທີ 4 ແລະ ກອງພັນນ້ອຍ 123 ກອງພັນໃຫຍ່ 401 ທີ່ຂຶ້ນກັບກອງພັນທະຫານຮາບທີ 4 ພ້ອມທັງໄດ້ເອກະພາບລຳດັບການຈັດວາງກຳລັງໃຫ້ຖືກກັບຫຼັກການຂອງກອງທັບປະຊາຊົນລາວໄດ້ກຳນົດໄວ້.


ຈາກນັ້ນສະຫາຍ ພັນເອກ ພັນສາຍ ຂັນທະໄຊ ຮອງກົມສູ້ຮົມກົມໃຫຍ່ເສນາທິການກອງທັບ ໄດ້ກ່າວສະແດງຄວາມຍ້ອງຍໍຊົມເຊີຍຕໍ່ຜົນສຳເລັດຂອງກົມກອງໃນການຈັດຕັ້ງປະຕິບັດເຄື່ອນໄຫວໃນໄລຍະຜ່ານມາ, ພ້ອມທັງໄດ້ເໜັ້ນໜັກໃຫ້ຄະນະພັກ-ຄະນະບັນຊາກົມກອງເພີ່ມທະວີວຽກງານການເມືອງນຳພາແນວຄິດໃຫ້ສູງກວ່າເກົ່າ, ສອດຫ້ອຍເຂົ້າໃນທຸກຂົງເຂດວຽກງານລວມຂອງກົມກອງ ຕິດພັນກັບ 4 ໜ້າທີ່ໃຫຍ່ 26 ແຜນງານ, ເອົາໃຈໃສ່ໃນການປະຕິບັດການສ້າງແຜນອົບຮົມ-ຫັດແອບປະຈຳປີ, ປະຈຳໄຕມາດຂອງແຕ່ລະເຫຼົ່າຮົບເພື່ອຮັບປະກັນໃຫ້ແກ່ການກຽມພ້ອມສູ້ຮົບ 100%ສືບຕໍ່ຫັນລົງກໍ່ສ້າງຮາກຖານການເມືອງຕິດພັນກັບການສົບທົບກັບກຳລັງທ້ອງຖິ່ນ, ກຳລັງ ປກສ ໃນຂອບເຂດຮັບຜິດຊອບ, ເພື່ອຕິດຕາມເກັບກຳສະພາບຂອງກຸ່ມຄົນບໍ່ດີ, ສິ່ງເສບຕິດ, ຄ້າຂາຍເຖື່ອນ, ບັນຫາສາສະໜາໃຫ້ຫຼຸດໜ້ອຍຖອຍລົງເທື່ອລະກ້າວ, ເພີ່ມທະວີຄວາມສາມັກຄີພາຍໃນ-ພາຍນອກໃຫ້ເປັນປຶກແຜ່ນແກ່ນສານເພື່ອພ້ອມກັນເຮັດສຳເລັດໜ້າທີທີ່ພັກ-ລັດການຈັດຕັ້ງຂັ້ນເທີງມອບໝາຍໃຫ້.


ຂ່າວໂດຍ: ໂພຄຳ ພອນປະເສີດ (ນັກຂ່າວກອງພົນທີ 4)
ພາບໂດຍ: ບົວຄຳ ທອງລັດສະໝີ (ນັກຂ່າວກອງພົນທີ 4)