ມາຊີຢາວ ຊັດແຮັດທຣິກ ນຳ ແມນຢູ ຊະນະ ເຊຟຟິວ!! ພຣີເມ່ຍລີກ ນັດທີ 31

ມາຊີຢາວ ຊັດແຮັດທຣິກ ນຳ ແມນຢູ ຊະນະ ເຊຟຟິວ!! ພຣີເມ່ຍລີກ ນັດທີ 31

June 25, 2020 0 By admin

ການແຂ່ງຂັນເຕະບານ ພຣີເມ່ຍລີກ ອັງກິດ ລະດູການ 2019-20 ນັດທີ 31 ຄືນຜ່ານມາ (24 ມິຖຸນາ 2020) ປີສາດແດງ ແມນເຊັສເຕີ ຢູໄນເຕັດ ເປີດບ້ານ ຊະນະ ເຊຟຟິວ ຢູໄນເຕັດ 3-0 ອ໋ອງໂທນີ້ ມາຊີຢາວ ເໝົາສາມປະຕູ ນາທີ 7′, 44′ ແລະ ນາທີ 74′ ເປັນແຮັດທຣິກທຳອິດຂອງກອງໜ້າຊາວຝຣັ່ງກັບແມນຢູ ນັບຕັ້ງແຕ່ຍ້າຍມາຮ່ວມທີມໃນປີ 2016.

ແມນຢູ ບວກເພີ່ມເປັນ 49 ຄະແນນຈາກ 31 ນັດ, ຢູ່ອັນດັບທີ ຫ່າງຈາກ ເຊວຊີ ອັນດັບ 4 ພື້ນທີ່ແຊ້ມປ້ຽນລີກ 2 ຄະແນນ ແຕ່ແຂ່ງຫລາຍກວ່າ ເຊວຊີ ໜຶ່ງນັດ, ຂະນະທີ່ ເຊຟຟິວ ຢູ່ອັນດັບທີ 8 ມີ 44 ຄະແນນ ຍັງມີໂອກາດລຸ້ນໂຄຕ້າບານເອີຣົບຕໍ່ໄປ.

+ ແມນຢູ ຊະນະ ເຊຟຟິວ ຢູໄນເຕັດ 4 ນັດລວດລວມທຸກລາຍການ ໃນນີ້ ຍິງໄດ້ 13-0 ພ້ອມກັນນີ້ ແມນຢູ ບໍ່ເສຍມາ 13 ນັດຕິດຕໍ່ກັນ ຊະນະ 9 ສະເໝີ 4.

ນັດຕໍ່ໄປ ແມນຢູ ຈະໄປຢາມ ໄບຣຕັນ ໃນຄືນວັນທີ 30 ມິຖຸນາ ເວລາ 02:15 ແລະ ເຊຟຟິວ ຈະເປີດບ້ານພົບ ສະເປີ ໃນຄືນວັນທີ 2 ກໍລະກົດ ເວລາ 00:00. ແຕ່ທັງສອງທີມຈະລົງຫລິ້ນເກມ ເອຟເອຄັບ ຮອບ 8 ທີມກ່ອນ ໂດຍ ແມນຢູ ຈະໄປຢາມ ນໍຣິກ ຊິຕີ້ ໃນວັນທີ ມິຖຸນານີ້ ເວລາ 23:30 ຂະນະທີ່ ເຊຟຟິວ ຈະເປີດບ້ານພົບກັບ ອາຣເຊນໍລ ໃນວັນທີ 28 ມິຖຸນານີ້ ເວລາ 19:00.

ສຳລັບ ຜົນອີກ 4 ຄູ່ ວານນີ້ ລີເວີພູລ ຊະນະ ຄຣິສຕັນ ພາເລດ 4-0, ນິວຄາສເຊິນ ສະເໜີກັບ ແອັສຕັນ ວິນລ້າ 1-1, ນໍຣຣິກ ເສຍໃຫ້ ເອຟເວີຕັນ 0-1 ແລະ ວູຟແຮມຕັນ ຊະນະ ບຣອນມັດ 1-0.

ສ່ວນຄືນນີ້ (25 ມິຖຸນາ 2020) ມີແຂ່ງຂັນ 3 ຄູ່: ເບີນລີ້ ພົບ ວັດຟອດ ເວລາ 00:00 ແຂ່ງພ້ອມກັບ ເຊົາແທ່ມຕັນ ພົບ ອາຣເຊນໍລ ແລະ ເຊວຊີ ພົບ ແມນຊິຕີ້ ເວລາ 02:15.

ໄຮໄລ້ການແຂ່ງຕາມລິ້ງລຸ່ມນີ້:

Photo: Premier League, Manchester United