ມາດຣິດ ມາດີຕໍ່ເນື່ອງ ຊະນະ 4 ນັດລວດ! ແຊງ ບາຣຊ້າ ຂຶ້ນເປັນທີມນຳ ລາລີກ້າ ອີກຄັ້ງ!!

ມາດຣິດ ມາດີຕໍ່ເນື່ອງ ຊະນະ 4 ນັດລວດ! ແຊງ ບາຣຊ້າ ຂຶ້ນເປັນທີມນຳ ລາລີກ້າ ອີກຄັ້ງ!!

June 25, 2020 0 By admin

ການແຂ່ງຂັນເຕະບານ ລາລີກ້າ ແອັສປາຍ ລະດູການ 2019-20 ນັດທີ 31 ຄືນຜ່ານມາ (24 ມິຖຸນາ 2020) ຣຽວ ມາດຣິດ ແຊ້ມສູງສຸດ 33 ສະໄໝ ເປີເສະໜາມຊ້ອມ ເອົາຊະນະ ມາຢໍລກ້າ ທີມທ້າຍຕາຕະລາງ 2-0 ວີນີຊີອຸສ ຈູເນ່ຍ ນາທີ 19′ ແລະ ຫົວໜ້າທີມ ເຊີຈີໂອ ຣາມັອສ ນາທີ 56′ ມາດຣິດ ຊະນະ 4 ນັດລວດ ໃນໄລຍະ ໂຄວິດ-19 ແຊງ ບາຣຊ້າ ຂຶ້ນເປັນທີມນຳ ລາລີກ້າ ອີກຄັ້ງ ມີ 68 ຄະແນນ ເທົ່າກັນ ແຕ່ ມາດຣິດ ມີສະຖິຕິດີກວ່າ. ຂະນະທີ່ ມາຢໍລກ້າ ມີ 26 ຄະແນນ ຢູ່ອັນດັບທີ 18 ພື້ນທີ່ຕົກຊັ້ນ ຫ່າງຈາກພື້ນທີ່ປອດໄພ 3 ຄະແນນ ແຕ່ແຂ່ງຫລາຍກວ່າພື້ນທີ່ປອດໄພໜຶ່ງນັດ.

ພິເສດໃນເກມນີ້ ມາຢໍລກ້າ ສົ່ງ ດາວຮຸ່ງຊາວອາກຊັງຕິນ ໄວ 15 ປີ ລົງຫລິ້ນໃນ 7 ນາທີສຸດທ້າຍ ກາຍເປັນນັກເຕະອາຍຸນ້ອຍສຸດລົງຫລິ້ນໃນ ລາລີກ້າ.

ນັດຕໍ່ໄປ ມາດຣິດ ຈະໄປຢາມ ເອັສປັນຢໍລ ໃນຄືນວັນທີ 28 ມິຖຸນານີ້ ເວລາ 03:00 ແລະ ມາຢໍລກ້າ ຈະໄປຢາມ ບິວເບົາ ໃນວັນທີ 26 ມິຖນານີ້ ເວລາ 19:00.

ຜົນອີກ 2 ຄູ່ໃນມື້ວານນີ້ (24 ມິຖຸນາ 2020) ອາລາເບັສ ເສຍໃຫ້ ໂອຊາຊູນ້າ 0-1 ແລະ ຣຽວ ໂຊເຊຍແດັດ ເສຍໃຫ້ ເຊວຕ້າ ບີໂກ້ 0-1. ສຳລັບຄືນນີ້ມີແຂ່ງ 2 ຄູ່: ເອບ້າ ພົບ ວາເລັນເຊຍ ເວລາ 00:30 ແລະ ຣຽວ ເບຕິສ ພົບກັບ ເອັສປັນຢໍລ ເວລາ 03:00.

ໄຮໄລ້ການແຂ່ງຂັນຕາມລິ້ງລຸ່ມນີ້:

Photo: Real Madrid C.F.