ໂນວັກ ດວນກັບ ນາດາວ ຮອບຊິງຊະນະເລີດ ເທັນນິສ ເຟັນ ໂອເພັນ 2020

ໂນວັກ ດວນກັບ ນາດາວ ຮອບຊິງຊະນະເລີດ ເທັນນິສ ເຟັນ ໂອເພັນ 2020

October 10, 2020 0 By admin

ການແຂ່ງຂັນເທັນນິສ ແກຣນສະແລມ ເຟັນ ໂອເພັນ 2020 ທີ່ສັງວຽນ ໂຣລ໋ອງ ກາຣັອສ ໃນນະຄອນຫລວງປາຣີ ປະເທດຝຣັ່ງ ໃນວັນທີ 27 ກັນຍາ – 11 ຕຸລານີ້ ຊິງເງິນລາງວັນລວມ 38 ລ້ານເອີໂຣ ຫລື ປະມານ 400 ກວ່າຕື້ກີບ.

ປະເພດຊາຍດ່ຽວ ຮອບ 4 ຄົນສຸດທ້າຍ: ໂນວັກ ໂຢໂຄວິກ ມື 1 ຂອງໂລກຈາກແຊັກບີ້ ແຊ້ມປີ 2016 ຜົນງານຍັງເດັ່ນຕໍ່ເນື່ອງ ເກັບໄຊນັດທີ 36 ໃນປີ 2020 ພາຍຫລັງຊະນະ ສະເຕຟານັອສ ຊິດຊີປັສ ມື 5 ຈາກເກຣັກ ທີ່ເຂົ້າຮອບຮອງຊະນະເລີດລາຍການນີ້ຄັ້ງທຳອິດ 3-2 ເຊັດ: 6-3, 6-2, 5-7, 4-6, 6-1.

ໂດຍຮອບຊິງຊະນະເລີດ ໂນວັກ ໄປພົບກັບ ຣາຟາເອວ ນາດາວ ແຊ້ມເກົ່າ ທັງເປັນແຊ້ມສູງສຸດ 12 ສະໄໝ ລາຊາຂອດດິນ ທີ່ເອົາຊະນະ ເດໂກ້ ສະວັອດແມ້ນ ຈາກອາກຊັງຕິນ ມື 17 ຂອງລາຍການ 3-0 ເຊັດ: 6-3, 6-3, 7-6 (7-0). ຮອບຊິງຈະແຂ່ງຂັນໃນວັນອາທິດທີ 11 ຕຸລານີ້.

ໄຮໄລ້ການແຂ່ງຂັນ:

Photo: ROLAND-GARROS