ກິນກັນບໍ່ລົງ! ຝຣັ່ງ ປະທະ ໂປຕູເກດ ຈົບ 0-0 ເຕະບານ ຢູຟ້າ ເນຊັ່ນລີກ 2020-21

ກິນກັນບໍ່ລົງ! ຝຣັ່ງ ປະທະ ໂປຕູເກດ ຈົບ 0-0 ເຕະບານ ຢູຟ້າ ເນຊັ່ນລີກ 2020-21

October 12, 2020 0 By admin

ການແຂ່ງຂັນເຕະບານ ຢູຟ້າ ເນຊັ່ນລີກ ລະດູການ 2020-21 ຮອບແບ່ງກຸ່ມນັດທີ 3 ຂອງລີກ A ກຸ່ມທີ 3 ໃນຄືນວັນທີ 11 ຕຸລາຜ່ານມາ, ທີມຊາດຝຣັ່ງ ແຊ້ມໂລກ 2018 ຄັ້ງຫລ້າສຸດ ເປີດສະໜາມກິລາແຫ່ງຊາດຂອງຕົນ ຕ້ອນຮັບ ທີມຊາດປັອກຕຸຍການ (ໂປຕູເກດ) ແຊ້ມຢູໂຣ 2016 ແລະ ເປັນແຊ້ມເກົ່າ ຢູຟ້າ ເນຊັ່ນລີກ ໃນລະດູການຜ່ານມາ ເປັນການໂຄຈອນ ມາພົບກັນອີກຄັ້ງ ຫລັງຈາກຮອບຊິງ ຢູໂຣ 2016 .

ນັດທີ່ທັງສອງທີມ ຫລິ້ນແບບລະມັດລະວັງເປັນພິເສດ ບໍ່ໄດ້ກໍບໍ່ໃຫ້ເສຍ ສຸດທ້າຍຈົບດ້ວຍຜົນ 0-0 ແບ່ງໄປທີມລະຄະແນນ. ສ່ວນຜົນອີກໜຶ່ງຄູ່ໃນກຸ່ມດຽວກັນ ໂຄຣເອເຊຍ ຊະນະ ຊູແອັດ (ສະວີເດັນ) 2-1.

+ ໂຣນາວໂດ້ ຍັງລຸ້ນສ້າງສະຖິຕິໂລກຍິງຫລາຍສຸດໃຫ້ທີມຊາດຕໍ່ໄປ ປະຈຸບັນ ຍິງໄດ້ 101 ປະຕູ ຕາມຫລັງ ອາລີ ດາອີ ດາວຍິງສູງສຸດ ອະດີດກອງໜ້າທີມຊາດອີຣານ 8 ປະຕູ.

ກຸ່ມນີ້ ຜ່ານໄປ 3 ນັດ ປັອຍຕຸຍການ ແລະ ຝຣັ່ງ ມີ 7 ຄະແນນເທົ່າກັນ ແຕ່ປັອກຕຸຍການມີປະຕູໄດ້ເສຍດີກວ່າສອງໜ່ວຍ, ໂຄຣເອເຊຍ ມີ 3 ຄະແນນ ແລະ ຊູແອັດ ຍັງບໍ່ມີຄະແນນ. ນັດຕໍ່ໄປ ໂຄຣເອເຊຍ ພົບກັບ ຝຣັ່ງ ແລະ ປັອກຕຸຍການ ພົບກັບ ຊູແອັດ ຈະແຂ່ງຂັນໃນຄືນວັນທີ 14 ຕຸລານີ້ ເວລາ 01:45.

ໄຮໄລ້ການແຂ່ງຂັນ:

Photo: UEFA EURO 2020