ນາດາວ ແຊ້ມເກົ່າ ຊະນະດາວຮຸ່ງອີຕາລີ ເຂົ້າຮອບ 4 ຄົນສຸດທ້າຍ! ເຟັນ ໂອເພັນ 2020

ນາດາວ ແຊ້ມເກົ່າ ຊະນະດາວຮຸ່ງອີຕາລີ ເຂົ້າຮອບ 4 ຄົນສຸດທ້າຍ! ເຟັນ ໂອເພັນ 2020

October 7, 2020 0 By admin

ການແຂ່ງຂັນເທັນນິສ ແກຣນສະແລມ ເຟັນ ໂອເພັນ 2020 ທີ່ສັງວຽນ ໂຣລ໋ອງ ກາຣັອສ ໃນນະຄອນຫລວງປາຣີ ປະເທດຝຣັ່ງ ໃນວັນທີ 27 ກັນຍາ – 11 ຕຸລານີ້ ຊິງເງິນລາງວັນລວມ 38 ລ້ານເອີໂຣ ຫລື ປະມານ 400 ກວ່າຕື້ກີບ.

ປະເພດຊາຍດ່ຽວ ຮອບ 8 ຄົນສຸດທ້າຍ: ຣາຟາເອວ ນາດາວ ແຊ້ມເກົ່າ ທັງເປັນແຊ້ມສູງສຸດ 12 ສະໄໝ ຍັງຮັກສາຜົນງານດີຕໍ່ເນື່ອງ ຊະນະ ຢານນິກ ຊິນເນຍ ດາວຮຸ່ງໄວ 19 ປີ ຈາກອີຕາລີ ມື 75 ຂອງໂລກ 3-0 ເຊັດ: 7-6(7/4), 6-4, 6-1 ນາດາວ ເຂົ້າຮອບ 4 ຄົນສຸດທ້າຍ ໄປພົບກັບ ເດໂກ້ ສະວັອດແມ້ນ ຈາກອາກຊັງຕິນ ມື 12 ຂອງລາຍການ ທີ່ພິກລັອກຊະນະ ໂດມີນິກ ທິ່ມ ຮອງແຊ້ມສອງສະໄໝຕິດຕໍ່ກັນຈາກໂອຕຣິດ ແລະ ເປັນແຊ້ມ ຢູເອັສ ໂອເພັນ ຫລ້າສຸດ 3-2 ເຊັດ: 7-6 (7-1), 5-7, 6-7 (6-8), 7-6 (7-5) ແລະ 6-2. ສະວັອດແມ້ນ ເຂົ້າຮອບຮອງຊະນະເລີດ ລະດັບແກຣນສະແລມ ຄັ້ງທຳອິດ.

Photo: ROLAND-GARROS