ການນໍາເມືອງພີນພ້ອມຄະນະກໍາມະການຕ້ານໄພພິບັດຂັ້ນເມືອງສືບຕໍ່ລົງພື້ນທີ່ຕິດຕາມການເພີ່ມຂຶ້ນຂອງລະດັບນໍ້າເຊບັງຫຽງ ພ້ອມທັງມອບເຄື່ອງຊ່ວຍເຫຼືອເບື້ອງຕົ້ນ

October 14, 2020 0 By admin

ວັນທີ 14 ຕຸລາ 2020 ທ່ານ ແກ້ວວິໄສ ອິນທິລາດ ຮອງເລຂາພັກເມືອງ ປະທານກວດກາພັກ-ລັດ, ມີທ່ານ ສົມສະໜຸກ ເພັດຊົມພູ ຮອງເຈົ້າເມືອງ, ທ່ານ ຄໍາຮູ້ ສຸລິສິດ ຮອງເຈົ້າເມືອງພີນ ແຂວງສະຫວັນນະເຂດ

ພ້ອມດ້ວຍຄະນະກຳມະການຕ້ານໄພພິບັດຂັ້ນເມືອງ ໄດ້ສືບຕໍ່ລົງພື້ນທີ່ ຕິດຕາມການເພີ່ມຂື້ນຂອງລະດັບນ້ຳເຊບັງຫຽງ ພ້ອມທັງຢ້ຽມຢາມ ອຳນາດການປົກຄອງບ້ານ ແລະ ປະຊາຊົາຕາມເຂດບ້ານທີ່ຢູ່ລຽບເຊບັງຫຽງ ຄື ບ້ານອາເປ້ຍ, ບ້ານສົບບອນ ແລະ ບ້ານຊ່າງແທ່ງ ເຊິ່ງເປັນເຂດພື້ນທີ່ສ່ຽງຖືກນ້ຳຖ້ວມ.ປະຈຸບັນ ເນື້ອທີ່ນາບາງສ່ວນຖືກນ້ຳໄດ້ໄຫຼເຂົ້າຖ້ວມແລ້ວ.

ນອກຈາກນີ້ຍັງໄດ້ນໍາເຄື່ອງບໍລິໂພກໄປຊ່ວຍເຫຼືອຄອບຄົວຜູ້ປະສົບໄພນໍ້າຖ້ວມ ຄື: ເຂົ້າສານ 1,5 ໂຕນ, ນໍ້າດື່ມ, ໝີ່ສໍາເລັດຮູບ ແລະ ປາກະປ໋ອງ ເປັນຕົ້ນ.

ແຫຼ່ງທີ່ມາ:Media Laos