ໜ້າເຫັນໃຈຊາວວິລະບູລີ ແລະ ເມືອງອື່ນໆຂອງແຂວງສະຫວັນນະເຂດ ເຂົ້າກຳລັງຈະກ່ຽວ ແຕ່ຖືກນໍ້າຖ້ວມເສຍຫາຍ

ໜ້າເຫັນໃຈຊາວວິລະບູລີ ແລະ ເມືອງອື່ນໆຂອງແຂວງສະຫວັນນະເຂດ ເຂົ້າກຳລັງຈະກ່ຽວ ແຕ່ຖືກນໍ້າຖ້ວມເສຍຫາຍ

October 10, 2020 0 By admin

ຫຼາຍເມືອງຂອງແຂວງສະຫວັນນະເຂດ ໂດຍສະເພາະແມ່ ນເມືອງວິລະບູລິ, ເມືອງເຊໂປນ ແລະ ເມືອງນອງ ແມ່ນມີນໍ້າຖ້ວມໃນສອງສາມມື້ຜ່ານມາ ເນື່ອງຈາກຝົນຕົກແຮງຕິດຕໍ່ກັນ

ເຮັດໃຫ້ແມ່ນໍ້າສາຍຕ່າງໆຍືງຂຶ້ນ ໄຫລເຂົ້າຖ້ວມບ້ານເຮືອ, ເນື້ອທີ່ການຜະລິດຂອງປະຊາຊົນ ໂດຍສະເພາະແມ່ນເຂົ້ານາປີທີ່ກຳລັງເກັບກ່ຽວໄດ້ຮັບຄວາມເສຍຫາຍ.

.

ຂະນະທີ່ພະຍາກອນອາກາດປະຈຳວັນທີ 10/10/2020 ຈາກກົມອຸຕຸນິຍົມ ແລະ ອຸທົກກະສາດ ລະບຸວ່າ:ຄວາມກົດດັນອາກາດສູງຈາກປະເທດເທດຈີນໄດ້ມີກໍາລັງແຮງເພີ້ມຂຶ້ນຍັງສືບຕໍ່ແຜ່ລົງມາປົກຄຸມຢູ່ເຂດພາກເໜືອ ຫາ ພາກກາງຂອງປະເທດລາວດ້ວຍກໍາລັງອ່ອນ, ພ້ອມດຽວກັນພາຍຸດີເປຼຊັນໄດ້ກໍ່ໂຕຢູ່ທະເລຈີນໃຕ້,ຊຶ່ງໃນເວລາ 7 ໂມງເຊົ້້າມື້ນີ້ມີຈຸດໃຈກາງຢູ່ເສັ້ນຂະໜານທີ່ 13,5 ອົງສາເໜືອ ແລະ ເສັ້ນແວງທີ 114,3 ອົງສາຕາເວັນອອກ,ພວມເຄື່ອນທີ່ໄປທາງທິດຕາເວັນຕົກຢ່າງຊ້າໆ

ຊຶ່ງຈະເຮັດໃຫ້ອາກາດເຢັນລົງຕື່ມອີກໃນຕອນເຊົ້າຢູ່ແຂວງພາກເໜືອ ແລະ ຈະມີຝົນຕົກຟ້າຮ້ອງຟ້າເຫຼື້ອມໃນລະດັບຄ່ອຍຫາປານກາງ ແລະ ຕົກໜັກ ພ້ອມຈະມີລົມພັດແຮງຢູ່ບາງທ້ອງຖິ່ນຢູ່ແຂວງພາກກາງ ແລະ ພາກໃຕ້ໃນໄລຍະວັນທີ 10 ຫາ 12 ຕຸລາ 2020 ນີ້.

ສ່ວນລະດັບແມ່ນໍ້າສາຂາ ແກ້ງກອກ(ເຊຈໍາພອນ) ປະຈຸບັນແມ່ນໄດ້ຂຶ້ນກາຍເຂດລະວັງໄພແລ້ວ, ຊຶ່ງໃນຕອນເຊົ້າມຶ້ນິ້ແທກໄດ້ 7 ແມັດ 78 ຊັງຕືແມັດ(ເຂດລະວັງໄພແມ່ນ 7 ແມັດ 50 ຊັງຕີແມັດ) ແລະ ແມ່ນໍ້າສາຂາ ເຊໂປນ (ເຊບັ້ງຫຽງ) ແມ່ນໄດ້ຂຶ້ນກາຍເຂດອັນຕະລາຍ ແລະ ໃນຕອນເຊົ້າມຶ້ນິ້ແທກໄດ້ 18 ແມັດ 30 ຊັງຕີແມັດ (ເຂດອັນຕະລາຍແມ່ນ 17 ແມັດ 00 ຊັງຕີແມັດ).

ດັ່ງນັ້ນ, ຈຶ່ງຂໍແຈ້ງເຕືອນເຖິງປະຊາຊົນ ແລະ ອົງການປົກຄອງ ທຸກພາກສ່ວນທີ່ອາໃສຢູ່ແຂວງພາກກາງ ແລະ ພາກໃຕ້ເຊັ່ນ: ຄຳມ່ວນ, ສະຫວັນນະເຂດ, ສາລະວັນ, ຈໍາປາສັກ, ເຊກອງ ແລະ ອັດຕະປື ຈົ່ງມີສະຕິລະມັດລະວັງຕໍ່ສະພາບຝົນຕົກໜັກ ແລະ ລົມພັດແຮງ ທີ່ຈະເຮັດໃຫ້ມີຕົ້ນໄມ້ຫັກ ແລະ ເສົາໄຟຟ້າລົ້ມ, ເຮືອນເປ່ເພ, ນໍ້າຖ້ວມຊຸ, ດິນເຈື່ອນ ແລະ ນໍ້າຖ້ວມອັ່ງ.