ລີເວີພູລ ຖະຫລົ່ມ ພາເລດ 4-0 ຖ້າ ແມນຊິຕີ້ ບໍ່ຊະນະ ເຊວຊີ ຄືນນີ້ ຫົງແດງເປັນແຊ້ມ ພຣີເມ່ຍລີກ ທັນທີ!!

ລີເວີພູລ ຖະຫລົ່ມ ພາເລດ 4-0 ຖ້າ ແມນຊິຕີ້ ບໍ່ຊະນະ ເຊວຊີ ຄືນນີ້ ຫົງແດງເປັນແຊ້ມ ພຣີເມ່ຍລີກ ທັນທີ!!

June 25, 2020 0 By admin

ການແຂ່ງຂັນເຕະບານ ພຣີເມ່ຍລີກ ອັງກິດ ລະດູການ 2019-20 ນັດທີ 31 ຄືນຜ່ານມາ (24 ມິຖຸນາ 2020) ຫົງແດງ ລີເວີພູລ ທີມນຳ ເປີດບ້ານແອນຟິວ ເອົາຊະນະ ຄຣິສຕັນ ພາເລດ 4-0 ໄດ້ປະຕູຈາກ: ເທັນ ອາເລັກຊານເດີ ອາຣໂນ ນາທີ 23′, ໂມຮາເໝັດ ຊາລ່າ ນາທີ 44′, ຟາບິນໂຢ້ ນາທີ 55′ ແລະ ຊາດີໂອ ມາເນ່ ນາທີ 69′.

ລີເວີພູລ ເກັບເພີ່ມເປັນ 86 ຄະແນນຈາກ 31 ນັດ, ຮັກສາອັນດັບໜຶ່ງຢ່າງໜຽວແໜ້ນ ຫ່າງຈາກອັນດັບສອງ ແມນຊິຕີ້ 23 ຄະແນນ, ຖ້າ ແມນຊິຕີ້ ບໍ່ຊະນະ ເຊວຊີ ໃນຄືນນີ້ ຫົງແດງເປັນແຊ້ມ ພຣີເມ່ຍລີກ ທັນທີ, ຂະນະທີ່ ຄຣິສຕັນ ພາເລດ ຢູ່ອັນດັບທີ 9 ມີ 42 ຄະແນນລຸ້ນໂຄຕ້າບານເອີຣົບຕໍ່ໄປ.

+ ລີເວີພູລ ຊະນະໃນບ້ານເປັນນັດທີ 20 ຈາກທັງໝົດ 23 ນັດ ລວມທຸກລາຍການ ຫລາຍສຸດໃນ ລີກຊັ້ນນຳຂອງເອີຣົບໃນລະດູການນີ້ ແລະ ຍິງຫລັກ 100 ປະຕູ 3 ລະດູການຕິດຕໍ່ກັນ ຕໍ່ຈາກປີ 1986-87.

+ ເຈີເກັນ ຄັອບ ຄຸມທີມພົບກັບ ຄຣິສຕັນ ພາເລດ ຊະນະ 8 ຄັ້ງ ດີກວ່າການພົບກັບທີມອື່ນໆ.

ນັດຕໍ່ໄປ ລີເວີພູລ ຈະໄປຢາມ ແມນຊິຕີ້ ໃນຄືນວັນທີ 2 ກໍລະກົດ ເວລາ 02:15 ແລະ ຄຣິສຕັນ ພາເລດ ຈະເປີດບ້ານພົບ ເບີນລີ້ ໃນຄືນວັນທີ 29 ມິຖຸນາ ເວລາ 02:00. ຜົນອີກ 4 ຄູ່ ວານນີ້ ແມນຢູ ຊະນະ ເຊຟຟິວ 3-0, ນິວຄາສເຊິນ ສະເໜີກັບ ແອັສຕັນ ວິນລ້າ 1-1, ນໍຣຣິກ ເສຍໃຫ້ ເອຟເວີຕັນ 0-1 ແລະ ວູຟແຮມຕັນ ຊະນະ ບຣອນມັດ 1-0.

ສຳລັບຄືນນີ້ (25 ມິຖຸນາ 2020) ມີແຂ່ງຂັນ 3 ຄູ່: ເບີນລີ້ ພົບ ວັດຟອດ ເວລາ 00:00 ແຂ່ງພ້ອມກັບ ເຊົາແທ່ມຕັນ ພົບ ອາຣເຊນໍລ ແລະ ເຊວຊີ ພົບ ແມນຊິຕີ້ ເວລາ 02:15.

ໄຮໄລ້ການແຂ່ງຕາມລິ້ງລຸ່ມນີ້:

Photo: Premier League, Liverpool FC