ການກໍ່ສ້າງໂຮງໝໍກະເສມຣາດ ວຽງຈັນ ເຂົ້າສູ່ໂຄ້ງສຸດທ້າຍແລ້ວ ອີກອຶດໃຈດຽວກໍ່ຈະສຳເລັດຢ່າງສົມບູນ

ການກໍ່ສ້າງໂຮງໝໍກະເສມຣາດ ວຽງຈັນ ເຂົ້າສູ່ໂຄ້ງສຸດທ້າຍແລ້ວ ອີກອຶດໃຈດຽວກໍ່ຈະສຳເລັດຢ່າງສົມບູນ

October 7, 2020 0 By admin

ທ່ານນາງວາລີ ເວດສະພົງ ໃນນາມຜູ້ຖືຫຸ້ນ ໂຮງໝໍກະເສມຣາດ ອິນເຕີເນຊັ້ນແນລວຽງຈັນ  ໄດ້ໂພສຂໍ້ຄວາມໃນເພສບຸກສ່ວນຕົວໃນຕອນເຊົ້າວັນທີ7ຕຸລານີ້ວ່າ:ໂຄ້ງສຸດທ້າຍແລ້ວ ອີກອຶດໃຈດຽວ! ອຶສສ ສູ້ໆ…


ຖ້າບໍ່ຄາໂຄວິດ ເດືອນນີ້ຄົງໄດ້ເລີ້ມຕິດຕັ້ງເຄື່ອງມືແພດແລ້ວ ເລີ່ມຮັບເອົາພະນັກງານຈຳນວນໜຶ່ງໄປຝຶກວຽກຢູ່ໂຮງຫມໍກະເສມລາດທີ່ປະເທດໄທແລ້ວ,​ລະບົບ IT ຕ່າງໆອາດເກືອບແລ້ວຫມົດແລ້ວ ແລະຄົງໄດ້ທົດສອບລະບົບຄົບຊຸດຕາມແຜນແລ້ວ ແລະຄົງອາດໄດ້ເປີດບໍລິການໄດ້ຕາມແຜນ.

.


ແຕ່ທ້າວໂຄວິດ ມາໃສ່ດີ້ສເບກເຮົາຢ່າງແຮງ ເຮັດໃຫ້ທຸກຢ່າງຊ້າອອກໄປຫມົດ ປັບແຜນນຳກາບໍ່ທັນ…

.

ເຖິງແນວໃດກໍຕາມຖ້ານາຍຊ່າງໃຫຍ່ເຂົ້າມາໄດ້ HR ເຂົ້າມາສຳພາດຮັບພະນັກງານໄດ້ ປີຫນ້າໄດ້ເປີດບໍລິການແນ່ນອນ ອົດໃຈຖ້າເດີ້ພີ່ນ້ອງ

.

ໂຮງໝໍກະ​ເສມຣາດ ອິນ​ເຕີ​ເນ​ຊັ້ນ​ແນວ ວຽງຈັນ  ໄດ້ເລີ່ມລົງມືກໍ່ສ້າງມາແຕ່ເດືອນພຶດສະພາ ປີ 2018 ໂດຍແບ່ງອອກເປັນ 2 ໄລຍະການກໍ່ສ້າງ, ດ້ານງົບລົງທຶນ 60 ລ້ານໂດລາສະຫະລັດ ຫຼື ປະມານ 480 ຕື້ກີບ.

ມີອາຄານທັງໝົດ 4 ຫຼັງ ມີ 38 ຫ້ອງກວດ, 254 ຕຽງນອນ, ເຈົ້າຂອງໂຄງການຢືນຢັນທ້າຍປີ 2020 ນີ້ຈະໃຫ້ສຳເລັດ ແລະ ຄາດວ່າຈະເປີດໃຫ້ບໍລິການຕົ້ນປີ 2021.

ໂຮງໝໍກະເສມຣາດ ຕັ້ງ​ຢູ່​ບ້ານດອນ​ນົກ​ຂຸ້ມ ເມືອງ​ສີ​ສັດ​ຕະ​ນາກ ນະ​ຄອນຫລວງວຽງ​ຈັນ, ເຊິ່ງ​ຈະ​ດຳ​ເນີນ​ການກໍ່​ສ້າງ​ໂດຍ​ການ​ຮັບ​ຮອງ ​ມາດ​ຕະ​ຖານ​ຄຸນ​ນະ​ພາ​ບ ​ສະ​ຖານ​ພະ​ຍາ​ບານ​ລະ​ດັບ​ສາ​ກົນ ຫລື JCI ແລະ ຈາກ​ສະ​ຖາ​ບັນ​ສະ​ຖາ​ປະ​ນິກ​ອາ​ເມ​ລິ​ກັນ (AIA), ໃນດ້ານການ​ໃຫ້​ບໍ​ລິ​ການຈະປະ​ກອບ​ດ້ວຍ: ການ​ບໍ​ລິ​ການ​ຜູ້​ປ່ວຍນອກ, ການ​ບໍ​ລິ​ການ​ຜູ້​ປ່ວຍອຸ​ບັດ​ເຫດ​ສຸກ​ເສີນ, ການ​ບໍ​ລິ​ການ​ຜູ້​ປ່ວຍວິ​ກິດ, ການ​ບໍ​ລິ​ການ​ຜູ້​ປ່ວຍໃນ ແລະ ຂະ​ແໜງ​ສະ​ໜັບ​ສະ​ໜູນ ​ທາງ​ດ້ານ​ການ​ແພດອື່ນໆ ດ້ວຍເຄື່ອງມືທີ່ທັນສະໄໝຄວບຄູ່ກັບຊ່ຽວຊານການແພດທີ່ເຊື່ອຖືໄດ້.

ສຳລັບໂຮງໝໍກະເສມຣາດ ຄາດວ່າຈະເປັນທາງເລືອກໜຶ່ງຂອງຜູ້ທີ່ມີສັກກະຍະພາບໃນການໃຊ້ຈ່າຍ ຫຼື ຜູ້ມີລາຍຮັບສູງ ໂດຍສະເພາະແມ່ນຜູ້ທີ່ມັກໄປປິ່ນປົວຢູ່ຕ່າງປະເທດ, ລາຄາກໍຈະບໍ່ແພງເກີນໄປ ເຊື່ອວ່າພາຍຫຼັງໂຮງໝໍແຫ່ງນີ້ເປີດບໍລິການແລ້ວຈະຊ່ວຍຫຼຸດຜ່ອນບັນຫາການຂ້າມຂອງໄປປົວຢູ່ຕ່າງປະເທດຫຼາຍຂຶ້ນ.