ຮອງເລຂາພັກແຂວງສາລະວັນ ແລະ ຄະນະນໍາເມືອງສະໝ້ວຍ ລົງຕິດຕາມເບິງສະພາບທາງທີ່ຖືກຜົນກະທົບຈາກໄພທໍາມະຊາດ.

ຮອງເລຂາພັກແຂວງສາລະວັນ ແລະ ຄະນະນໍາເມືອງສະໝ້ວຍ ລົງຕິດຕາມເບິງສະພາບທາງທີ່ຖືກຜົນກະທົບຈາກໄພທໍາມະຊາດ.

October 12, 2020 0 By admin

ໃນວັນທີ 10 ຕຸລາ 2020ນີ້ ທ່ານ ບົວທອງ ຄຸນຍອດປັນຍາ ຮອງເລຂາພັກແຂວງ – ຮອງເຈົ້າແຂວງສາລະວັນ ພ້ອມດ້ວຍ ຫົວໜ້າພະແນກ ແຮງງານ ແລະ ສະຫວັດດີການສັງຄົມແຂວງ, ຫົວໜ້າພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງ, ໄດ້ສົມທົບກັບ ຄະນະນຳຂອງເມືອງສະໝ້ວຍ ລົງຕິດຕາມເບິ່ງ ສະພາບການທີ່ຖືກຜົນກະທົບຈາກໄພທໍາມະຊາດ ໄດ້ເຮັດໃຫ້ມີຝົນຕົກໜັກ ພ້ອມທັງມີລົມພັດແຮງ ໃນລະຫວ່າງວັນທີ 8-9 ຕຸລາ 2020 ຜ່ານມາ.

ເມືອງສະໝ້ວຍ ແຂວງສາລະວັນ ເປັນເມືອງໜຶ່ງ ທີ່ໄດ້ຮັບຜົນກະທົບຫລາຍຈຸດ ໃນນັ້ນມີເສັ້ນທາງ 5 ຈຸດ ພາກດ່ານ ອາສົກ ໄປຫາ ຫຼັກໝາຍຊາຍແດນໄດ້ຖືກດິນເຈື່ອນທັບທາງ ເຮັດໃຫ້ລົດໄປບໍ່ໄດ້, ຫົວຂົວຖືກເຊາະເຈື່ອນ ມີ 2 ຈຸດ, ມີຕົ້ນໄມ້ໃຫຍ່, ງ່າໄມ້ ແລະ ຂີ່ເຫຍື່ອໄຫຼອັດປາກທໍ່ 2 ຈຸດ, ດິນເຈື່ອນລົງມາຈາກພູຖົມທາງ 7ຈຸດ (ພາຫະນະລົດໄປບໍ່ໄດ້), ໃນນັ້ນພາຍຸໄດ້ພັດເຮືອນປະຊາຊົນ 1 ຫຼັງ, ເຄື່ອງປູກ ມັນຕົ້ນ ຖືກນ້ຳຖ້ວມ, ເຊາະເຈື່ອນ ເຮັດໃຫ້ມີຄວາມເສຍຫາຍເປັນຈຳນວນຫຼວງຫຼາຍ.

.

ແຕ່ເຖິງຢ່າງໃດກໍ່ຕາມປະຊາຊົນພາຍໃນບ້ານທີ່ຖືກຜົນກະທົບກໍໄດ້ມີຄວາມເປັນເຈົ້າການຊ່ວຍກັນແກ້ໄຂ ເພື່ອບໍ່ໃຫ້ເສັ້ນທາງຖືກຕັດຂາດ, ມາຮອດປັດຈຸບັນ ຄະນະນຳຂັ້ນແຂວງ ກໍບໍ່ໄດ້ລົດລະໃນການລົງເຄື່ອນໄຫວຕິດຕາມພ້ອມທັງໄດ້ຊີ້ນຳໃຫ້ຄະນະນໍາເມືອງສະໝ້ວຍ ສືບຕໍ່ເຝົ້າລະວັງຢ່າງໃກ້ສິດຕິດແທບ ຕໍ່ກັບປະຊາຊົນ ເພື່ອໃຫ້ມີສະຕິ, ຕິດຕາມເບິ່ງຂໍ້ມູນຂ່າວສານທີ່ແຈ້ງການເປັນແຕ່ລະໄລຍະຈາກກົມອຸຕຸນິຍົມ ແລະ ອຸທຸກກະສາດ ເນື່ອງຈາກວ່າພະຍຸຍັງມີການສືບເນື່ອງ.

.

.


ພາບ-ໂດຍ: ວິລະກອນ (ຫ້ອງວ່າການແຂວງ)