ໜ້າເຫັນໃຈຊາວວິລະບູລີ ຝົນຕົກແຮງ ເກີດນໍ້າຖ້ວມໃນຫຼາຍພື້ນທີ່ ສ້າງຜົນເສຍຫາຍແກ່ເນື້ອທີ່ນາທີ່ກຳລັງເກັບກ່ຽວ

ໜ້າເຫັນໃຈຊາວວິລະບູລີ ຝົນຕົກແຮງ ເກີດນໍ້າຖ້ວມໃນຫຼາຍພື້ນທີ່ ສ້າງຜົນເສຍຫາຍແກ່ເນື້ອທີ່ນາທີ່ກຳລັງເກັບກ່ຽວ

October 8, 2020 0 By admin

News Vilabouly-ຊ່ອງຂ່າວເມືອງວິລະບູລີ ລາຍງານວ່າ: ວັນທີ 8/10/2020 ຫລາຍພື້ນທີ່ຂອງເມືອງວິລະບູລີ ແຂວງສະຫວັນນະເຂດ  ໄດ້ຮັບຜົນກະທົບຈາກພາຍຸເຮັດໃຫ້ມີຝົນຕົກໜັກໃນໄລຍະ1-2ວັນທີ່ຜ່ານມາ.

ເຮັດໃຫ້ນໍ້າໃນຫ້ວຍໃນເຊເພີ່ມສູງຂື້ນ ເຊັ່ນວ່າ : ນໍ້າເຊກອກ,​ຫ້ວຍຄຽງ,​ຫ້ວຍແຢງ ໄຫລເຂົ້າຖ້ວມນາ,​ໜອງປາ,​ເສັ້ນທາງໄປມາ ໂດຍສະເພາະກໍ່ແມ່ນເສັ້ນທາງ 28 A ອອກສູ່ເມືອງເຊໂປນແມ່ນຖືກນໍ້າຖ້ວມໃນຫລາຍຈຸດ.​ລະດັບນໍ້າເຊກອກແທກໄດ້ໃນເວລາ 8 : 30 ໂມງຂອງມື້ນີ້ຢູ່ທີ່ 8,50 ແມັດ,ເຂດລະວັງໄພແມ່ນ 4,30ແມັດ ຂໍໃຫ້ລະມັດລະວັງໃນການໄປມາຕື່ມ.

ຂະນະທີ່ກົມອຸຕຸນິຍົມ ແລະ ອຸທົກກະສາດ ພະຍາກອນອາກາດປະຈຳວັນທີ 07/10/2020ວ່າ: ຄວາມກົດດັນອາກາດສູງຈາກປະເທດເທດຈີນຍັງສືບຕໍ່ແຜ່ລົງມາປົກຄຸມເຂດພາກເໜືອ ຂອງປະເທດລາວ ດ້ວຍກໍາລັງອ່ອນ, ສ່ວນພາກກາງ ແລະ ພາກໃຕ້ຄວາມກົດດັນອາກາດຕໍ່າໄດ້ປົກຄຸມ, ສົມທົບກັບສອງກະແສລົມຕາເວັນອອກສ່ຽງ ເໜືອພັດປົກຄຸມພາກເໜືອ ແລະ ກະແສລົມຕາເວັນອອກສ່ຽງໃຕ້ພັດປົກຄຸມພາກກາງ ແລະ ພາກໃຕ້,

ຊຶ່ງຈະເຮັດໃຫ້ອາກາດເຢັນໃນຕອນເຊົ້າ ແລະ ຈະມີຝົນຕົກຟ້າຮ້ອງຟ້າເຫຼື້ອມໃນລະດັບຄ່ອຍຢູ່ໃນແຕ່ລະພາກ ແລະ ຕົກປານກາງ ຫາ ຕົກໜັກ ພ້ອມຈະມີລົມພັດແຮງຢູ່ບາງທ້ອງຖິ່ນຢູ່ແຂວງພາກກາງ ແລະ ພາກໃຕ້.