ຮີກົວອິນ ຍິງໄດ້ແລ້ວ ກັບສັງກັດໃໝ່ທີ່ມີ ເດວິດ ເບັກແຮມ ເປັນເຈົ້າຂອງທີມ!!

ຮີກົວອິນ ຍິງໄດ້ແລ້ວ ກັບສັງກັດໃໝ່ທີ່ມີ ເດວິດ ເບັກແຮມ ເປັນເຈົ້າຂອງທີມ!!

October 11, 2020 0 By admin

ກອນຊາໂລ້ ຮີກົວອິນ ກອງໜ້າປະສົບການສູງຊາວອາກຊັງຕິນ ໄວ 32 ປີ ເຖິງວ່າເລີ່ມຕົ້ນບໍ່ສວຍງາມກັບສັງກັດໃໝ່ ອິນເຕີ ໄມອາມີ້ ທີມນ້ອງໃຫມ່ໃນເມເຈີລີກຊັອກເກີຂອງສະຫະລັດອາເມຣິກາ ທີ່ມີ ເດວິດ ເບັກແຮມ ເປັນເຈົ້າຂອງທີມ ດ້ວຍ ການສັງຫານຈຸດໂທດບໍ່ເຂົ້າ ນັດທີ່ທີມເສຍໃຫ້ ຟີລາເດວເຟຍ ຢູນ້ຽນ 0-3 ເມື່ອວັນທີ 28 ກັນຍາຜ່ານມາ.

ແຕ່ຫລ້າສຸດ ຮີກົວອິນ ສາມາດຍິງປະຕູທຳອິດໃຫ້ສັງກັດໃຫມ່ໄດ້ສຳເລັດ ໃນນັດທີ່ບຸກຊະນະ ນິວຢ໊ອກ ເຣດບູລ 2-1 ເມື່ອວັນທີ 8 ຕຸລານີ້ ເປັນຜູ້ຍິງປະຕູໄຊ ພາຍຫລັງທີ່ທີມຕາມຫລັງກ່ອນ 0-1 ນາທີ 53′ ມາຕ້ຽດ ເປເຢກີນີ້ ຕີສະເໝີ ນາທີ 55′ ແລະ ຮີກົວອິນ ຍິງນາທີ 81′. ນັບຕັ້ງແຕ່ ຮີກົວອິນ ຍ້າຍຈາກ ຢູເວັນຕຸສ ມາຢູ່ກັບ ອິນເຕີ ໄມອາມີ້ ລົງສະໜາມຊ່ວຍທີມໄປແລ້ວ 4 ນັດ.

ເຊິ່ງຂະນະນີ້ ອິນເຕີ ໄມອາມີ້ ຢູ່ອັນດັບທີ 11 ໃນເຂດຕາເວັນອອກ ແຂ່ງ 17 ນັດ ຊະນະ 5 ເສຍ 10 ສະເໝີ 2 ມີ 17 ຄະແນນ. ສຳລັບ ຮີກົວອິນ ຍ້າຍຈາກ ຢູເວັນຕຸສ ມາຢູ່ກັບ ອິນເຕີ ໄມອາມີ້ ໃນວັນທີ 18 ກັນຍາຜ່ານມາ ກາຍເປັນສະໂມສອນທີ 7 ໃນອາຊີບ ນອກຈາກ ຮີກົວອິນ ຍັງມີ ເບຣສ ມາຕຸຍດີ້ ກອງກາງຊາວຝຣັ່ງກໍຍ້າຍຈາກ ຢູເວັນຕຸສ ມາຮ່ວມທີມຂອງ ເດວິດ ເບັກແຮມ, ນັດຕໍ່ໄປ ອິນເຕີ ໄມອາມີ້ ຈະພົບກັບ ແອັດລັນຕ້າ ໃນວັນທີ 15 ຕຸລານີ້.

ໄຮໄລ້ການແຂ່ງຂັນ:

Photo: Inter Miami CF, Getty Image